動漫節2024 | 一年一度嘅動漫節又就到啦～相信各位動漫迷絕對會入場Shopping啦！小編就率先帶大家搶先睇動漫節有咩值得買，如果係《蠟筆小新》、《多啦A夢》同埋《我係小忌廉》嘅粉絲就絕對不容錯過，除咗有首度登場嘅頭箍，仲有埋福袋等，超吸引呀！即刻睇睇有咩必買產品推介，記得要去埋B30攤位行下喇！
圖片來源：官方圖片 | 撰文：Hedy
「第二十五屆香港動漫電玩節 2024」將會喺今年7月26日至7月30日喺會展舉辦，如果係《蠟筆小新》、《多啦A夢》同埋《我係小忌廉》嘅粉絲，就絕對要嚟B30攤位「國際影業有限公司Animation International」入手！到時會有逾500多款精品，除咗有會場率先發售嘅商品之外，仲設有多項獨家超筍優惠，等每位都可以滿載而歸，小編就率先公開部分產品滿足大家嘅心願啦～
動漫節2024 | 《蠟筆小新》商品
-
《蠟筆小新》自選 / 全 Set 頭箍組合（售價：$150 / $250 ）
《蠟筆小新》絕對係每個人童年必睇嘅卡通片，夠晒治癒人心。場內將會率先發售多項商品，當中小編就推薦大家一定要入手《蠟筆小新》自選頭箍組合，超得意！大家除咗可以選擇將蠟筆小新以及小白戴上頭箍之外，仲可以加埋不理不理左衛門、鱷山先生等。《蠟筆小新》自選頭箍組合包括6款配件，大家都可以按照自己對角色嘅喜好去選擇，每款都各有特色。而家更有會場限定優惠，只要自選3粒迷你公仔連頭箍只需要$150，全set 6粒迷你公仔連頭箍都只係$250，無論係帶去主題公園或者商場打卡都相當適合，隨時成為全場嘅焦點～就算平時冇機會戴頭箍出街，小編就推薦大家可以將迷你公仔掛落Tote Bag或者任何一個書包，變咗做掛飾一樣超可愛！
-
小新底褲 / 爸爸臭襪款咕𠱸 （售價：$150）
搞怪有趣嘅蠟筆小新深得大家鍾意，會場設有小新底褲雙面咕𠱸，以底褲造型為設計，每款都只係$150。中間仲有扮怕醜嘅蠟筆小新，可愛得嚟質感亦都相當舒服。反轉另一面就有小新錫錫大家，以綠色為主調，啱晒大家喺辦公室或者屋企用！除咗蠟筆小新夠搞笑之餘，唔知大家又記唔記得爸爸野原廣志對襪好臭嘅一幕呢？大家更可以喺現場帶走爸爸臭襪款咕𠱸，即場體驗下有冇臭味，反轉就有爸爸Chok樣嘅一面。
-
阿呆公仔斜揹袋（售價：$180）
除咗小新相當受歡迎之外，相信阿呆亦有唔少粉絲鍾意！今次更有阿呆出現喺動漫節攤位，到時仲會有專屬阿呆嘅角落畀大家打卡，同場仲有超得意嘅阿呆公仔斜揹袋等大家帶走，可愛得嚟又可以裝到嘢，無論係送畀朋友用定自己收藏都相當適合，售價都只係$180！
-
《蠟筆小新》推薦產品
場內當然唔只得咁少產品啦，眾多產品都等緊大家嚟會場買。不過小編仲可以再劇透多啲，如果大家係文具控，絕對要將蠟筆小新同阿呆嘅貼紙帶走！仲有一定要入手嘅小新同小白款嘅拍拍燈，最啱大家夜晚擺喺房間入面使用，小新嘅屁屁真係令人忍唔住拍落去～
動漫節2024 | 《多啦A夢》會場率先發售商品
-
《多啦A夢》自選頭箍組合（售價：$150）
相信近期有唔少人都去咗睇《多啦A夢》展覽，如果想入場同《多啦A夢》打卡，當然要襯好一身造型啦！會場入面設有首度登場嘅《多啦A夢》頭箍，大家都可以自由配搭唔同嘅迷你公仔，當中包括多啦A夢、記憶麵包以及豆沙包等，帶住頭箍打卡一流。會場設有限定優惠，自選3個迷你公仔連頭箍只需要$150！
-
盲盒系列環保袋（售價：$50）
就算去到會場先醒起自己唔記得帶環保袋都唔緊要，只要到B30攤位，就可以用$50抽一款盲盒系列環保袋，有百寶袋造型、隨意門以及多款設計畀大家抽，即場拆盲盒之餘又可以即場用美觀又實用嘅環保袋，裝走所有戰利品！
-
精緻擺設
除咗會場率先發售嘅商品之外，攤位入面亦都有日本直送貨品以及精緻擺設等，當中小編就最推薦星空小夜燈以及擺件公仔，實用得嚟又得意。多啦A夢休閒咁坐喺度，望住星空相當寫意，當你打開燈後，就好似一齊欣賞美麗嘅星空。而擺件公仔絕對啱大家打卡用，多啦A夢左手就好似托住個餐盤咁，大家都可以擺唔同嘅figure或公仔上去，相信影出嚟嘅效果都會好靚～
動漫節2024 | 《我係小忌廉》特色商品
-
色紙收藏套裝（售價：$450）
鍾意小忌廉嘅絕對唔可以錯過今次動漫節嘅機會，會場將會率先發售一套7款嘅色紙收藏套裝，以水彩筆觸為設計嘅色紙，更採取箔押印製，每張都有小忌廉及小桃精緻嘅圖案。而特別版更採用咗閃光之物料，令小忌廉可以喺燈光下閃閃發光，絕對值得粉絲入手一套收藏！
-
限量福袋（售價：$300）
想一次過買到多款《我係小忌廉》商品，就絕對要嚟B30攤位， 《我係小忌廉》福袋內含9件產品，當中包括會場率先發售嘅購物袋以及咕𠱸外，仲有多款文具、個人用品以及旅行用品等，相信粉絲們收到一定喜出望外。由於福袋為限量發售，先到先得，售完即止，鍾意嘅粉絲就一定要趁早入場購買啦！
-
率先發售新品
《我係小忌廉》相信一定係唔少人嘅童年回憶，當大家賺到錢嘅時候，就絕對要買返童年買唔到嘅精品！當中小編就推薦大家可以入手流沙鏡，方便各位女生化妝嘅時候用，而背面嘅流沙款式亦相當靚，實用之餘又可以當擺設。
動漫節2024 | 逾500款產品
除咗以上嘅商品之外，香港動漫節B30攤位更有逾500款產品，當中包括三大人氣動漫角色《蠟筆小新》、《多啦A夢》同埋《我係小忌廉》，記得用埋會場入面嘅獨家優惠，咁大家就可以用最抵價買走自己心水嘅產品！
【INFO】 《香港動漫電玩節攤位B30「國際影業有限公司」》 日期：2024年7月26日至7月30日 地點：香港會議展覽中心Hall 1攤位B30
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
