黎緊4月頭又可以一連抖5日長假啦！適逢復活節各大酒店仲紛紛推出大量優惠，最平人均$340起就包曬食玩住！有D酒店仲有親子玩樂套票添，真系呢D時候唔去仲等幾時啊～ 而家即刻跟小編睇下有邊8間酒店至抵玩啦！
圖片來源：官方圖片｜撰文：candice
復活節Staycation優惠1. 都會海逸酒店 人均$340起
都會海逸酒店近日推出「復活節繽紛住宿優惠」，平均每人$340起就可以免費升級入住豪華客房，仲包埋西餐廳自助早餐或雙人悠閒下午茶套餐，令可延遲退房到下午2點、客人可獲得迎賓禮物朱古力一份及免費使用酒店健身室等設施！想再爽啲嘅，升級入住高級客房（連獨立廁所及客廳）都係只需$490起，超抵玩！
*以上價錢適用於復活節正日入住
都會海逸酒店
入住日期：4月2-6日
地址：紅磡都會道7號
電話：3160 6822
復活節Staycation優惠2. Cordis康得思酒店三大復活節套票
Cordis 康得思酒店有幾豪相信唔洗再多講，最新酒店就推出三大復活節套票！當中半自助早午餐套票$1,350 起(連服務費$1,485 起)可以入住高級客房，包雙人Alibi半自助早午餐、LUSH浸浴產品同迎賓士多啤梨。而三人親子玩樂下午茶自助餐套票$1,650 起 (連服務費$1,815 起)，包三位自助早餐及下午茶自助餐，每位小童仲可以免費參加復活節活動小遊戲，同有復活蛋朱古力禮盒一盒；最後嘅三人親子玩樂自助午餐套票$1,850 起 (連服務費$2,035 起)，就包三位自助早餐及午餐，同樣有得參加復活節活動小遊戲，而且3個都包Flyday獨家免費零食添！完全岩曬鍾意親子家庭樂嘅一家人去鬆一鬆！
Cordis 康得思酒店
地址：九龍旺角上海街555號
電話：3552 3388
復活節Staycation優惠3.香港麗思卡爾頓酒店（Ritz-Carlton）復活節親子住宿可以優惠價參加STEM教育工作坊
Ritz-Carlton係復活節期間繼續推出適合一家大細玩嘅Staycation優惠，酒店與Techbob Academy合作共同舉辦STEM教育工作坊，以及兒童模擬飛行航空課程，比小朋友邊玩邊學，客人只要入住「復活節親子住宿之旅」就可以優惠價參加活動！
而Stay & Dine餐饗住宿一晚連雙人滋味牛排盛宴三道菜晚餐、雙人早餐同埋房內享用香檳一支只係$2,900 起 (連服務費$3,190 起)！另外仲有香港人免費升級套票、寵物同埋親子套票添！
香港麗思卡爾頓酒店
入住日期：4月2-6日
地址：香港九龍柯士甸道西一號
電話：2263 2263
復活節Staycation優惠4.八度海逸酒店 住宿+下午茶+甜品烘焙班每晚$550 起
8度海逸酒店Harbour Plaza 8 Degrees推出3大復活節套票，包食包住包玩最平一晚連服務費只要$605起，仲可以帶埋一位5歲或以下嘅小童入住！就算升級食自助晚餐都只係$960 起 (連服務費$1,056 起)！另外小朋友仲可以有甜品烘焙班玩，呢個價錢真係至抵之選啊！
八度海逸酒店
地址：香港九龍土瓜灣九龍城道199號
電話：2126 1988
復活節Staycation優惠5. 香港四季酒店 小帳幕設計讓小朋友體驗Glamping
四季酒店一向多人鍾意住，今次佢哋推出左復活節主題「KIDS’ FUN STAYCATION」，容許2大2小入住，仲包曬4位自助早餐及主題下午茶！最特別係房內佈滿為小朋友設置的小帳幕，即刻有種Glamping嘅感覺。復活節期間入住仲可以體驗一連串活動，例如畫復活節蛋、Egg Hunt同Bingo等等，平均每人都係$1,665起渣！
香港四季酒店
入住日期：即日起-9月30日
地址：中環金融街8號
電話：3196 8888
復活節Staycation優惠6. 唯港薈（Hotel Icon）人均$1,000可以「一泊三食」
Hotel ICON推出「味遊唯港薈」住宿優惠，每人平均$1,000就可以「一泊三食」，客人可以入住豪華客房一晚，下午茶仲可自選招牌「飄香榴槤下午茶」或係最新期間限定嘅LINDT朱古力下午茶，另外仲包The Market雙人自助早餐同GREEN法式情懷兩道菜晚餐，簡直抵到爛！
唯港薈
入住日期：即日至5月31日
地址：香港九龍尖沙咀東部科學館道17號
電話：3400 1000
復活節Staycation優惠7.朗廷酒店 復活節彩蛋遊戲+入住一晚連雙人自助早餐$888 起
朗廷酒店近日推出「繽紛復活巡禮」住宿套餐，優惠最平入住一晚連雙人自助早餐都只係$888 起 (連服務費$976.8 起)！即使 復活節紅日入住都只需$1,088 起 (連服務費$1,196.8 起)！套餐包一晚內園景高級客房住宿、兩道菜午餐、甜點自助餐和自助早餐。另外住客可以額外獲得免費「朱古力復活籃」同參與復活節彩蛋遊戲，優惠適用於4月3至5日，啱曬一家大細共享天倫樂！
朗廷酒店
入住日期：4月3日至5日
地址：尖沙咀北京道8號
電話：2375 1133
復活節Staycation優惠8. 奕居（The Upper House）人均$1,665起
奕居The Upper House作為人氣極高嘅staycation酒店，復活節推出「與奕居的24小時」計畫，讓可以住足24小時！另外優惠亦包含了迎賓禮品、雙人早餐、Maxi-Bar無限免費添置、爆谷、參加團體健康班、24小時健身室同半價泊車！係今個復活節期間入住，人均只需$1,665起！大家可以趁機去試試呢間大熱酒店啦～
奕居
入住日期：即日起-4月30日
地址：香港金鐘道88號太古廣場
電話：2918 1838
復活節Staycation優惠9. 百樂酒店「甜蜜美食之旅」每人只需$548
適逢復活節，KKday亦連同香港百樂酒店 Park Hotel Hong Kong 推出「甜蜜美食之旅」住宿優惠！星期一至五入住豪華客房只需HK$1,096 (已含 10%服務費)， 而星期六、日及公眾假期則是HK$1,316 (已含 10%服務費)。賓客亦可自選加HK$385將自助午餐升級至「龍蝦‧鮑魚嚐鮮盛宴」海鮮雙人自助晚餐，另外於入住期間更可享充滿少女心的「草莓戀人」下午茶(星期一至五) 或「粉紅草莓國度」下午茶自助餐(星期六, 日及公眾假期)添！除此之外，大家更可以住足26小時，延遲至16:00退房，可以免費使用酒店健身室設施，另有免費房內氣球、指定語句裝飾佈置，再送房內迷你酒吧！ 咁抵玩記得把握機會啦！
百樂酒店「甜蜜美食之旅」
預訂日期：即日起至4月4日23:59
入住日期：2021年5月31日或之前
地址： 尖沙咀漆咸道南香港百樂酒店
電話： 2731 2100
相關文章：
【迪士尼門票優惠 港人團購3人75折4人7折！ 人氣兔子角色StellaLou/朱迪/白兔先生同慶復活節】
