女士們注意！最近網上瘋傳MUJI新品「收腹神褲」，聽講呢款褲一著完肚腩就可以瞬間消失！！仲要HK$99就買到，究竟呢款褲點解會咁神奇，即睇內文了解更多！
圖片來源：MUJI｜撰文：Sharon
MUJI 無印良品推出「棉混腹部清爽柔軟束褲」（コットン混お腹すっきりソフトガードル），主打「柔軟、不勒身、瞬間平腹」！MUJI官方實測圖可見，著上呢條褲之前，小腹呈圓弧狀，好明顯見到有肚腩，而著上「收腹神褲」後，肚腩居然瞬間消失，整個人都顯得更修長，非常神奇！
據了解，「收腹神褲」採用「雙層布料構造」，能有效抑制贅肉外露，著完之後會有「平腹」效果，睇落身型更纖瘦！而且呢條褲冇使用橡皮筋膠帶，就算食完飯腹部都唔會有太緊嘅感覺，著耐啲依然好舒服！呢款收腹褲售價為 1,990日圓（含稅），約港幣$99， 有黑色同杏色兩色選擇，暫時淨係日本MUJI門市有得買，唔知香港MUJI遲啲會唔會有得買呢？
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
