JINS眼鏡推介 | 新一年，梗係要買返一副新眼鏡迎接新嘅開始！依家市面上眼鏡款式繁多，甚至會推出以唔同角色人物為主題嘅眼鏡系列！JINS推出櫻桃小丸子系列眼鏡，分為「櫻家」以及「3年4班」兩個系列共24款款式，鍾意櫻桃小丸子嘅朋友千祈唔好錯過！
圖片來源：JINS、網絡圖片｜撰文：Sharon
JINS櫻桃小丸子系列眼鏡：櫻家
JINS櫻桃小丸子系列眼鏡：櫻家款式
櫻家款式以經典威靈頓框型為主，搭配厚重膠框設計，鏡框配色選擇經典嘅深色系同透明色，兩種唔同嘅風格任你配搭！眼鏡左側鏡腳內側，金屬插芯上有小丸子一家嘅圖案，仲畫上櫻家每個人嘅神情，非常可愛！
JINS櫻桃小丸子系列眼鏡：櫻家 – 小丸子和爺爺款式
講起小丸子又點可以少咗小丸子同爺爺呢個組合呢！眼鏡左右腳內側，分別有小丸子同爺爺嘅圖案，令人諗起動畫中爺爺疼錫小丸子嘅情節！
眼鏡配件：櫻家專屬眼鏡盒+眼鏡布
凡購買JINS櫻家系列眼鏡，即附贈「櫻家全家福眼鏡布」，以及印有小丸子同爺爺手牽手圖案嘅「小丸子和爺爺眼鏡盒」。
JINS櫻桃小丸子系列眼鏡：3年4班
呢個系列除咗小丸子，仲有齊其他受歡迎嘅角色包括小玉、丸尾、大野、彬山以及花輪同學等。
JINS櫻桃小丸子系列眼鏡：3年4班 – 小丸子和小玉款式
呢款眼鏡以小丸子同小玉為主角，共有3色選擇，文青氣息十足～水珠形鏡腳尾端刻印有小丸子同小玉嘅圖案，鍾意小丸子同小玉呢對好朋友嘅你，可以考慮呢款眼鏡！
JINS櫻桃小丸子系列眼鏡：3年4班 – 丸尾和野口款式
講起櫻桃小丸子最突出又神秘嘅同學一定會諗起丸尾同野口！丸尾和野口款式用咗波士頓框型，水珠形鏡腳尾端同樣刻印有丸尾同野口嘅圖案。
JINS櫻桃小丸子系列眼鏡：3年4班 – 大野和杉山款式
除咗小丸子同小玉呢對好朋友，又點可以少咗大野同杉山呢個組合呢！如果唔想選擇圓形框嘅朋友，可以揀大野和杉山款式，以大方框為設計，水珠形鏡腳尾端同樣刻印有大野同杉山嘅圖案。
JINS櫻桃小丸子系列眼鏡：3年4班 – 花輪和美環款式
花輪和美環款式用咗多邊型框為設計，金色款睇落書卷味更重，水珠形鏡腳尾端刻印有花輪同美環嘅圖案。
眼鏡配件：3年4班專屬眼鏡盒+眼鏡布
凡購買JINS3年4班系列眼鏡，即附贈印有3年4班嘅同學們以及可愛嘅「小丸子芥子娃娃造型眼鏡布」，以及印有小丸子同小玉圖案嘅「專屬小丸子和小玉眼鏡盒」。
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
