8月演唱會2023 ｜唔少歌手都選擇喺暑假開演唱會或音樂會，當中包括MIRROR成員姜濤、Edan呂爵安、Jeremy；仲有容祖兒、AGA嘅個人演唱會；同埋張敬軒、林家謙、馮允謙等一齊演出，相信一眾樂迷必定大飽耳福！小編為大家整合嚟緊 8月演唱會2023 有邊啲歌手同組合會舉辦演唱會，快啲碌落內文睇下歌手們幾時會開騷啦！
圖片來源：官方圖片、IG@yungchoyee、IG@agaseen、IG@keung_show、IG@edanlui、IG@jeremy_0908｜撰文：Athena
1. 《新城台慶 Music Fantasia》音樂會 2023
一年一度嘅新城台慶音樂會又嚟啦！今次同邀請到多位實力歌手，包括張敬軒、林家謙、馮允謙、林奕匡，同埋Gin Lee 李幸倪，仲有Cloud 雲浩影同埋Paula 區子琳做特別嘉賓，相信大家都一定十分期待！唔知你哋又會想聽佢哋唱咩歌呢？想入場欣賞嘅話就要飲多幾支COOL清涼水啦！
凡購買COOL清涼水滿$20，登入活動網站並分享你認為最 COOL 嘅「新城台慶 Music Fantasia 音樂會 2023」表演嘉賓、最期望他 / 她唱哪首最 COOL 嘅歌曲，及原因，即有機會贏得《新城台慶 Music Fantasia 音樂會 2023》2 張！
【INFO】 《新城台慶 Music Fantasia》音樂會 2023 日期：8月26日 時間：晚上8時正 地點：香港會議展覽中心 展覽廳5BC 活動網站：https://shorturl.at/sIOP1
2. 容祖兒 Side Track 演唱會2023《ANOTHER SIDE …… JOEY•MY SECRET•LIVE》
今次容祖兒演唱會一共有34場，主辦會將部分收益及祖兒嘅歌酬，分別捐贈5間善慈機構。祖兒表示：「2017年 MY SECRET•LIVE」都做過一次慈善場，當年覺得好開心同好有意義，所以今次都應該要延續呢份精神。所以今年生日願望就係同歌迷一齊行善！
祖兒親自選定5間慈善機構，分別為：基督教香港信義會社會服務部、兒童癌病基金、母親的抉擇、香港心理衛生會、工業傷亡權益會。受惠者包括長者、小朋友、單親家庭及受工傷或精神疾病等，希望唔同階層及年齡層都照顧到及得到幫助。祖兒粉絲快啲入場一邊睇show一邊行善啦！
【INFO】 《ANOTHER SIDE …… JOEY•MY SECRET•LIVE》 日期：7月及8月3-6日；8-13日；15-20日；22-23日 時間：晚上8時正 地點：香港演藝學院 歌劇院 票價：$1180 / $980 / $680 / $480 購買門票：https://premier.hkticketing.com/
3. AGA 江海迦 ONEDERFUL LIVE 紅館演唱會 2023
AGA粉絲終於等到啦！過去3年，AGA江海迦因疫情關係導致演唱會延期，去到今年終於落實8月底於紅館舉行兩場個人演唱會啦！今次演唱會將ONE與WONDERFUL融合，命名為《ONEDERFUL Live》。ONE即《一》，係佢第一首為人熟悉嘅作品，令佢越嚟越多人認識；而WONDERFUL代表《Wonderful U》，係佢第一首廣為人知嘅英文作品，令佢嘅音樂路程更穩固精彩。
【INFO】 《YOKU MOKU x AGA ONEDERFUL LIVE 2023》 日期：8月26日 ‑ 27日 時間：晚上8時15分 地點：香港體育館 (紅館) 票價：$880 / $580 / $380 購買門票： 7月4-6日：東亞銀行信用卡 獨家優先訂票 https://priority.cityline.com 7月11日 公開發售 https://www.urbtix.hk
4. 姜濤個人演唱會 “WAVES” In My Sight Solo Concert 2023
姜糖準備好未！姜濤今年8月就會開首個個人演唱會，好期待啊！除咗睇姜濤唱歌跳舞之外，唔知佢會唔會請到佢偶像小豬羅志祥，一齊同台演出呢？6月尾姜濤再次表示腳部受傷，希望佢會盡快康復，到時就可以落力演出啦～
【INFO】 《FWD 富衛保險 10 周年 x HKT 呈獻：KEUNG TO "WAVES" IN MY SIGHT SOLO CONCERT 2023》 日期：8月3日 ‑ 5日 時間：晚上8時15分 地點：亞洲國際博覽館 Arena 票價：$1080 / $880 / $580 購買門票：https://premier.hkticketing.com/ 6月19日 只發售8月3日 MIRO場門票 6月26日 公開發售
5. Edan 呂爵安 個人演唱會 In My Sight Solo Concert 2023
一向多材多藝嘅Edan呂爵安，即將於今年8月開首個個人演唱會。Edan於發佈會上表示：「一知道要開演員心情係嚇親，死啦唔夠歌喎，所以即刻出多啲歌。」鋼琴同小提琴都有八級嘅Edan，相信必定會喺演唱會上大顯身手，展現音樂才華。平時有做開健身嘅佢，唔知會唔會喺台上show吓肌呢～
【INFO】 《FWD 富衛保險10周年 x HKT 呈獻：MIRROR ”In My Sight” Solo Concert 2023/24》 日期：8月26日 ‑ 27日 時間：晚上8時15分 地點：亞洲國際博覽館 Arena 票價：$1080 / $880 / $580 購買門票：https://premier.hkticketing.com/ 7月10日 只發售8月26日 MIRO場門票 公開發售日子待定
6. JEREMY 李駿傑 網上行夢想系 MOOV LIVE 音樂會2023
網上行夢想系MOOV LIVE又嚟啦！今年搵嚟MIRROR成員Jeremy，作為佢嘅首個個人音樂會。Jeremy希望喺音樂會中向大家展現多個唔同嘅面向，一次過集合自己狂野、魅惑、感性同活力嘅特質，盡情喺台上演出。Jeremy早前喺《The First Take》嘅表現咁出色，相信唔少歌迷都好期待佢嘅現場表演，各位unicorn準備好搶飛未呢！
【INFO】 《網上行夢想系MOOV LIVE JEREMY》 日期：8月30日 時間：晚上8時15分 地點：香港會議展覽中心 展覽廳5BC 換飛詳情：留意 http://www.netvigator.com 同 Netvigator Facebook專頁！
7. Dear Jane x MC 張天賦《拉闊音樂會DJ/MC》2023
由商業電台叱咤903主辦嘅「拉闊音樂會」，嚟到今年第二場啦！音樂會將會由Dear Jane及MC 張天賦一齊演出，5個人組成全新樂隊，演繹5種愛情世界中嘅男人。今次拉闊音樂會，佢哋會串連多首情歌，帶出埋藏喺樂迷記憶中嘅愛情故事。帶大家重組情感記憶棉，探究到底發生過嘅愛情故事，無論係動人嘅熱戀、或痛人嘅失戀，五人一齊以音樂詮釋，成就最真摰動人嘅拉闊音樂會！
【INFO】
《拉闊音樂會DJ/MC》
日期：8月19日
時間：晚上7時正
地點：亞洲國際博覽館 Arena
門票：留意叱咤903網頁及社交平台公佈詳情
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
