一到冬天，唔少人都會出現手腳冰冷嘅情況，特別影響睡眠質素，想一覺瞓到大天光都唔容易！日本有專家喺電視節目中教大家一招，即可令雙腳快速保暖，升溫高達8度！想知有咩方法就即刻睇內文啦～

圖片來源：網絡圖片、《ソレダメ！ ～あなたの常識は非常識！？～》截圖｜撰文：Sharon

有冇人一到冬天雙腳就特別凍？（圖片來源：網絡圖片）

東京醫療大學著名教授川嶋朗喺日本電視節目《ソレダメ！ ～あなたの常識は非常識！？～》中，分享一個簡單又高效嘅保暖技巧，只需一張錫紙，就可以令腳部溫度瞬間提高！

只需一張錫紙就可以令腳部溫度提高！（圖片來源：網絡圖片）

首先，將錫紙摺成與鞋子大小相符嘅形狀，確保能夠上下包覆住腳掌嘅前端。然後，將錫紙放入鞋內，或直接包覆腳掌前半部分，確保錫紙的反光面朝內。咁就可以利用錫紙嘅熱力反射特性，鎖住腳部熱量，避免體溫流失！加入錫紙嘅拖鞋可以令腳底溫度升高足足8度！

將錫紙摺成與鞋子大小相符嘅形狀。（圖片來源：《ソレダメ！ ～あなたの常識は非常識！？～》截圖）
將錫紙放入鞋內。（圖片來源：《ソレダメ！ ～あなたの常識は非常識！？～》截圖）
加入錫紙嘅拖鞋可以令腳底溫度升高8度！（圖片來源：《ソレダメ！ ～あなたの常識は非常識！？～》截圖）

怕凍嘅你哋都快啲試下呢招保暖大法啦！

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk