消委會吸濕劑 | 香港天氣潮濕，衣櫃同儲物櫃入面必備吸濕劑，以防物品散發「噏」味同發霉！消委會測試市面上20款家用吸濕劑，發現盒裝吸濕劑嘅吸濕量可相差達87%，有一款吸濕量近乎係0！即刻睇睇有邊款吸濕量多之餘又獲高分評價。
圖片來源：網上圖片 | 撰文：Hedy
近日天氣潮濕，除咗要出動抽濕機之外，就連喺衣櫃入面都要擺放吸濕劑，避免啲衫同重要物品發霉。消委會調查咗市面上20款家用吸濕劑，當中包括10款盒裝、2款大型掛裝袋、3款小型吸濕包、2款硅膠防潮珠及3款竹炭/活性炭。根據其吸濕量、吸濕速度、防滲漏及防回滲等因素作出評分，發現盒裝吸濕劑嘅吸濕量可相差達87%！
市面上嘅家用吸濕劑主要可分為五大類，究竟邊一款吸得快，擺喺咩位置先啱呢？：
1. 盒裝
如果想盡快將物品吸濕就可以選擇盒裝，初期吸濕速度較快，但會逐漸變慢，適合擺放喺較大空間嘅位置，如衣櫃及鞋櫃等。
2. 大型掛裝袋
吸濕速度緩慢但平穩，累積吸濕量僅次於盒裝吸濕劑，較適合於衣櫃或衣帽間擺放。
3. 小型吸濕包
小型吸濕包最適合放喺細空間，例如櫃桶同小型儲物箱等，其吸濕量相對較少，喺21日後更會迅速放緩。
4. 硅膠防潮珠
使用14日後就已經接近飽和，可使用嘅時間相對較短，適合放於相機、鏡頭或收藏物，同時亦應配合密封箱存放，咁先可以做到吸濕嘅效果。
5. 竹炭/活性炭
吸濕速度近乎零，適用於衣櫃同鞋櫃吸附異味。
認識完唔同種類嘅吸濕劑之後，即刻睇睇有咩牌子嘅吸濕劑最抵用，消委會推薦5款獲4.5星以上嘅吸濕劑，最平每包凈係賣$2.4：
消委會高分吸濕劑1. 白元強力抽濕器（5星）
白元強力抽濕器聲實測吸濕容量為305毫升，為所有樣本中最高，同時獲5星總評。以吸濕度及水溶度極佳嘅氯化鈣，有效抽濕和除臭，減少衣物同各式物品出現發霉情況。配合防漏設計，更可確保水份不會滲漏。
【INFO】 《白元強力抽濕器500mL》 參考零售價：$29（3盒裝） 平均每盒/包售價：$9.7 聲稱原產地：日本 總評：5星
消委會高分吸濕劑2. Topvalu Bestprice除濕劑（4.5星）
Topvalu Bestprice除濕劑吸濕量達300.7毫升，無論喺吸濕效能、包裝密封、防滲漏、防壓、防回滲嘅方面表現出色。平均每一個都只係$6，簡直係性價比之選！
【INFO】 《Topvalu Bestprice除濕劑500mL》 參考零售價：$18（3盒裝） 平均每盒/包售價：$6 聲稱原產地：中國 總評：4.5星
消委會高分吸濕劑3. 3M強力吸濕器（4.5星）
3M強力吸濕器可以吸收空氣中嘅水份，濕低衣櫃內嘅濕氣。消委會實測其吸濕量可達277.2毫升，適用於衣櫃、鞋櫃及廚櫃等，每個吸濕器可使用約3個月就要換！
【INFO】 產品名稱：3M 強力吸濕器 參考零售價：$63（6盒裝） 平均每盒/包售價：$10.5 聲稱原產地：/ 總評：4.5星
消委會高分吸濕劑4. 白元強力驅塵蟎抽濕袋（4.5星）
想搵啲可以放喺衣櫃或者櫃桶，就可以用呢啲一包包嘅抽濕袋。經實測後其吸濕量約55毫升，抽濕之餘更能有效驅除塵蟎，保護衣物。呢款抽濕袋更會散發淡淡花香味，咁就唔怕有「噏」味啦！當抽濕袋吸取濕氣之後，入面嘅除濕劑會漸漸變成啫喱狀，咁到時候就要更換。
【INFO】
產品名稱：白元強力驅塵蟎抽濕袋（花香味）12包裝
參考零售價：$85（12包裝）
平均每盒/包售價：$7.1
聲稱原產地：泰國
總評：4.5星
消委會高分吸濕劑5. Goodmarks 炭吸濕啫喱抽屜除濕包（4.5星）
小型吸濕包中，Goodmarks 炭吸濕啫喱抽屜除濕嘅吸濕量最高，有85.2毫升，有助除濕及防臭等。每一包都只係$2.4，好抵呀，超適合攞嚟長期替換！
【INFO】
產品名稱：Goodmarks 炭吸濕啫喱抽屜除濕包
參考零售價：$12（5包）
平均每盒/包售價：$2.4
聲稱原產地：中國
總評：4星半
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
