冬天減肥法 | 天氣凍有時候連出街嘅意慾都冇，更何況想努力做運動減肥！但其實只要大家堅持，冬天減肥嘅效果分分鐘會比夏天更理想，小編為大家介紹6大必學瘦身法，想減肥嘅朋友快啲跟住一齊學啦！
圖片來源：網絡圖片、《舉重妖精金福珠》劇照｜撰文：Sharon
冬天減肥法1：冬天基礎代謝率比夏天高
冬天嘅基礎代謝率比夏天高 5%，令人唔想食野同周圍去～冬天運動所消耗嘅熱量比夏天多，多運動能提升基礎代謝率，減重效果加倍！就算係簡單嘅運動都非常足夠，包括慢步跑、跳繩、打羽毛球同做瑜珈等。
冬天減肥法2：預防瘦體素下降
瞓覺時有一種人體所分泌嘅物質「瘦體素」，可以抑制食慾，就算半夜醒咗都唔會想搵野食，分泌高峰時間喺凌晨12點至1點。如果長時間熬夜同節食會抑制瘦體素嘅分泌，使瘦體素大幅降低，容易覺得肚餓！
冬天減肥法3：飲多啲暖水
飲多啲暖水可以加速代謝同消耗熱量，加上冬天天氣易乾燥，更加要補充足夠嘅水份！飲水仲可以增加飽足感，有助於腸道排毒，達至瘦身嘅效果！
冬天減肥法4：補充維他命B/鎂
秋冬季節一到，身體嘅血清素會下降，就算唔肚餓都有想食野嘅欲望。只要多進食含鎂元素同含豐富維他命B嘅食物，例如堅果、南瓜籽、菠菜、青椒、燕麥、粟米等，就可以提升身體嘅血清素，食野嘅意欲減低，就唔怕會增肥啦！
冬天減肥法5：識選擇食物
除咗做運動減肥，好多人都會從飲食著手，透過節食方法去減輕體重！但要識揀啱食物非常重要，冬天要喺午餐或之前吸收澱粉質，晚餐要進食含豐富蛋白質以及蔬菜嘅食物，就算打邊爐配料同湯底都要建議盡量清淡，唔好攝取高熱量嘅食物同飲品。
冬天減肥法6：足夠嘅保暖衣物
天氣凍大家會想攝取更多熱量嚟保持身體暖起來，好多人都會進食熱食或者熱飲，從中好容易就會攝取高熱量嘅食物。如果有足夠嘅保暖就可以減少想食野嘅意慾，飲多啲暖水同慢跑都好有幫助！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
