香港黃花風鈴木2025 | 櫻花季過後，緊接而來就係黃花風鈴木開花嘅時候！據康文署賞花情報顯示，直至3月6日，香港各區均開始見到黃花風鈴木嘅蹤影，樹高可達20米，而每棵樹嘅花期為時約一至兩星期。小編整合7大香港黃花風鈴木賞花好去處，等大家把握開花期去打卡！
圖片來源/授權：Instagram @fookbi.cloudy、Instagram @goparksaisha、康文署賞花情報、小紅書 @Zeno Ng香港藝術心靈 | 撰文：Icy
香港黃花風鈴木 | 1. 機場黃花風鈴徑
東涌赤鱲角前陣子特設櫻花大道，讓市民欣賞粉嫩嘅櫻花海。而3月1日起，機場古物園附近嘅黃花風鈴徑亦正式開放予市民參觀，種植達260棵黃花風鈴木，形成壯觀嘅「黃金大道」。今年主辦方更增設兩個「打卡位」，讓大家於花海中打卡！
【INFO】 機場黃花風鈴徑 地址：香港赤鱲角過路灣路機場古物園 開放時間：3月1日起 前往方法：由「東涌站」B出口出發，經行人天橋及赤鱲角南路，步行約20分鐘
香港黃花風鈴木 | 2. 西沙GO PARK
西沙GO PARK剛於今年初開幕，設有多個運動、娛樂、餐飲設施，為大家提供假日好去處！而附近道路及GO PARK Sports共享徑內，亦種有少量黃花風鈴木，增添春日色彩～提提大家如果需要使用共享徑，就記得提前於GO PARK Sports手機應用程式預訂喇！。
【INFO】 西沙GO PARK 地址：香港馬鞍山海映路9號 開放時間：星期一至日 10:00-22:00 前往方法：由「大學站」B出口出發，轉乘九巴287/城巴582/綠色小巴807K
香港黃花風鈴木 | 3. 上水石湖墟賽馬會遊樂場
位於上水嘅石湖墟賽馬會遊樂場，共種植約40棵黃花風鈴木，開花開得頗茂密，金燦燦一片，令遊樂場小徑搖身一變成「黃金大道」！
【INFO】 上水石湖墟賽馬會遊樂場 地址：香港上水寶運路6號 開放時間：24小時開放 前往方法：由「上水站」A4或D1出囗出發，步行約8分鐘
香港黃花風鈴木 | 4. 大埔海濱公園
佔地達22公頃嘅大埔海濱公園，設有多個主題花園，包括前陣子綻放嘅櫻花，所以一向都係賞花勝地。公園內種植約19棵黃花風鈴木，黃花風鈴外觀猶如風鈴，非常矚目！
【INFO】 大埔海濱公園 地址：香港大埔大發街 開放時間：24小時開放 前往方法：由「大埔墟站」B出口出發，轉乘71K巴士或步行約30分鐘
香港黃花風鈴木 | 5. 樂富遊樂場
樂富遊樂場共種植約24棵黃花風鈴木，據康文署賞花情報顯示，直至3月6日，開花指數暫時只有2星（最高為5星），相信未來一星期會開花開得更茂密！
【INFO】 樂富遊樂場 地址：香港九龍樂富杏林街1號 開放時間：星期一至日 08:00-23:00 前往方法：由「樂富站」B出口出發，步行約5分鐘
香港黃花風鈴木 | 6. 南昌公園
南昌公園種植達150棵黃花風鈴木，可以話係市區裡黃花風鈴木數量較多嘅公園，前往方法亦好方便。黃花風鈴木位於公園草坪嘅行人徑兩旁，附近設有多片大草地，大家可以一邊野餐休憩，一邊賞花！
【INFO】 南昌公園 地址：香港深水埗深旺道20號 開放時間：24小時開放 前往方法：由「南昌站」D出口出發，經過馬路後，步行約5分鐘
香港黃花風鈴木 | 7. 西九龍巴士總站
西九龍巴士總站附近亦種植少量黃花風鈴木，雖然數量唔多，但開花開得挺茂密，猶如一個個黃金風鈴。大家搭巴士或港鐵經過時，不妨留意吓！
【INFO】 西九龍巴士總站 地址：香港油尖旺區海泓道 開放時間：24小時開放 前往方法：由「西九龍站」K2出口出發，步行約1分鐘
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
