床褥推介2023 | 都市人生活忙碌，每晚都想有教好瞓， 所以選擇一款好嘅床褥係好重要，市面上越嚟越多唔同嘅床褥品牌，有護脊床褥、唔同軟硬程度嘅床褥、亦有唔同床褥物料選擇， 究竟邊一款先最適合自己？今次就為大家收集咗5大人氣床褥品牌推介，買床褥之前就可以參考一下啦！
圖片來源：官方圖片｜撰文：Jan
床褥推介2023 | 1. Sealy 絲漣床褥
Sealy 絲漣床褥相信大家都唔陌生，近年喺市面或者網上都見到佢嘅宣傳，而且亦係唔少五星酒店嘅指定床褥品牌。Sealy床褥於澳洲自設廠房，部份更由工匠人手縫製，另外擁有多項頂尖專利技術，涵蓋專利彈簧、墊層以至圍邊設計。
此外，Sealy亦有自己嘅骨科醫學顧問團，設計出符合人體脊椎結構嘅矯正承托，所以也有推出護脊床褥系列。另外亦有酒店床褥系列，床褥彈簧感應臂按身體重量及壓力，調節承托強度，令你喺屋企都可以感受到五星級酒店嘅享受。
【Info】 Sealy 絲漣床褥 購買網址：https://www.sealy.com.hk/
床褥推介2023 | 2. Emma 床褥
來自德國嘅Emma床褥，佢地嘅床褥獲得多個獎項，被多個歐洲獨立評測機構評為最佳床褥。Emma床褥具有溫度調節專利技術，產品含有碳粒子，可吸收多餘熱量並提供優質睡眠。另外使用記憶棉同彈簧嘅混合配搭，更適合容易出汗嘅睡眠者。
Emma提供三款唔同款式嘅床褥選擇，包括軟硬度、承托力、耐用度、透氣度等等，更提供100晚完全免費試睡體驗，以及15年質量保養，大家就可以買返屋企慢慢試啦！
【Info】 Emma 床褥 購買網址：https://www.emma-mattress.hk/
床褥推介2023 | 3. SINOMAX 床褥
SINOMAX主打太空棉寢具，亦係香港執業脊醫協會護脊床褥推介嘅太空棉床褥品牌，亦通過歐盟標準EN1957:2012耐用性測試，舒適透氣、健康承托，有效改善腰痛背痛等問題，搵緊護脊床褥嘅朋友就可以考慮一下。
SINOMAX有超過30款唔同類型嘅床褥選擇，提供多款唔同厚度、軟硬度、承托度，以及價錢嘅床褥，大家可按照個人睡眠習慣選購，更可訂造床褥尺寸。另外亦有60天試用體驗，提供長達20年的保用服務，以及首年免費上門檢查。
【Info】 SINOMAX 床褥 購買網址：https://eshop.sinomax.com/
床褥推介2023 | 4. Origin 床褥
Origin 床褥具有獨家HexZonal™分區記憶綿，讓床褥更舒適、更柔軟，同時針對各個壓力點提供強勁又適當嘅承托力。另外亦擁有德國NQG低敏認證，適合容易過敏及敏感皮膚人士使用。
Origin分別有「Origin 床褥」及「Origin Pro 鈦合金床褥」兩款選擇，Pro牌有17.5cm高五圈鈦合金獨立袋裝彈簧，以及升級HexaGrid分區記憶綿，令更床褥透氣。
【Info】 Origin 床褥 購買網址：https://originmattress.com.hk/
床褥推介2023 | 5. EMMAS 床褥
來自澳洲嘅EMMAS床褥，特別選用彈簧及天然乳膠等物料，防敏床褥系列獲得NACA澳洲防敏認證，選用嘅海綿及布料均經過Ultrashield抗菌防蟎技術處理，減低霉菌及塵蟎等滋生，適合鼻敏感、哮喘及過敏人士使用。
另外也有護脊床褥系列，其中Adelaide床褥採用高碳鋼護脊連鎖彈簧，擁有香港執業脊醫協會認證，睡眠間承托身體重量，全面保護脊椎健康。
【Info】 EMMAS 床褥 購買網址：https://emmas.com.hk/
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
