網上免費學習課程 | 相信唔少打工仔做咗咁耐嘢都會希望用空餘嘅時間自我增值，多一個技能傍身有望增加人工，再加上而家AI發展瞬速，絕對需要學習同AI有關嘅技能增值自己！小編就已經幫大家整合咗唔同大學包括哈佛大學、美國加州藝術學院以及耶魯大學等提供嘅免費課程，即刻睇睇點報名！
圖片來源：官方圖片 | 撰文：Hedy
免費進修課程 | 1. AI入門課程——哈佛大學
相信喺日常生活中，大家可能都會用到AI去幫助自己工作，甚至將來呢個世界都可以靠AI去實現自動駕駛以及喺醫療方面運用。而哈佛大學提供多達600種免費線上課程，當中CS50嘅課程相當受學生歡迎，當中「CS50’s Introduction to Artificial Intelligence with Python」就會令大家學習用Python去進行機器學習，探討現代人工智能嘅基礎概念以及背後嘅搜索算法。只需要上7個星期就可以令你掌握到入門嘅AI概念，免費課程只要有電腦就上到，但如果大家上完之後想擁有證書，就要自己再畀錢～
【INFO】
《哈佛大學CS50's Introduction to Artificial Intelligence with Python》
報名連結：https://bit.ly/3We86bx
其他免費課程：https://bit.ly/3XWkLRH
免費進修課程 | 2. AI線上培訓——Microsoft
相信各位打工仔近年嚟都有機會要認識同學習AI，但如果本身對AI冇基礎認識就有機會難以入手。Mircrosoft同LinkedIn為大家準備咗線上免費課程「Career Essentials in Generative AI 」，等大家可以喺短短5小時入面了解喺工作上用人工智能所需嘅技能，等大家可以先對人工智能有一個全面嘅理解，咁之後再深入認識AI嘅時候就自然得心應手。
【INFO】
《Career Essentials in Generative AI》
報名連結：https://bit.ly/4cTc6nn
免費進修課程 | 3. UI/UX設計——美國加州藝術學院
如果想進一步了解UI / UX design，小編都推薦大家可以參加由美國加州藝術學院舉辦嘅線上免費課程，咁就可以加深自己對設計嘅認識。課程以設計為中心，等大家可以學習點樣透過色彩、字體以及圖像嚟將用戶介面表達更加清晰。堂上面仲有唔同嘅測驗去幫你實踐，大概18小時就可以學習完成，如果想擁有證書就要再付費。大家都可以因應難度再學習其他UI/UX設計課堂。
【INFO】
《Visual Elements of User Interface Design》
報名連結：https://bit.ly/3LgSi1r
免費進修課程 | 4. 免費韓語——延世大學
無論係鍾意K-pop定係韓劇嘅大家，相信大家都絕對會想到韓國旅行，呢個時候就絕對點都要識講少少韓語。韓國延世大學與Coursera推出免費入門韓文班，等大家可以透過線上免費課程學習韓語。帶大家由基本嘅韓文字母、自我介紹與問號、時間同日期以及日常生活相關字詞等學習，咁到時去旅行都唔怕口啞啞，大概只要17小時就可以完成課程！
【INFO】
《First Step Korean》
報名連結：https://bit.ly/3S0wGdo
免費進修課程 | 5. 改善英文寫作水平——澳洲昆士蘭大學
無論喺工作上定係日常生活中，好多時候都需要面對英文，而澳洲昆士蘭大學為大家提供免費英文課程，幫助大家提升自己嘅寫作水平。課程將以全英文授課，大概8星期左右就上完，令大家更了解英文文法以及句型等嘅運用，相信上完絕對可以提升大家嘅英文能力～
【INFO】 《UQx: English Grammar and Style》 報名連結：https://bit.ly/3LjFZlb
免費進修課程 | 6.提升幸福感——耶魯大學
各位打工仔除咗係空餘嘅時間增值自己之外，都要好好照顧自己嘅心靈，如果長期處於工作壓力下，容易會令自己情緒受影響。而耶魯大學超受歡迎嘅「The Science of Well-being」免費網上課程就相當適合大家睇睇，大概係10個禮拜嘅時間入面，提升大家嘅幸福感。課堂上面更會糾正過往對於幸福嘅錯誤觀念，帶大家建立正確嘅認知，慢慢喺日常生活上為自己帶嚟幸福感，呢個絕對係人生重要嘅課堂。
【INFO】
《The Science of Well-Being》
報名連結：https://bit.ly/4cTw0yF
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
