水果乾 消委會 ｜都市人越來越注重健康，近年唔少健康零食大受歡迎，聲稱低糖、低脂，甚至零卡路里，有時候口痕食一啖，罪惡感都冇咁大。而水果乾由天然水果加工製成，食起嚟方便，不少人會視為健康零食，甚至代替新鮮水果。 不過消費者委員會指出，市面上大部分水果乾均屬「高糖」食品，過量進食有機會導致攝取過量糖分同熱量，增加肥胖的風險。
圖片來源：消費者委員會、網絡圖片 ｜撰文：Jan
消委會早前測試31款預先包裝水果乾，包括杏脯、藍莓乾、小紅莓乾、芒果乾、提子乾以及士多啤梨乾，發現所有樣本糖含量均達到「高糖」食物嘅參考水平，每100克超過15克糖，進食過量隨時增加肥胖的風險。
食水果乾竟然更唔健康？
我哋一般都會覺得水果係健康嘅食物，甚至具抗氧化作用，但原來水果乾嘅製作方法，會大大影響其營養價值。水果乾有唔同嘅製作方法，傳統製法主要係利用日曬、自然風乾或以熱力烘乾製作，讓水果脫水。但喺過程中，部分營養素同抗氧化物或會因此而流失。
相反，新興嘅冷凍乾燥法（freeze-drying，簡稱凍乾）會先把水果急凍，再喺低壓同真空環境下把水果中結冰嘅水分昇華成氣態，咁做有效減少營養素流失，但成本亦較高，因此產品售價普遍較高。消委會表示，無論水果乾用邊種方法製作，過程中營養素或多或少都會流失，所以唔可以完全取代新鮮水果。
邊款水果乾糖分最高？
水果乾經脫水後，果糖會濃縮，糖分含量比例亦會因而上升，而水果乾嘅飽腹感比新鮮水果低，體積亦較細小，大家好容易喺不為意嘅情況下過量進食，導致攝取過量糖分和熱量，其中最高一款水果乾每份更含10茶匙糖分，即睇邊款水果乾糖含量最高啦！
水果乾糖含量排行榜：（以每100克計算）
- 提子乾 – 57.4克
- 芒果乾 – 56.1克
- 小紅莓乾 – 52.6克
- 藍莓乾 – 50.6克
- 士多啤梨乾 – 44.5克
- 杏脯 – 35.8克
食一份水果乾，要行半小時先可以消耗？
以部分產品嘅建議食用分量40克作計算，假設1個體重60公斤嘅成年人，以每小時3公里速度，步行約20分鐘可消耗約70千卡，該成年人需要步行約36分鐘，才能消耗這份水果乾所提供嘅能量！
點食水果乾最精明？
- 每人每天應進食最少2份水果，並以新鮮水果為佳，但水果乾並不能完全取代新鮮水果
- 盡量選擇小包裝產品，或者將一大包水果乾分拆成小包，以控制食用分量，避免一次過進食太多
- 細閱產品包裝上的成分表，盡量選購沒有添加糖分的水果乾，亦不應該購買顏色過於鮮艷、變質或發霉的水果乾
- 對二氧化硫及其他添加劑敏感的人士，應詳閱產品包裝上的成分表，盡量選購沒有添加防腐劑或抗氧化劑的水果乾，減低過敏風險
- 水果乾應存放在陰涼乾燥的地方，使用密封的容器儲存以避免氧化或受潮，若有發霉迹象，應立即棄掉
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
