各位準新人仲為咗籌備婚禮感到煩惱？專為計劃結婚情侶而設嘅大型 結婚博覽 – 「香港婚紗展暨海外婚禮博覽2024」及「香港婚宴展暨婚禮佈置博覽2024」啱晒你哋！由3月15日至3月17日喺香港會議展覽中心舉行，今屆博覽齊集各式各樣婚嫁產品及服務，提供超豐富嘅著數優惠同免費節目，想輕輕鬆鬆籌備婚禮嘅各位準新人千祈唔好錯過！
圖片來源：官方圖片｜撰文：Sharon
由婚紗攝影、婚禮攝錄、婚紗晚裝、新郎禮服，以至酒店及酒樓囍宴、珠寶首飾、婚禮佈置、結婚禮餅、結婚禮品、婚前檢查、證婚服務等各種婚禮服務及用品，都可以喺今屆展覽搵到，為各位準新人節省唔少時間同開支。今屆展覽特別安排多間特式手作展商到場展出，會場更有更優惠嘅折扣及回贈等緊大家！立即睇下有幾豐富啦～
入場即送禮品包
凡情侶同時購票入場，均可獲贈豐富禮品包一份，禮品包包括有康維他™麥蘆卡蜂蜜、CheckCheckCin健康飲品、營保康益生菌、Nourish & Bloom潤唇膏、威潔 33 洗衣珠、艾詩/羅曼諾沐浴露、樂而雅女性衛生用品、著數指南及更多神祕禮物等，數量有限，送完即止。
驚喜唔止咁少！凡在場內消費超過HK$1,000，仲會送你禮品一份，種類包括嫁喜餅卡、名貴海味、美容護膚品、婚禮洋酒等，非常吸引！
餅卡禮券優惠
結婚其中一樣要準備嘅一定係「餅卡禮券」，如果要去唔同嘅中西式餅店格價同查詢優惠詳情，需要花下好多時間，今次覽展則匯集10間餅卡禮券優惠，方便大家搵到心水之選！當中包括奇華、A-1 Bakery、榮華、Häagen-Dazs™、東海堂、恆香、鴻福堂、LIFETASTIC、龍島以及Paul Lafayet，想知道餅卡禮券優惠有幾抵就記得嚟啦～
春日激賞10%回贈
依家仲有「初春激賞10%回贈」益大家！於場內3個唔同性質嘅商戶電子消費超過HK$1,000及成功完成「我賞你Like」送禮活動，即有機會獲$300餅卡禮券回贈！每對情侶只限換領一次，名額有限，先到先得，換完即止！
「我賞你Like」送禮活動
主辦機構舉辦「我賞你Like」送禮活動，入場人士只要讚好主辦機構嘅Facebook/IG專頁「Wedding Expo 香港婚慶．博覽網」及Like & Share指定帖文，並填交簡單表格，即賞小禮物一份！
首推姊妹裙專區
今屆婚紗展首次推出姊妹裙專區！除咗新娘，一眾姊妹嘅姊妹裙都相當重要，呢度有齊各款設計，想要嘅風格都可以喺專區搵到，包保大家搵到心水款式！
免費擇日服務+星座占卜
唔少人都鍾意星座占卜，透過星座可以深入地了解伴侶嘅性格同特點，有助提升彼此嘅關係～善於星座占卜嘅Master Selina會為每對情侶進行星座配對，加以分析及評估。另外，結婚最重要一定係揀個好日子，配合兩位新人嘅出生時辰日子，要選擇一個吉日絕對唔可以馬虎了事。展覽為準新人們提供免費擇日服務，主機構誠邀金溢好專業團隊，為新人們挑選好日子！
想入場嘅準新人們注意！SAUCE有優惠送畀大家～依家只要填妥網頁（https://bit.ly/3SN1Ftl）上嘅資料，即可獲得「香港婚紗展暨海外婚禮博覽、香港婚宴展暨婚禮佈置博覽2024」免費入場券2張。現場仲有精彩嘅講座示範，有興趣嘅準新人們記得唔好錯過啊！
【INFO】 「香港婚紗展暨海外婚禮博覽2024」及「香港婚宴展暨婚禮佈置博覽2024」 地點：灣仔會展 Hall5EFG 入場費： HK$25/位 日期：3月15至17日 時間：12:00 - 20:00 免費領取入場門券：https://bit.ly/3SN1Ftl
*以上優惠須受條款及細則限制。
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
