七一優惠 | 為咗慶祝7月1日回歸27周年，政府宣布將會推出多項免費入場及優惠活動，當中包括娛樂、交通、飲食以及購物等優惠。當中除咗可以免費搭電車、港鐵、渡輪之外，就連買主題樂園門票都有折扣，即刻睇睇有邊11項優惠啦～
圖片來源：Facebook@MTR、Hong Kong Tramways 香港電車、富裕小輪、香港海洋公園 Ocean Park Hong Kong、昂坪360 Ngong Ping 360、康樂及文化事務署、香港濕地公園 | 撰文：Hedy
七一優惠懶人包| 1. 小童免費乘搭港鐵
只要喺7月1日當日，3至11歲小童就可以免費乘搭港鐵（包括機場快線及來往羅湖及落馬洲站的車程，不包括高速鐵路、東鐵線頭等及東鐵線範圍的港鐵接駁巴士）。
七一優惠懶人包| 2. 免費搭電車/天星小輪/輕鐵
除咗小童之外，所有乘客都可以免費乘搭輕鐵及行走新界西北路線嘅港鐵巴士。全日可以免費搭電車以及「尖沙咀-灣仔」航線，等大家去玩嘅時候都更加方便啦！
七一優惠懶人包| 3. 派發1000張航線乘船券
富裕小輪有限公司將會派發各1000張「中環-紅磡」航線乘船券以及「北角-觀塘-啟德」航線乘船券，等大家可以喺於7月1日免費乘搭！
七一優惠懶人包| 4. 7.1壽星免費搭指定航線
如果大家係7月1日生日，仲可以免費乘搭指定嘅3搭航線，當中包括「屯門-東涌-沙螺灣-大澳」、「中環-紅磡」及「北角-觀塘-啟德」。
七一優惠懶人包| 5. 派發400張乘船券
新渡輪服務有限公司同樣都會派發400張乘船券，當中200張為長洲航線乘船券、100張為梅窩航線乘船券以及100張「北角-紅磡/九龍城」航線，等大家可以喺當日免費搭，遠離市區放鬆下～
七一優惠懶人包| 6. 海洋公園7折優惠
相信夏天都會有唔少人想去海洋公園，入去玩過山車同涼住冷氣睇動物，而只要喺6月29日至7月1日期間，大家都可以用7折購買全日門票，當中小童只需要$189，而大人就要畀$270。大家可以預先喺海洋公園網站購票，或者喺現場排隊買。
七一優惠懶人包| 7. 昂坪360二七折優惠
只要係小童同埋長者，就可以用二七折優惠，購買來回標準纜車門票，去昂坪360搭纜車，深度暢遊大嶼山！小童門票只需要$36，而長者只需要$42，相當抵呀！
七一優惠懶人包| 8. 免費使用康樂設施
除咗有唔同嘅娛樂優惠之外，大家都可以做運動！7月1日當日，大家都可以免費使用康樂及文化事務署轄下多項收費康樂設施，例如羽毛球場、網球場、籃球場、壁球場、乒乓球枱、草地滾球場、健身室、高爾夫球設施、公眾游泳池及水上活動中心艇隻等。
七一優惠懶人包| 9. 免費入場
7月1日當日仲有好多地方可以免費入場，當中包括香港濕地公園、香港科學館、香港太空館、西九文化區M+標準門票涵蓋嘅所有展覽、香港故宮文化博物館所有專題展覽以及何東夫人醫局 ‧ 生態研習中心。
七一優惠懶人包| 10. 七一折優惠
只要喺「本地魚菜直送」網店或手機應用程式，購買魚類統營處同蔬菜統營處嘅特定產品可享七一折優惠。
七一優惠懶人包| 11. 過千間食肆提供優惠
過千間食肆將會喺7月1日就指定菜式或餐飲提供優惠，當中機場亦會提供購物及餐飲消費優惠，當中包括：
- 麥當勞：由2024年7月1至7月7日下午15:00至晚上18:00，於麥當勞App內優惠券獨家享$9.9厚椰奶鐵優惠，全線分店適用
- 大家樂：冬瓜盅二人小菜晚市套餐71折優惠$99（原價$140）
- 大快活：優惠價$30(71 折)購買「阿活忌廉粟米肉粒飯」一客
- 美心MX：鮮茄焗豬扒飯71折
- 太興：堂食全單71折
- 牛奶冰室+百分百餐廳：$71套餐：焗肉醬意粉、紅豆西多士、五香脆雞翼（2隻）、兩杯特飲
- 意樂：$71套餐：雞肉芝士丸肉醬汁管意粉、柚子蜜味芝麻烤雞翼(2 隻) 、西湯、熱飲
- 漁樂：$71套餐：咸檸檬蒸鱸魚或海南雞(半隻) 配薑蓉
- Chicken Factory：$71套餐：百里香原隻烤雞(1 隻)、小食選1(焗薯/烤雜菜/牛油粟米粒)、飲品選 1(健康冷泡茶/汽水/低糖檸檬水)
- RUD 燒肉：燒肉拼盤盛合 $71
- 肯德基：於KFC以優惠價$7.1購買經典葡撻1件 (A1368) (須以電子支付方式付款)
- 牛角 Buffet：晚市精選極上和牛 100 分鐘放題套餐 71 折優惠 優惠價: $426 (正價$600)
- 貳號冰室：酥皮/牛油皮蛋撻每件$7
- 蛋撻王：酥皮/牛油皮蛋撻每件$7.1
【INFO】 《食肆優惠》 優惠詳情：https://bit.ly/3KZDPXP
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
