萬聖節2025 | 今個聖誕節一眾迪士尼惡人將香港迪士尼樂園反轉成為惡人主場！而香港居民更專享「雙重暢玩」優惠，只需港幣$879，就可以入園暢玩兩次！即刻入內文睇迪士尼萬聖派對「Disney Halloween Time」有咩玩啦！
圖片來源：官方圖片 | 撰文：Hedy
迪士尼萬聖節 | 1. 全新「惡人反轉大街派對」
想體驗萬聖節濃厚嘅氣氛就一定要嚟迪士尼一齊狂歡！今年將會有全新「惡人反轉大街派對」 ，由《睡公主》嘅黑魔后聯同一眾同樣惡名遠播嘅迪士尼惡人同手下，大搖大擺踩入美國小鎮大街！而一直未獲邀請出席慶祝活動嘅惡人們因深感不忿，煽惑賓客加入惡人行列，號召盛裝並配上迪士尼主題穿搭嘅大家，成群結隊惡霸大街 ！
迪士尼萬聖節 | 2. 迪士尼惡人遊走樂園
大家除咗可以喺大街見到迪士尼惡人之外，仲會同迪士尼角色成雙成對遊走樂園，當中包括黑魔后將與愛洛公主、邪惡皇后與白雪公主，以及Marvel角色雷神與套上枷鎖嘅洛基對決。今年仲有邪惡新勢力加盟，大家都可以喺明日世界同紅女巫互動！而Duffy與好友將會換上全新萬聖節造型喺Duffy與好友遊玩屋入面，輪流同大家互動！而米奇與好友及小熊維尼、跳跳虎和咿唷將穿上萬聖裝束，分別於美國小鎮大街及夢想花園同大家見面！
迪士尼萬聖節 | 3. 夜間森林河流之旅
想聽到生動嘅船長帶各位冒險家展開全新嘅夜間航程，就一定要嚟森林河流之旅體驗啦！當船長講故事嘅時候，神秘詭異嘅氣氛，再加上閃爍嘅燈光同時遠時近嘅哨子聲，將會帶大家經歷一場驚心動魄嘅夜間探險之旅！
迪士尼萬聖節 | 4.「惡人舞動迪士尼」
備受追捧嘅得獎歌舞匯演「惡人舞動迪士尼」今季載譽而歸，以最具份量嘅迪士尼惡人們為班底，呈獻氣勢十足嘅歌舞表演。仲有絕對唔可以錯過嘅萬聖節傳統將會熱鬧回歸，大家記得帶埋全新嘅糖果袋，遊走迪士尼同演藝人員玩「萬」遊Trick-or-Treat！
迪士尼萬聖節 | 5. 萬聖節主題商品
玩完之後記得要買埋全新嘅萬聖節主題系列商品，當中包括迪士尼惡人、米奇與好友、Duffy與好友及《怪誕城之夜》等系列，由服飾、頭箍以至趣怪飾物都應有盡有！樂園全新萬聖驚喜角色將鬼馬登場，迪士尼搗蛋嘩娃係香港迪士尼樂園限定嘅可愛小鬼，更有多款造型。迪士尼搗蛋嘩娃更推出肩膀毛公仔系列，一齊搗蛋！而喺夢想花園嘅迪士尼萬聖彩蛋，就可以畀你隨機抽迪士尼搗蛋嘩娃盲盒，享受充滿驚喜嘅萬聖節之旅！
迪士尼萬聖節 | 6. 阿Jack怪誕大餐
阿Jack怪誕大餐強勢回歸河景餐廳，呈獻充滿地道怪誕城「瘋」味嘅饗宴。阿Jack、莎莉同Oogie Boogie將會喺餐廳驚喜現身與賓客近距離互動，奇妙處處通會員更可獲贈專為派對設計嘅Oogie Boogie夜光冰塊作紀念品！奇妙處處通會員於單筆交易中每購買4套套餐可獲贈紀念品1份。
【INFO】 《阿Jack怪誕大餐》 預訂日期：即日起至2025年10月31日 入園日期：2025年9月19日至11月2日 價錢：小童港幣$398至$498；成人港幣$498至598 （當日訂座需附加 10% 服務費）
迪士尼萬聖節 | 港人專享優惠
由9月5日起至12月16日，香港居民更專享「雙重暢玩」優惠，只需港幣$879，即可入園暢玩兩次，並額外享美食及購物優惠 ！
【INFO】 《「雙重暢玩」優惠（香港居民專享）》 預訂日期：2025年9月5日至12月16日 入園日期：2025年9月5日至12月17日 價錢：小童/長者門票：港幣 669 元；標準門票：港幣$879
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
