勵志故事 | 現今有唔少人擁有容貌以及身材焦慮，亦都會容易受到身邊朋友嘅說話遭受打擊，而對自己慢慢失去自信，減肥絕對需要有決心同恆心！日本一位21歲女生中村珠愛莉，近日喺「X」分享自己畢業時減肥嘅前後對比，結果令人讚賞之餘又感到佩服！
圖片來源：X@9ninecat_| 撰文：Hedy
本來喺中學時期就已經擁有包包面，再加上身型肥胖嘅中村珠愛莉，當時已對自己嘅身材唔滿意。當畢業之後佢決定要將自己改造，並下定決心要減肥。透過飲食控制、運動同化妝，慢慢一步步將自己改變。
驚人對比照
佢近日更喺「X」分享自己畢業前後嘅對比相表示：「我瘦了，去年同學會我應該去的！」，由於驚人嘅對比結果，帖文更因此獲得8.4萬個讚好同埋4800幾人轉發，可見減肥結果相當成功！中村珠愛莉分享自己舊年成人禮嘅相，由於日本每年1月嘅第二個禮拜都係成人之日，各地政府都會舉辦成人式，為慶祝年滿20歲嘅男女轉變為大人！當時中村珠愛莉唔單只成個人瘦咗一圈，身形變得纖瘦之餘，面形更變尖，唔再圓潤！身穿超顯氣質嘅粉色和服，攞住粉色鮮花，更整咗粉色系嘅美甲，簡直就係眾人眼中嘅女神！
變得享受打扮同影相
與以往對比，由於身型肥胖，中村珠愛莉甚少著短裙，但瘦身成功之後，就變得更有自信，就連以往唔敢嘗試嘅穿搭都會著上身！開始變得慢慢享受打扮自己嘅過程，又能用時尚嘅服裝凸顯自己嘅身材同美貌！依家嘅佢更會喺「X」分享自己嘅生活同打扮，紀錄自己生活日常。
3年時間減肥成功！
中村珠愛莉用咗近3年嘅時間先叫做瘦身成功，喺過程中常透過化妝、嘗試不同嘅新髮型以及衣著風格，先可以成為女神，並非一朝一夕就達成！驚人嘅決心同經歷更被網民封為係日本版《醜女大翻身》。網民都對前後對比相感到驚訝，唔少人都紛紛讚賞佢減肥嘅恆心，更大讚：「衣服、指甲、髮型，一切都很有品味、很可愛、很美好，從今天開始我也會努力節食」、「她一向很時尚，現在瘦了，更可愛了」、「看完妳的照片，沒有辦法再找理由怠惰了」
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
