Starbucks x Kakao Friends | Starbucks經常都會聯乘唔同嘅牌子推出產品，而今次韓國Starbucks就聯乘Kakao Friends推出一連串新產品，Ryan同春植都會一齊出現！即刻睇睇開賣產品詳情同價錢啦！
圖片來源：官方圖片 | 撰文：Hedy
繼上年韓國Starbucks同Kakao Friends合作後，今次又再一次推出新產品，可愛嘅Ryan同春植將會變身成為咖啡師，除咗有保溫杯之外亦都有杯墊、吊飾以及文具等等！每一款都超得意！
Starbucks x Kakao Friends商品1: RYAN杯
RYAN不鏽鋼杯容量達591ml，無論喺上班族定係學生都相當實用，容量啱啱好之餘，再配搭埋流線型嘅杯身設計，超適合擺係袋，攞起身飲水都相當方便！想打造出獨一無二嘅杯，亦都可以喺上面加上唔同可愛嘅貼紙！
Starbucks x Kakao Friends商品2: RYAN與春植果凍杯
想要大容量嘅杯，呢個杯有591ml容量，超實用又得意！以漸變黃色再加上簡單嘅Starbucks嘅設計，夠低調。而另一款杯就有473ml容量，樽身上方有迷你RYAN再加上閃閃星星，就咁望住都覺得超靚呀！
Starbucks x Kakao Friends商品3: 春植立體大頭杯+水杯
除咗RYAN杯之外，今次更有推出春植立體大頭杯，容量為237ml。可愛嘅春植成為咗杯蓋，就好似陪伴住大家飲水，見到心情都特別好！如果想買水杯擺喺屋企，呢款RYAN同春植嘅杯就啱晒你地，有齊2個杯緣子之外，就連木蓋上面都刻有佢哋嘅圖案，超可愛～
Starbucks x Kakao Friends商品4: 可愛鎖匙扣
化身成為咖啡師同顧客嘅RYAN同春植，除咗手攞住咖啡同著制服之外，更有超可愛Starbucks袋仔，就咁掛喺袋上面都超可愛，下次去Starbucks一定要帶埋去！
Starbucks x Kakao Friends商品5: 電腦支架+貼紙
唔少人去Starbucks嘅時候，都會邊飲咖啡邊做開電腦做嘢，而今次商品更有推出Kakao Friends電腦支架，陪伴大家工作或者溫書，望住都覺得更有動力！如果想裝飾下部電腦，就可以貼上RYAN同春植嘅貼紙，滿滿嘅幸福感！
Starbucks x Kakao Friends商品6: 原子筆+多功能袋
一套4色嘅原子筆有齊RYAN、春植、Starbucks以及咖啡嘅圖案，除咗可以作日常書寫之外，筆頭原來係一個印章嘅設計，你可以印呢4款可愛嘅圖案落去，簡直就係寫手帳必備，就連收藏筆嘅鐵盒都相當靚！而多功能袋容量夠大之餘，又可以放叉電線、滑鼠以及尿袋等等嘅物件，咁就唔怕會攞漏啦！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
