PIXAR電影 | 相信PIXAR電影都陪伴咗大家嘅童年，有冇鍾意PIXAR電影嘅朋友呢？！據《華爾街日報》專訪透露，大家最期待嘅《怪獸大學》第三集終於都正式啟動電影製作喇！就連《超人特工隊3》以及《玩轉極樂園2》預計呢幾年就睇到！即刻入內文睇詳情喇！
圖片來源：網上圖片 | 撰文：Hedy
原來《怪獸大學》已經係2013年嘅電影？！《怪獸大學》電影講述「大眼仔」米高同「毛毛」蘇利文喺成為怪獸電力公司員工前嘅大學生活，亦係2001年上映嘅《怪獸電力公司》嘅前傳。據《華爾街日報》一篇專訪透露，《怪獸大學》已經正式啟動電影製作，大家終於都等到第三集喇！！據報導指出電影亦將會係2001年《怪獸電力公司》嘅續集，雖然暫時都未知幾時上映，但相信大家都好期待～～
電影 | 《玩轉極樂園2》上映日期！
除咗備受矚目嘅《怪獸大學》第三集之外，以墨西哥亡靈節為背景，講述熱愛音樂嘅Miguel意外穿越到亡靈世界嘅《玩轉極樂園》電影續集預計將會喺2029年推出，並由原班人馬回歸，由導演 Lee Unkrich以及Adrian Molina 回歸執導，相信必定會延續第一季溫暖嘅亡靈節冒險故事～
電影 | 《超人特工隊3》上映日期
《超人特工隊》絕對係唔少人嘅童年回憶！第三集將會由執導《元素大都會》以及《元素大都會》嘅Peter Sohn擔任導演，預計《超人特工隊3》將會喺2028年推出。
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
