踏入2023年，Netflix越嚟越多新戲上架，咁多電影同劇集真係眼花繚亂啊！今次小編為大家推薦五套值得睇嘅 2月Netflix新片 ，一文睇清Netflix上架劇集電影推介，即刻睇下有冇啱你嘅心水，搵返一套放假睇啦！
圖片來源：Netflix｜撰文：Sharon
1. 換屋假期
情人節就到當然要睇返一套浪漫電影，過返一個窩心又Sweet嘅節日啦～你哋有冇諗過同好朋友互換房子居住、體驗截然不同嘅生活？
故事講述 Debbie（Reese Witherspoon飾）同Peter（Ashton Kutcher飾）呢對死黨雖然老友狗狗，但個性同生活完全相反！Debbie同兒子定居洛杉磯，追求安穩日子，而Peter則喺變幻多端嘅紐約如魚得水～二人因為一次嘅換屋機會，交換彼此嘅房子同生活型態度過一星期，卻發現佢哋以為自己想過嘅生活，或者唔係佢哋所真正需要的。亦同時，發現彼此嘅另一面，愛情可能都因此找上門！
【INFO】 換屋假期 Your Place Or Mine 主演：Reese Witherspoon、Ashton Kutcher、Zoë Chao 上映日期：2月10日 題材：浪漫、喜劇
2. 原本以為只是手機掉了
唔見咗部手機，你哋有冇諗過後果可以好嚴重？甚至人身安全都受到影響？韓國驚悚電影《原本以為只是手機掉了》由人氣演員任時完主演，描述一個平凡女子娜美（千瑀嬉 飾）收工返屋企途中唔見咗手機，手機內佢嘅個人及銀行資料、私生活大小事都一一記錄喺手機當中。
俊榮（任時完飾）執到娜美嘅手機後，安裝咗間諜程式先再還畀佢。佢監視娜美嘅日常生活，摸透佢嘅一切，包括所在位置、興趣、品味、工作、經濟狀況、人際關係，仲隱藏自己嘅真實身分去接近佢！想知道最後娜美嘅人生會變成點，記得2月17日準時睇啦！
【INFO】 原本以為只是手機掉了 主演：千瑀嬉，任時完，金熙元 上映日期：2月17日 題材：懸疑推理、犯罪電影、驚悚
3. 我是千尋
由有村架純主演嘅《我是千尋》改編自作家安田弘之的漫畫《千尋小姐》，劇情描述一位從性工作者中引退嘅女性不懼世俗眼光，嚟到海邊小鎮嘅便當店工作，展開新嘅人生！喺打工過程中，千尋遇到唔同嘅客人並為佢哋解惑，從中體悟人生嘅道理，係一套既溫暖又治癒嘅電影！
【INFO】 我是千尋 主演：有村架純，豐嶋花，Tetta Shimada 上映日期：2月23日 題材：劇情
4. 億萬富犬
原來除咗人有好命水，狗仔都有㗎！Netflix全新紀錄片《億萬富犬》，講述一隻德國牧羊犬，名為岡瑟六世（Gunther VI）嘅狗擁有5800萬美元（約4.5億港元）嘅信託基金。傳說岡瑟嘅曾祖父係由一位神秘嘅伯爵夫人所養，這位夫人痛失愛子，因為冇繼承人，於是將豐厚嘅遺產全都留畀 愛犬，並由好友莫里齊奧·米安負責照顧呢隻狗！呢個過住豪華生活嘅狗狗出行都搭私人飛機，食撒咗金箔嘅牛排當晚餐，身邊仲有好多模特兒同藝人陪伴～
過去呢30年，米安為呢位狗老闆一手建立起整個帝國，買下華麗豪宅、進行引發爭議嘅社會實驗，仲犯下史上規模數一數二嘅稅務詐騙案。呢隻「億萬富犬」背後，究竟有咩錯綜複雜嘅真相呢？一連4集紀錄片Netflix已經上架，有興趣想了解呢隻富犬生活嘅朋友，記得去睇啦！
【INFO】 億萬富犬 Gunther's Millions 上映日期：已上映 集數：4 題材：記錄
5. 《安眠書店》第4季
《安眠書店》嚟到第4季，今次將分為兩部播出，第一部會喺2月9日上線，第二部則於3月9日上線。男主角Joe喺第三季嘅最後去到巴黎透過全新身分，展開新生活，並隱姓埋名成為改名為Jonathan Moore教授，一改以往形象，留有大鬍子長捲髮！
第四季故事仲有新成員嘅加入，捲入更多上流社會嘅恩怨情仇，想知道第四季會為大家來嚟點樣嘅劇情，就記得要睇啦！小編特別好奇男主角Joe將兒子交畀其他人扶養後，會否喺第四季再次重逢呢？
【INFO】 《安眠書店》第4季 主演：潘·巴奇利、伊利沙伯·萊爾、盧卡·帕多凡（Luca Padovan） 上映日期：2月9日（第一部）、3月9日（第二部） 題材：驚悚、犯罪
————————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
