Ian巡迴演唱會 | 各位Hellosss絕對要準備定銀包啦！Ian陳卓賢將會衝出香港開巡迴演唱會，同各地嘅Hellosss見面～即刻睇睇今次巡迴演唱會嘅詳情啦， Ian亦透露或會有「聖誕禮物」呢個小驚喜送畀大家！

圖片來源：Facebook@ssu_entertainment_hk、SAUCE編輯部 | 撰文：Hedy

Ian陳卓賢今年7月喺亞洲博覽展覽館連開7場個人演唱會 《 IAN CHAN “TEARS” IN MY SIGHT SOLO CONCERT 》將眼淚存入作品，帶領樂迷穿梭於悲傷與希望之間嘅美麗世界，相信一眾Hellosss睇完之後都好期待Ian再次開騷！今次終於都有機會啦！

Ian首個海外巡迴演唱會（圖片來源：SAUCE編輯部）

Ian巡迴演唱會| Ian將展開巡迴演唱會

Ian喺今日(3日)舉行記者會，並宣布將會衝出香港，展開自己嘅首個巡迴演唱會《IAN CHAN “TEARS” IN MY SIGHT SOLO CONCERT TOUR 2025》，以淚之名與Hellosss同遊Ian嘅音樂旅程，各位 Hellosss都可以欣賞到Ian精心策劃嘅演唱會啦，相信大家都相當期待，絕對係最好嘅聖誕禮物！

各位Hellosss都可以睇到啦～（圖片來源：SAUCE編輯部）
率先公布4大地點（圖片來源：SAUCE編輯部）
下年年頭已經有得睇！（圖片來源：SAUCE編輯部）

Ian巡迴演唱會| Ian巡迴演唱會詳情

演唱會由MakerVille、光尚娛樂及V House主辦，是次海外巡迴地點包括：倫敦、墨爾本、悉尼以及澳門等，隨後亦會繼續公布巡迴演唱會舉辦嘅地點，大家一定要密切留意！除咗將香港嘅《 IAN CHAN “TEARS” IN MY SIGHT SOLO CONCERT 》帶畀大家之外，亦會添加唔同嘅新元素，希望帶畀大家驚喜～Ian陳卓賢透露巡迴演唱會將會喺年頭開始，預計會橫跨約半年時間，至於香港有冇機會做尾場，ian就表示：「希望可以，睇吓大家支唔支持。」貼心嘅ian除咗預先公布巡迴演唱會資訊外，亦透露或會有「聖誕禮物」呢個小驚喜送畀大家，相信一眾Hellosss都相當期待！

香港有冇機會係尾場呢？～（圖片來源：Facebook@ssu_entertainment_hk）

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk