chiikawa手遊下載 | 相信無論係大人定小朋友都絕對會鍾意chiikawa，近日官方更宣布將會推出首款手機遊戲，喺遊戲入面重現chiikawa嘅世界觀。想玩呢款遊戲又可以點做呢？點先可以事前登錄得到獎勵呢？即刻入內文睇教學啦！
圖片來源：X@chiikawa_pt_jp | 撰文：Hedy
最近官方宣布推出首款手機遊戲《Chiikawa Pocket》，並以隨時隨地同chiikawa同樂為理論，帶大家一齊體驗chiikawa嘅世界觀，唔知大家又期唔期待呢？喺遊戲入面每一位可愛嘅角色例如chiikawa、兔兔、小八、栗子饅頭以及風獅爺等一齊討伐怪物、除草、收集嘢食同煮嘢食等等，帶大家體驗沉浸式嘅冒險旅程！
chiikawa手遊下載 | 討伐叉獎勵！
相信大家都想知幾時有得玩！而目前嘅資訊，官方將會提供iOS以及Android版本，日本地區已經開放事前預約，如果預約人數達到唔同嘅數量，就將會發放唔同嘅登錄獎勵，依家已經突破咗50萬，可以得到超可愛嘅討伐叉！如果大家想完成事前登錄，就一定要擁有日本Apple ID，並到以下網站下載！如果本身冇日本Apple ID嘅大家又想玩嘅話，就可以透過用唔同嘅郵件去日本Apple ID 註冊網頁入面申請，跟住就可以跟步驟輸入唔同嘅資料。最後記得要登出返原本嘅Apple ID，再入返日本Apple ID同填資料就成功㗎啦！不過小編就覺得呢個方法其實都有啲麻煩，因為當中可能需要用到電話認證或者當地信用卡號碼等，可以睇下之後香港會唔會有得玩！
【INFO】
事前預約網站：iOS、Android
正式上線日期：2025年1月31日
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
