92歲婆婆成最年長麥當勞員工 做足25年 分享長壽秘訣！

只要你想做嘅事就放膽去做，因為年齡再唔係一個局限！日本熊本縣一位92歲婆婆，喺日本麥當勞擔任清潔工已經25年，成為最年長麥當勞員工！佢仲同大家分享長壽秘訣，即睇內文了解更多！

圖片來源：網絡圖片｜撰文：Sharon 

日本熊本縣一位92歲婆婆本田民子（Honda Tamiko），自2000年起就加入麥當勞至今，喺熊本縣麥當勞尾經工作了25年時間。呢位婆婆每日早上7點半就會搭乘約20分鐘嘅巴士返工，主要負責餐廳同店前嘅清潔工作。民子表示除咗賺錢，工作可以令佢保持活力，見到客人講「多謝你！」，更加成為佢嘅推動力！

不過原來民子曾經喺一間醫院從事護理工作多年，直至61歲法定退休年齡先離開，之後去過大學擔任清潔工，67歲退休後，因為渴望想繼續工作又再重新搵工，所以就喺麥當勞工作到依家～

活到現在，仲可以有力氣去工作，民子向大家分享長壽3大火秘訣！首先，每天做60下掌上壓，分三組、每組20下！其次，每日3餐都會食納豆，佢仲話麥當勞嘅「芝士漢堡」都係佢嘅最愛！最後，就係要搵到生活嘅希望，工作就係健康嘅秘訣，佢更希望可以做到100歲！

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk