7-11Mofusand公仔 | 日本超人氣貓貓Mofusand憑可愛嘅外表俘虜萬千少男少女，香港7-Eleven近期推出獨家限量mofusand系列公仔，全套62款公仔等緊大家收藏，每款都超得意！即刻睇睇價錢同推出日期啦～
圖片來源：官方圖片 | 撰文：Hedy
7-Eleven一連6星期將會推出6大Mofusand系列公仔，當中包括動物系列、海洋系列、咖啡店系列、星座系列、生肖系列及寶寶系列，依家已經可以喺各間門市買到頭4款系列～每款公仔都會著上唔同造型嘅衫，再加上毛茸茸嘅質感超舒服，絕對會令大家愛不釋手！
7-11Mofusand公仔 | 1. 動物系列
mofusand貓貓化身成為超得意嘅小動物，當中包括樹熊、倉鼠、狐狸等等共9款，每款動物嘅表情都唔同㗎，好趣緻！就算之前Miss咗冇買嘅朋友都唔緊要，大家都可以經「7仔預購網店」買返一Set收藏，套裝仲會送埋收物籃畀大家，超方便！
【INFO】 《mofusand動物系列公仔》 價錢：$85件；$136(2件)；$612(套裝） 網店購買：https://bit.ly/3VZcBW6
7-11Mofusand公仔 | 2. 海洋系列
相信有唔少人都鍾意Mofusand扮唔同嘅海洋生物，除咗有常見嘅鯊魚貓之外，今次更有共11款海洋系列嘅公仔，無論係扮鯨魚、企鵝、海豹定係海天使等，每款都超得意～如果想一Set入手，小編就推薦大家去「7仔預購網店」買，除咗附送收納籃之外，依家更有限定著數優惠。只要滿$300訂單，喺付款前輸入優惠碼「7P50」可享$50扣減優惠，而滿$500嘅訂單就可以輸入優惠碼「7P100」，即時減$100。不過名額有限，先到先得，想儲齊成Set套裝就要趁優惠入手！
【INFO】 《mofusand海洋系列公仔》 價錢：$85件；$136(2件)；$748(套裝） 網店購買：https://bit.ly/4bAPgzK
7-11Mofusand公仔 | 3. 咖啡店系列
可愛嘅貓貓更會化身成為咖啡店甜品，換上多士、班戟同雪糕等造型現身，總共更有10款唔同嘅裝扮，仲有由貓貓扮演嘅咖啡店員工，簡直就係令人心動。各位有興趣嘅朋友就要快啲去門市購買啦，如果想帶齊全套貓貓返屋企，就可以透過「7仔預購網店」購買，一Set都只係$680！
【INFO】 《mofusand咖啡店系列公仔》 價錢：$85件；$136(2件)；$680(套裝） 網店購買：https://bit.ly/4cAkEzS
7-11Mofusand公仔 | 4. 星座系列
全套共12款嘅mofusand星座系列公仔，每隻身上都印有相應嘅星座符號，大家都可以帶自己專屬嘅mofusand星座公仔返屋企，就算係買嚟送畀朋友做生日禮物都相當唔錯～就算門市買唔齊成套系列，都可以去網店到預購，輸入埋優惠碼，更可享有最多$100優惠。
【INFO】 《mofusand星座系列公仔》 價錢：$85件；$136(2件)；$816(套裝） 網店購買：https://bit.ly/3zt6Ng0
7-11Mofusand公仔 | 5. 生肖系列
除咗有星座之外，貓貓更會化身成為12款生肖系列公仔，每款公仔都會有可愛嘅頭套，更會著上毛毛衫，超得意，總有一款適合你。幫一家人儲齊唔同嘅生肖都冇問題！公仔將會喺7月17日推出，有興趣嘅朋友就要留意啦！
【INFO】 《mofusand生肖系列公仔》 推出日期：2024年7月17日 價錢：$85件；$136(2件) 網店購買：待公布
7-11Mofusand公仔 | 6. 寶寶系列
最後一套Mofusand公仔將會係寶寶系列，mofusand化身軟萌嘅嬰兒，等緊大家帶佢返屋企照顧，手上仲會攞住奶樽同埋鴨鴨公仔等，真係令人好想保護佢！相信呢個系列絕對會係非常搶手，如果想入手一Set，就建議大家可以留意網店，相信好快就有得可以預購成個套裝。
【INFO】 《Mofusand寶寶系列公仔》 推出日期：2024年7月24日 價錢：$85件；$136(2件) 網店購買：待公布
限定優惠
而家只要到7-Eleven官方網店，選擇心水產品後，就可以喺付款前輸入優惠碼，最多可減$100，名額有限先到先得！只要買滿$300就可以輸入優惠碼「7P50」可享$50折扣優惠，而買滿$500嘅訂單就可以輸入優惠碼「7P100」，即時減$100。
View this post on Instagram
延伸閱讀：【 全港首個Mofusand主題跑！即睇跑手包萌爆紀念品+早鳥優惠 】
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
