2024聖誕電影 | 聖誕都會同朋友或屋企人相約歡聚，共渡溫馨佳節。街道四處綻放璀璨燈飾，即使人頭湧湧但仍然希望留下浪漫倩影。熱鬧過後返到屋企，大家不如泡一杯熱紅酒，坐下來靜靜享受一套聖誕電影，感受別人嘅節日故事。Netflix匯聚琳瑯滿目嘅聖誕電影，小編精選10套以聖誕為故事背景嘅精彩作品，無論係經典，搞笑或浪漫風格，相信都可以喺今個聖誕帶嚟歡樂。

圖片來源：Neflix、IMDB | 撰文：Cynthia

2024聖誕電影推薦 |  1. 那年聖誕不一樣 (That Christmas)

動畫電影《那年聖誕不一樣(That Christmas)》改編自屢獲殊榮作家李察·寇蒂斯(Richard Curtis)嘅童書。故事講述海濱小鎮「海上威靈頓」遭暴風雪襲擊，引發一連串關於愛同關係嘅故事。聖誕老人喺故事入面只係配角，邀請觀眾聚焦其他主角正面對嘅種種生活煩惱，聖誕節則成為佢地人生轉變嘅契機。電影為紀錄片但毫無悶場，以十分有創意嘅方式紀錄居民於11月下旬準備裝飾小鎮。華麗喧鬧景象下，其實隱藏住五位居民嘅內心深處嘅掙扎。反而透過獻上普通人嘅生活點滴，感受小市民嘅平凡，生活等大家好好回歸內心，尋找聖誕節給我們生活嘅啟發。

奇幻氣息。（圖片來源：Netflix）
聖誕老人只係小配角。（圖片來源：Netflix）
小鎮居民，小故事。（圖片來源：Netflix）

【INFO】
《那年聖誕不一樣 That Christmas 》
串流平台：Netflix

2024聖誕電影推薦 |   2. 莎賓娜卡本特：無厘頭聖誕 (Sabrina Carpenter)

年僅24歲嘅美國歌姬 Sabrina Carpenter 擁有瘋魔全球粉絲嘅魅力，今個聖誕登上Netflix擔正做主角，演出充滿歡樂嘅音樂綜藝《莎賓娜卡本特：無厘頭聖誕》。節目中，Sabrina 會同 Chappell Roan、Tyla、Kali Uchis 等歌手獻唱經典聖誕金曲以及聖誕迷你專輯《Fruitcake》嘅歌曲。配合歌舞表演，一定可以為你嘅聚會注入高漲節奏同氣氛，渡過一個充滿笑聲嘅聖誕。

聖誕特別節目。（圖片來源：Netflix）
音樂綜藝。（圖片來源：Netflix）
紅翻天嘅小天后。（圖片來源：Netflix）
性感演出。（圖片來源：Netflix）

【INFO】
《莎賓娜卡本特：無厘頭聖誕 Sabrina Carpenter》
串流平台：Netflix

2024聖誕電影推薦 |  3. 我瞞的聖誕 (Our Little Secret)

分手多年，有咩比重遇前任尷尬？就係發現對方新歡竟然係兄妹，仲要隱瞞秘密一齊過聖誕。艾芙莉（琳賽·蘿涵飾）受男友卡梅倫（強·魯尼斯基飾）邀請參加佢嘅聖誕家庭聚會，見到有個人熟口熟面，原來係前男友羅根（伊恩·哈丁飾），更發現正同卡梅倫嘅妹妹拍拖。兩位怨家為咗唔好俾女主人艾瑞卡（克莉絲汀·錢諾維斯飾）發現，必須合力掩飾，最後導致好多有趣搞笑情節，包你睇完瘋狂大笑。

神神秘秘。（圖片來源：Netflix）
好尷尬。（圖片來源：IMDB）

【INFO】
《我瞞的聖誕 Our Little Secret 》
串流平台：Netflix

2024聖誕電影推薦 |  4. 這個雪男不太冷 (Hot Frosty)

Netflix最新聖誕電影《這個雪男不太冷》由Lacey Chabert擔任女主角，相信呢套電影一定唔會令人失望。雖然劇情設定不存在喺真實世界，但正正因為咁先開放更多可能性，令人暫時逃離現實進入夢幻聖誕嘅想像。小鎮正舉辦雪雕展，寡婦Kathy見到一個栩栩如生嘅雪人，幫圍上雪人頸巾竟然開始成為真人。Kathy從雪人學到猶如孩子嘅生命力，令佢重新活出自己想要嘅生活。

雪人神奇地動了起來。（圖片來源：IMDB）
不想雪人融化。（圖片來源：IMDB）
漫天飛雪。（圖片來源：IMDB）

【INFO】
《這個雪男不太冷 Hot Frosty 》
串流平台：Netflix

2024聖誕電影推薦 |   5. 聖誕怪傑 (The Grinch)

聖誕怪傑一身綠色，明顯同身邊嘅人唔同，導致佢性格孤僻。聖誕節係普天同慶嘅日子，聖誕怪傑可能為咗吸引人注意，或妒忌其他人嘅快樂，選擇破壞小鎮嘅佳節慶祝活動。但小鎮居民善良嘅心同行動，感動到並怪傑動，最後過上一個溫馨嘅聖誕。

一身綠色。（圖片來源：IMDB）
惡搞髮型。（圖片來源：IMDB）
狗狗好趣緻。（圖片來源：IMDB）

【INFO】
《聖誕怪傑 The Grinch》
串流平台：Netflix

2024聖誕電影推薦 |  6. 情約明年聖誕 (Meet Me Next Christmas)

聖誕係一個浪漫節日，因為好多情侶會係呢一日一齊。無論你有冇另一半，只要想感受一點甜甜蜜蜜，都一定要睇《情約明年聖誕》。故事由一場浪漫邂逅開始，Layla（Christina Milian）同James（Kofi Siriboe）機場一眼定情，惟Layla當時有另一半，就約定如果一年後大家都單身，又想重見對方，就喺來年一個聖誕演唱會再見面。究竟佢地會唔會重遇？對方係咪真愛？相信大家都估到答案！

華麗遇上。（圖片來源：IMDB）
甜蜜聖誕。（圖片來源：IMDB）
氣氛浪漫。（圖片來源：IMDB）

【INFO】
《情約明年聖誕 Meet Me Next Christmas》
串流平台：Netflix

2024聖誕電影推薦 |  7. 辣妹過招 (Mean Girls)

提起聖誕經典電影，你最先想到邊一套？相信好多人都會諗到《辣妹過招》嘅才藝表演。作品以原版故事為藍本，由女高中生「凱蒂」喺美國第一日返學，遇見校花「瑞吉娜」展開。當中描繪美國少女在生活上面對嘅各種問題。有別原版，2024版本《辣妹過招》係以歌舞劇為主，喚醒觀眾學生時期嘅清澀校園回憶。唔知你又會中意原版定2024版嘅《辣妹過招》呢？

少女電影。（圖片來源：IMDB）
重現經典。（圖片來源：IMDB）
美女雲集。（圖片來源：IMDB）

【INFO】
《辣妹過招 Mean Girls 》
串流平台：Netflix

2024聖誕電影推薦 |  8. 謀殺小鎮：誰殺了聖誕老人？(Who Killed Santa)

《謀殺小鎮：誰殺了聖誕老人？》係一部即興喜劇電影，每一集都會邀請一位冇劇本主導嘅明星，包括知名女演員莎朗史東(Sharon Stone)、美國棟篤笑主持人康納歐布萊恩(Conan O’Brien)，仲有韓裔演員鄭肯(Ken Jeong)等，同警探泰瑞西雅圖聯手「即興」破案。今次主題係要搵出殺咗聖誕老人嘅兇手，究竟佢地會唔會成功呢？

調查一樁謀殺案。（圖片來源：IMDB）
查個水落石出。（圖片來源：IMDB）
即興發揮。（圖片來源：IMDB）

【INFO】
《謀殺小鎮：誰殺了聖誕老人？Who Killed Santa? 》
串流平台：Netflix

2024聖誕電影推薦 |   9. 聖誕宅急便 (Delivery by Christmas)

經理就不嬲都好黑人憎，不過只要唔好影響自己工作進度就可以接受，但《聖誕宅急便》嘅女主角似乎受主管拖累。故事講述貨運公司嘅壞主管惡整女主角工作，大亂貨件運送。剛巧好心嘅男主角伸出援手，兩人將聖誕禮物及時送到客人手上。過程中二人互生情愫，擦出感情火花。電影以採用開放式結局，留低空間俾觀眾幻想。

壞同事惡搞。（圖片來源：IMDB）
好心客人幫忙。（圖片來源：IMDB）

【INFO】
《聖誕宅急便 Delivery by Christmas 》
串流平台：Netflix

2024聖誕電影推薦 |   10. 史上最狂聖誕 (Best. Christmas. Ever!)

唔知你有冇見過身邊女神喺屋企嘅真面目呢？《史上最狂聖誕》（Best. Christmas. Ever!）講述兩位相識多年嘅閨蜜，機緣巧合之下被迫喺同一屋簷下生活，認識到對方最真實嘅一面，更想拆穿好朋友表面「完美」嘅生活。呢種女人之間嘅鬥爭，可能會為你今合聖誕帶來一啲八卦話題呢。

兩家人相聚。（圖片來源：IMDB）
增添情誼。（圖片來源：IMDB）
氣氛濃厚（圖片來源：IMDB）
【INFO】
《史上最狂聖誕 Best. Christmas. Ever! 》
串流平台：Netflix

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk