韓國推出嘅戀愛綜藝每次都引發唔少話題，自從《單身即地獄》爆紅，2022年將會陸續推出幾套戀愛綜藝，而且套套尺度大開，超越《單身即地獄》，包括同性戀、跨性別者等敏感題材，火熱畫面引爆話題！以下等小編為大家綜合出呢5套韓國戀愛綜藝嘅看點，鍾意戀綜嘅朋友仔唔好錯過啊！
圖片來源：網絡圖片、Netflix、YouTube@wavve 웨이브、TVBS、《換乘戀愛 EXchange》환승연애、gagaoolala｜撰文：Claudia
必看戀愛綜藝1 – 伊甸園：本能的後裔們
呢套《伊甸園：本能的後裔們》已經開播，因為大尺度畫面，人氣甚至超過爆紅嘅《單身即地獄》！內容係講8位單身男女喺濟州島嘅「伊甸園之屋」共度6天5夜，佢哋會隱瞞真實身份、年齡及職業，完全喺忠於本能去搵另一半。第一集參加者已經穿著性感泳裝登場，性感火辣身材引起唔少熱話！第二集製作方更要求男女同住，唔少親密嘅身體接觸畫面播出，睇嚟製作方為咗衝高收視率真係無所不用其極！
播出日期：2022年6月14日
必看戀愛綜藝 2 – Merry Queer
《Marry Queer》主要圍繞三對 LGBT 情侶，以跨性別戀愛，包括女女、男男為主題嘅戀愛綜藝！同性戀題材一直喺亞洲綜藝比較少見，今次呢套《Marry Queer》向觀眾展現唔同性取向嘅情侶同夫妻們嘅真實相處模式，雖然佢哋都曾經自我懷疑，唔可以好似其他情侶咁結婚生小朋友，甚至遭到屋企人反對等，但係喺預告睇到呢三對情侶好珍惜對方又相愛嘅畫面，節目預告播出已經引爆話題，對呢套戀愛綜藝更加期待！
播出日期：2022年7月8日
必看戀愛綜藝 3 – 換乘戀愛 2
換乘戀愛第一季熱度不減，所以決定推出第二季，今次節目搵咗五對已分手嘅情侶入住同一間屋，朝夕相處！一開頭唔可以公開大家嘅關係同年齡職業，喺入住過程中會不斷有新嘅配對關係，成員需要面對舊愛定係新歡嘅決擇。最大嘅看點係估成員們曾經嘅關係，同埋佢哋會唔會舊情復燃！
播出日期：2022年7月15日
必看戀愛綜藝 4 – 別人的戀愛
《別人的戀愛》開播！同性戀喺近年嘅討論度急升，韓國就推出呢套話題性極高嘅戀綜，亦係韓國首套Gay戀綜，咁新鮮緊喺必睇啦！唔少韓國網友都讚嘉賓顏值好高，身材又好，根本印證咗「完美嘅男人都係Gay」呢句話！製作方表示希望透過輕鬆嘅戀愛綜藝帶出同性戀呢嘅社會話題，啟發觀眾思考，畀大家睇不一樣嘅羅曼史！
播出日期：2022年7月15日
必看戀愛綜藝 5 – 單身即地獄2
相信冇朋友仔會冇聽過《單身即地獄》呢套戀綜，當時真係引起唔少話題，身邊個個都講緊，反應咁熱列又點會冇第二季呢！製作方喺今年4月公佈正式開拍第二季，導演更表示：「第二季將會比第一季更加火辣！」，令網民眾紛紛表示期待，第一季有12為單身男女參加，佢哋喺一個叫「地獄島」嘅無人島共處9日8夜，通過各種任務爭取去「天堂島」同伴侶獨處！而第二季嘅內容同播出日期都尚未公佈，大家一齊期待吓啦！
播出日期：尚未公佈
————————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
