黑白大廚餐廳 | 大家最近又有冇睇Netflix大熱劇集《黑白大廚:料理階級大戰》呢～睇到小編都想飛轉韓國，親手試試佢哋整嘅料理係咪咁好食！小編已經幫大家整合咗黑白大廚入面唔同選手嘅餐廳，部分餐廳香港竟然有分店？當中包括評判安成宰餐廳！
圖片來源：Instagram@netflixkr、catch table | 撰文：Hedy
睇完節目唔知大家又會唔會想下次去旅行嘅時候到訪唔同主廚嘅餐廳呢？只需要下載韓國餐廳預約App 「Catch Table」就可以睇到入面多咗一個黑白大廚嘅分類，入面就已經列好晒所有選手嘅餐廳，超方便！不過由於Catch Table有分為國際版以及韓國版，韓國版需要使用韓國電話實名認證，所以大家如果下次去旅行嘅話就可以預先下載定國際版，就算睇唔明韓文都可以轉換語言，記得要提前預約，更有唔少餐廳去到11月已經爆滿！
黑白大廚餐廳整合 | 1. Mosu香港分店（安成宰）
有睇節目都知道評判安成宰對飲食相當有要求，夠晒挑剔之餘又擁有超強味覺，難怪可以成為唯一一位韓國米芝蓮三星餐廳主廚。而安成宰位於首爾嘅餐廳MOSU依家休業當中，如果想飛去韓國食嘅話就要再等等！不過MOSU其實係香港都有分店㗎，餐廳位於西九龍M+博物館內。餐廳由榮獲首爾米芝蓮三星的行政總廚Sung Anh及主廚Jeong Jinhwan (Bruno)掌舵，巧妙運用時令食材，並注入當代料理巧思，重塑韓式精緻佳餚。
【INFO】 《MOSU》 營業時間：星期二及三 晚市18:00至00:00 (最後入座時間:20:15） ；星期四至星期日 午市12:00至15:00 （最後入座時間:13:30） ；晚市18:00至00:00 （最後入座時間：20:15） 地址：香港九龍博物館道38號M+大樓3樓 網上預約：https://bit.ly/48d5hfz
黑白大廚餐廳整合 | 2. Via Toledo Pasta Bar（拿坡里美味黑手黨）
拿坡里美味黑手黨最擅長就係義大利料理，唔知大家又想唔想食佢喺節目入面整嘅栗子Tiramisu呢？佢除咗入選最後8強之外，更係奪冠大熱。如果大家想到訪佢嘅餐廳，就一定要去位於龍山區嘅Via Toledo Pasta Bar，開業3年嚟幾乎每日都係爆滿，大家一定要試試呢度嘅意粉同燉飯！
【INFO】
《Via Toledo Pasta Bar》
地址：서울특별시 용산구 원효로83길 7-2 1층
網上預約：https://bit.ly/4dyxmPf
黑白大廚餐廳整合 | 3. Trid（三星）
由於「三星」之前曾經係榮獲米芝蓮三星嘅餐廳工作，亦曾於安成宰主廚嘅Mosu工作，除咗廚藝相當出色之外，領導團隊表現亦相當優秀。三星開設咗自己嘅餐廳Trid，提供精緻法式料理，更係連續3年獲米芝蓮指南推薦。
【INFO】 《Trid》 地址：서울특별시 강남구 선릉로162길 16 2층 網上預約：https://bit.ly/4euy4hR
黑白大廚餐廳整合 | 4. Deepin Sindang (料理狂人)
一但煮食就會變得瘋狂嘅料理狂人，煮嘢食嘅時候相當吸引人眼球，佢依家係Deepin Sindang餐廳嘅主廚，擅長海鮮料理～
【INFO】
《Deepin Sindang》
地址：서울특별시 중구 퇴계로 411 1층
網上預約：https://bit.ly/4dB50DZ
黑白大廚餐廳整合| 5. 즐거운술상(阿姨無菜單料理一號)
著韓服上節目嘅阿姨無菜單料理一號，絕對係想令人試下佢煮嘅韓國美食，每日都會用最新鮮嘅食材，為大家煮好一檯美食，超吸引！
【INFO】
《즐거운술상》
地址：서울특별시 도봉구 노해로 341 신원리베르텔 117호
網上預約：https://bit.ly/3NgWVtC
黑白大廚餐廳 | 6. 조광201(撕漫男)
撕漫男冇接受過任何嘅廚藝訓練，竟然單靠睇漫畫就可以成功煮出令人震驚嘅菜式？當中東坡肉更係佢嘅招牌菜！佢目前就擁有2間分店，包括「朝光101」以及「朝光201」。
【INFO】
《조광201》
地址：서울특별시 송파구 새말로8길 13 2층 201호(문정동)
網上預約：https://bit.ly/3XVCze7
黑白大廚餐廳整合 | 7. Grand Majestic Sichuan(中華料理女神)
有中華料理女神之稱嘅朴恩影，為白湯匙主廚呂敬來嘅徒弟，係節目入面更就以東坡肉冰花餃子獲白種元大讚！朴恩影喺香港擔任中環川菜館Grand Majestic Sichuan副總廚，如果想一嚐佢嘅廚藝，就要去試吓啦！
【INFO】
《Grand Majestic Sichuan》
地址：中環遮打道18號歷山大廈301號舖
網上預約：https://bit.ly/3BA2S29
黑白大廚餐廳整合 | 8. doryang (外送員廚師）
外送員廚師因為送外賣開始接觸中式料理，而佢餐廳入面嘅招牌菜「八寶丸」，第一次見到真係相當震撼，有機會真係要去試試！
【INFO】
《doryang》
地址：서울특별시 종로구 자하문로6길 6 백송빌딩 2, 3층
網上預約：https://bit.ly/3zSoPJh
黑白大廚餐廳整合 | 9. CHOI. 쵸이닷（崔鉉石）
崔鉉石無論喺製作美食方面定係經營餐廳上都相當出色！而崔鉉石更係餐廳CHOI. 쵸이닷嘅老闆，餐廳結合義大利菜及韓式料理，睇落高貴又好味！
【INFO】
《CHOI. 쵸이닷》
地址：서울특별시 강남구 도산대로 457 앙스돔빌딩 3층
網上預約：https://bit.ly/4gZcljB
黑白大廚餐廳整合 | 10. 610 Magnolia/SUCCOTASH /Nami Korean Steakhouse（李愛德華）
李愛德華曾經奪下美國節目《鐵人料理》嘅冠軍，更曾擔任美國白宮國賓晚宴嘅主廚，如果有去美國嘅朋友仔就可以試試佢所開嘅3間餐廳「610 Magnolia」、「SUCCOTASH」以及「Nami Korean Steakhouse」。
【INFO】 《610 Magnolia》 地址：610 Magnolia Avenue, Louisville, KY 40208 網上預約：manager@610magnolia.com 【INFO】 《SUCCOTASH》 地址：915 F STREET NW (9TH AND F STREET) WASHINGTON, DC 20004 網上預約：https://bit.ly/3U32dg6 【INFO】 《Nami Korean Steakhouse》 地址：835 E. Main Street, Louisville, Kentucky 40206 網上預約：https://bit.ly/3TZ9Unx
黑白大廚餐廳整合 | 11. 甜蜜蜜 (鄭智善)
被譽為「港式點心女王」之稱嘅鄭智善，係韓國首位中華料理女主廚，小編睇到好想食佢整嘅燒賣！而鄭智善嘅餐廳甜蜜蜜喺江南同弘大都有分店，當中必試招牌菜「甜蜜蜜炒鐵板」以及「麻辣奶油蝦」！
【INFO】 《甜蜜蜜》 地址：서울특별시 서초구 사임당로 143 Cross 143 104-1, 104-2, 104-3호 網上預約：https://bit.ly/3ZUrWuE
黑白大廚餐廳整合 | 12. 네기 라이브(蔣皓埈)
蔣皓埈主廚擅長製作日式料理，大家可能未必對佢有太深嘅印象，不過喺8強戰入面佢就以「黑色洋蔥」作為自己嘅人生料理。佢喺2015年開設自己嘅第一間餐廳，當時餐廳啱啱起步，不過到依家已經有9間日式餐廳！
【INFO】
《네기 라이브》
地址：서울특별시 성동구 성수이로 97 5층
網上預約：https://bit.ly/480m2dq
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
