魷魚遊戲2 | 《魷魚遊戲》第一季深受全球觀眾喜愛，大家苦等3年之後今年終於都有得睇第二季啦！第二季最快幾時有得睇？演員接受訪問嘅時候更驚喜透露劇情？
圖片來源：Instagram@netflixtw、netflixkr、YouTube@Netflix Asia | 撰文：Hedy
三年前嘅魷魚遊戲由456號選手(成奇勳)勝出，本來想遠走高飛嘅佢，竟然喺搭機赴美前臨陣反悔，決心展開新計畫，再次參加呢個神秘嘅魷魚遊戲。繼續賭上性命，同一班新嘅參賽者一齊爭奪456億獎金。第二季除咗有原班人馬李政宰、李炳憲、魏嘏雋同孔劉之外，今季亦都加入咗唔少新演員包括任時完、姜河那、朴珪瑛、李陣郁、朴成焄等。而黃東赫亦都身兼導演、編劇同製作人，相信一定好精彩！
魷魚遊戲第二季 | 最新宣傳海報！
Netflix亦都喺今日(19日）公開宣傳海報，更寫下「遊戲不會結束」嘅標題，仲預告埋聽日（20號）將會有最新預告片！大家一定要留意！宣傳海報入面大家可以見到一位參賽者身穿紅色衫，被頭戴面具嘅工作人員拖走。而地下竟然出現一個黑色禮物盒，仲綁埋粉色蝴蝶結！究竟最後成奇勳可唔可以成功報仇呢？
魷魚遊戲第二季 | 將加入韓國新遊戲！
由李政宰所飾演嘅成奇勳，將由第一季嘅黑色頭髮變成紅色頭髮，贏咗獎金嘅佢回歸遊戲竟然喺為咗報仇，甚至要揭開真相？而網民亦都對第二季嘅劇情進行猜測，有人就覺得本來係警察嘅魏嘏雋竟然會喺今季變成反派，本來想擺脫遊戲，最後反而成為主持人？魏嘏雋喺訪問嘅時候對此表示：「我身邊有些人也提出相同理論。」而李炳憲亦都透露今次《魷魚遊戲》第二季將會加入好多韓國嘅新遊戲，大家拭目以待！
魷魚遊戲第二季 |《魷魚遊戲》第二季及第三季上線日期！
大家最想知道究竟《魷魚遊戲》第二季幾時上映，第二季將會喺今年12月26日喺Netflix獨家上映，有興趣嘅各位朋友就一定要mark實日期！官方亦都宣布《魷魚遊戲》最終季將會喺2025年上線。
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
