為推動全民運動，香港電台電視部將於3月10日喺旺角麥花臣遊樂場舉行港台《球動全城》3×3籃球邀請賽，透過邀請來自大灣區嘅隊伍，包括:香港、廣州、深圳及澳門大專同場較量，仲有甲一精英、學界及明星進行表演賽向公眾展示街頭運動嘅魅力！當日仲有以運動為主題嘅嘉年華活動、歌手及專業啦啦隊團體表演亦會有精彩嘅表演，與眾同樂！一齊睇下活動內容有幾豐富～
圖片來源：官方圖片｜撰文：Sharon
3×3籃球源自街頭，不論背景、身份，憑着對籃球嘅熱愛，每個人都可以充份融入街頭運動嘅熱烈氣氛中！今次RTHK《球動全城》3×3籃球邀請賽活動非常豐富，港台電視32於下午3點至6點仲會直播精彩表演及男、女子準決賽至決賽，一齊參與並享受做運動嘅快樂啦！
嘉年華
為咗與眾同樂，特設以運動為主題嘅嘉年華活動，早上10點至下午6點，超過10個攤位活動畀大家玩，當中包括3×3籃球體驗區、攀石體驗區、桌下足球同飛標等，多個豐富獎品等緊大家拎！
嘉年華攤位內容
3×3比賽
3×3比賽於上午11點至下午6點舉行，分為男子組、女子組、黃金新秀對賽以及全明星表演賽，邀請咗來自大灣區嘅隊伍，包括：香港、廣州、深圳及澳門大專同場較量！明星藝人隊陣容非常吸引，以男女混合作賽，每隊各2男2女，藝人加現役甲一球員，有Lolly Talk成員、蘇皓兒同林德信等人。去唔到現場睇唔到精彩嘅賽事？港台電視32、港台YouTube頻道以及手機應用程式RTHK TV於下午3點至6點會直播精彩表演及男、女子準決賽至決賽，嚟唔到現場一樣睇到！
啦啦隊+明星表演
除咗有精彩嘅賽事同嘉年華可以參與，當然唔少得啦啦隊同明星表演啦！今次邀請咗女團Lolly Talk、香港專業霹靂舞團隊TBS，成員均擁有14年以上表演經驗，仲有多位屬於香港霹靂舞代表隊！
啦啦隊表演方面，有香港競技啦啦隊「CMLN Cheerleading」，隊員由學生、自由工作者至專業人士組成，當中部分隊員為港隊隊員一一曾代表香港到外地比賽，包括為香港首次奪得全女5人組季軍的隊員，成為首隊登上國際頒獎台的香港隊伍。
另外，仲有中國職業啦啦隊「炫舞團」，曾連續三年代表中國啦啦隊喺美國NBA賽場地表演、FIFA唯一邀請嘅中國啦啦隊表演嘉賓，與最高國家領導人同台。亦連續兩屆深圳國際啤酒節、首屆海南國際啤酒節等規模達10萬人次以上嘅大型活動中表演。
咁多精彩又好玩嘅活動，大家記得唔好錯過～3月10日嚟麥花臣遊樂場，同朋友一邊玩遊戲、一邊做運動啦，仲要免費入場㗎！
【INFO】 《港台「球動全城」3x3 邀請賽》 地點：麥花臣遊樂場 日期：2024年3月10日
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
