賀歲片2025 | 話咁快又到農曆新年，新年除咗去拜年之外，仲可以一家大細到戲院入場睇唔同嘅賀歲片!小編已經整合咗5大賀歲片畀大家，當中有古天樂、周秀娜、梁詠琪及王丹妮熱血嘅打鬥場面，亦有阿Sa喺電影入面飾演病態賭徒?!新年記得入場收睇啦～
圖片來源：官方圖片 | 撰文：Hedy
賀歲片2025 | 1. 臨時決鬥
鍾意睇熱血打鬥畫面嘅大家，新年就一定要入戲院睇《臨時決鬥》！由《臨時劫案》導演麥啟光，再加上古天樂、梁詠琪、王丹妮、胡子彤、張文傑、周秀娜、陳湛文、伍允龍、楊詩敏（蝦頭）等班底一齊打拳！古天樂飾演曾叱咤澳⾨泰拳界嘅傳奇拳王鍾磊，並開設拳館「鍾磊舍」，⽮志培訓職業拳⼿。廣告界女強⼈林雪（王丹妮 飾），意外發現男友Daniel（陳湛⽂ 飾）有外遇，情敵竟是澳⾨女拳王孫雅雲（周秀娜 飾），兩人誓要喺擂台上決⼀勝負。林雪越級挑戰，得知孫雅雲曾經係鍾磊嘅徒弟後，決⼼到「鍾磊舍」向鍾磊拜師學拳，師母竟然係同佢喺廣告拍攝上發⽣過衝突嘅嘉莉（梁詠琪 飾）。嘉莉當年因相夫教女⽽退出娛樂圈，如今在閨密碧珠（楊詩敏 飾）幫助下試圖復出，可惜波折重重……
【INFO】 《臨時決鬥》 上映日期：2025年1月28日 電影場次：https://bit.ly/40vHiV8
賀歲片2025 | 2. 麻雀女王追男仔
想入場輕輕鬆鬆睇電影，就唔可以錯過蛇年賀歲片《麻雀女王追男仔》！由高海寧、馬國明、陳家樂、陳靜、李尚正、許紹雄、林盛斌（BOB）、性感女神郭珮文、新一代魯芬張錦霞（霞姐）及文佐匡等攜手演出。就連海報上面都可以睇到台灣啦啦隊女神林襄、而香港亦有唐詩詠、方力申以及袁富華等。喺預告入面仲有陳家樂重現萬梓良《賭俠大戰拉斯維加斯》經典燒春袋一幕！龍家村村長龍卷峰（許紹雄飾）育有三女，分別為龍小東（高海寧飾）、龍小南、（陳靜飾）龍小茜（郭佩文飾），仲命令佢哋要帶埋另一半返嚟見家長。大家姐小東係「天生麻將狂」，缺偏偏戀上科學家男友馬壯（馬國明飾），最憎人打麻雀。而二妹小南攻讀戲劇卻做唔成演員，竟然與躁狂影帝千紅哥（陳家樂飾）擦出愛火花。三妹小茜一天竟被小北老闆，胸圍廠太子爺林雨雲（李尚正鉓）落力追求，以為大團圓結局之際誰知真相峰廻路轉，小茜和雨雲相愛背後，其實也暗藏一個驚天秘密。究竟呢三對情侶最後嘅愛情又會係點收場？
【INFO】 《麻雀女王追男仔》 上映日期：2025年1月28日 電影場次：https://bit.ly/42nZ8vW
賀歲片2025 | 3. 祥賭必勝
新年相信有唔少人都會喺屋企玩吓魚蝦蟹，齊齊小賭怡情！不過係賀歲電影《祥賭必勝》入面就有由阿Sa所飾演嘅病態賭徒，盡顯賭徒本色。而張繼聰竟然對阿Sa一見鍾情仲閃婚？阿Sa亦為最憎人賭錢嘅阿聰決定戒賭？電影亦有Stanley邱士縉、吳家忻、朱栢康等主演～
【INFO】 《祥賭必勝》 上映日期：2025年1月28日 電影場次：https://bit.ly/4hrm1mi
賀歲片2025 | 4. 哈哈哈新年喜戲
《哈哈哈新年喜戲》由姜皓文首度監演，亦有宣萱首度演出賀歲片，聯同李璨琛、Dada陳靜、Bob林盛斌 ，係一套笑中有淚嘅溫情賀歲片！電影講述富商段宇宸（#姜皓文 飾）因為意外失憶，踏上一段追尋真相的旅程，途中揭發出隱藏多年嘅驚人秘密，而母廟主持人蘇花（宣萱）同村民們一齊協助因為意外失憶嘅段宇宸追查身世！
【INFO】 《哈哈哈新年喜戲》 上映日期：2025年2月6日 電影場次：https://bit.ly/4h7cVvn
賀歲片2025 | 5. 唐探1900
87億賣座系列《唐人街探案》全新前傳《唐探1900》，帶大家返去1990年嘅美國舊金山，有周潤發重磅加盟，亦有系列最強拍檔王寶強、劉昊然以新角色、新人設回歸！華裔印第安獵人阿鬼（王寶強 飾）與留美青年秦福（劉昊然 飾）因一宗奇案偶然結識，誤打誤撞成為「唐人街神探」孖寶。沒想到該案件居然牽連甚廣，甚至會影響唐人街以至全美國華人的命運…在「唐人街大佬」白軒齡（周潤發 飾）全力支持下，這對神探孖寶要爭分奪秒找出真相，過程中驚險萬分，同時爆發無窮歡樂！
【INFO】 《唐探1900》 上映日期：2025年2月13日 電影場次：https://bit.ly/3WvJ4ER
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
