暌違七年嘅「夜光巡遊」終於都重磅回歸喇，大家都可以睇到《木偶奇遇記》故事入面嘅角色登場！同場亦有全球首個以村上隆經典元素FLOWERS打造嘅大型璀璨燈飾，設有近百朵藝術花海，超啱大家週末嘅時候嚟體驗，即刻入內文睇詳情喇！
圖片來源：官方圖片 | 撰文：Hedy
暌違七年嘅「夜光巡遊」將於11月29日夜晚8點半重磅回歸，匯聚十三組香港頂尖藝術家嘅創作能量，傾力打造五座巨型燈籠偶同八套華麗盛裝，包括《木偶奇遇記》故事中繃繃跳嘅皮諾丘、和藹可親嘅老木匠、長長尾巴嘅狡猾狐狸、激起爆炸性水花嘅大鯨魚等，配合舞蹈表演交織着悅耳嘅旋律，超適合大家嚟利園觀賞。「夜光巡遊」將會由利園一期正門啟程，沿著恩平道、白沙道、利園山道及啟超道緩緩流淌，最後延伸至希慎廣場折返。當日亦有限定活動，包括《木偶奇遇記》面部彩繪 、皮諾丘帽子換領以及利園區盲盒遊戲，等大家欣賞表演之餘隨時贏取總值超過$1,000豐富禮品。
【INFO】 《渣打藝趣嘉年華 「夜光巡遊」》 日期：2025年11月29日 時間：20:30 地點：利園一期地面、恩平道、白沙道、利園山道及啟超道 《木偶奇遇記》面部彩繪 日期：2025年11月29日 時間：18:00至19:30（每節5分鐘） 地點：利園一期二樓近The Little Shop 或利園二期二樓近Ralph Lauren Childrenswear 條件：需換領2,000積分 《皮諾丘帽子換領》 日期：2025年11月29日 時間：18:30至20:00 地點：利園一期二樓近The Little Shop 或利園二期二樓近Ralph Lauren Childrenswear 條件：需換領100積分
利園區聖誕「Winter Wonder Bloom」 | 30米長霓虹燈飾
以村上隆經典元素 FLOWERS 打造長達30米璀璨燈飾裝置，近百朵璀璨奪目嘅太陽花同璀璨燈光喺夜空中翩翩起舞。同場加映3米高的「FLOWERIAN」藝術裝置夢幻亮相，切勿錯過經典打卡位！
【INFO】 《大型燈飾裝置》 日期：2025年12月2日至2026年1月4日 地點：利園一期正門
利園區聖誕「Winter Wonder Bloom」 | 經典攤位遊戲
利園區聯乘 CASETiFY，將「MURAKAMI WORLD」以互動遊戲方式呈現，四樓空中花園 Urban Park 會化身藝術嘉年華，透過遊戲體驗重塑經典藝術符號，引領參加者沉浸於村上隆嘅藝術宇宙。同時亦有多個經典攤位遊戲包括「花式射籃」、「花拋花樂」、「花注一擲」以及「花色夾球」。於遊戲中成功達到指定目標，即可獲得蓋章，加上於指定位置花式打卡。集齊蓋章，即可換領TAKASHI MURAKAMI x CASETiFY 聯名典藏級限量禮品，包括聯名T裇、桌墊 、便利貼以及A4文件夾。
【INFO】
《「MURAKAMI WORLD」》
日期：2025年12月5日至2026年1月4日
地點：希慎廣場4樓Urban Park
利園區聖誕「Winter Wonder Bloom」 | FLOWERS BLOOM期間限定店
由12月5日起至1月4日以彩虹般嘅繽紛色彩精彩綻放，當中FLOWERS流線手機殼更大玩盲盒形式發售，有機會抽到限量 FLOWERS 18K 金手機殼。除咗手機殼之外，現場更有多款香港限定商品系列上架。三樓限定專賣店將獨家發售限定手機殼、珍藏版電子配件及 Bounce 防摔行李箱，為大家提供多重購物禮遇！
【INFO】 《FLOWERS BLOOM期間限定店》 日期：2025年12月5日至2026年1月4日 地點：希慎廣場3樓301A舖
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
