消委會空氣清新機 | 為咗提升屋企室內空氣質素，有唔少人都會專登買空氣清新機，有部分更聲稱可以有效殺菌以及去除病毒，究竟係咪真係有效？消委會與機電工程署合作測試10款空氣清洗機，當中平價空氣清新機表現更勝$7,880Dyson！
圖片來源：各官方網站 | 撰文：Hedy
消委會與機電工程署合作測試市面上10款空氣清新機嘅效能以及安全程度，測試品牌包括小米、LG、Panasonic、SHARP、Dyson、PHILIPS、Tefal、大金、3M以及b-MOLA，售價由$1,798至$7,880不等。所有樣本都隨機附送HEPA過濾器，聲稱可隔除香煙煙霧、塵埃、花粉、甲醛、甲型流感病毒H1N1及細菌等。消委會根據空氣淨化表現、寧靜程度、使用方便程度以及安全測試進行測試，當中最推薦2款獲4.5星嘅產品！
空氣清新機推薦 | 10. 大金MC30YBFVM3——寧靜之選
相信如果長時間開空氣清新機，好多人都會選擇一啲較為寧靜嘅產品，而大金就係寧靜程度獲4.5分，相對較為高分。再加上大金首10年毋需更換過濾器，為所有產品總開支中最平嘅一款，無論係空氣淨化表現同除顆粒物方面都尚算可以。如果經濟上有限制又希望唔需要成日更換過濾器，呢款就絕對啱晒你！
| 總評 | 3星 |
| 寧靜程度 | 4.5星 |
| 空氣淨化表現 | 3星 |
| 除甲醛 | 1.5星 |
| 除顆粒物 | 3星 |
【INFO】 《大金MC30YBFVM3》 價錢：$2,600 立即購買：https://bit.ly/3VOb5Y8
空氣清新機推薦 | 9. b-MOLA BM100——整體尚可
b-MOLA BM100與所有樣本一樣，有效去除甲型流感病毒（H1N1）超過99%。同時喺寧靜程度、空氣淨化表現以及除甲醛方面表現尚可。不過由於其過濾器建議使用時間較短，若果每6個月更換1次，首10年更換成本就達$7,524，相對其他產品價錢較高。
| 總評 | 3.5星 |
| 寧靜程度 | 3.5星 |
| 空氣淨化表現 | 3.5星 |
| 除甲醛 | 3.5星 |
| 除顆粒物 | 3星 |
【INFO】 《b-MOLA BM100》 價錢：$4,888 立即購買：https://bit.ly/3KPAuuk
空氣清新機推薦 | 8. 3M FAPHK-T02WA-F1——適合大部分家居
3M FAPHK-T02WA-F1喺空氣淨化表現以及除顆粒物表現中，相對較為好，聲稱最大適用面積為387至413平方呎，適合大多數嘅屋企～如果按代理商建議嘅最短更換時間去計，首10年更換過濾器嘅最高開支大概為$5085，尚算可接受～
| 總評 | 3.5星 |
| 寧靜程度 | 3星 |
| 空氣淨化表現 | 3.5星 |
| 除甲醛 | 2星 |
| 除顆粒物 | 3.5星 |
【INFO】 《3M FAPHK-T02WA-F1》 價錢：$3,290 立即購買：https://bit.ly/3KRlVqcv
空氣清新機推薦 | 7. 法國特福PT3030——更換過濾器開支不大
法國特福PT3030適用於約36平方米至38平方米嘅空間，喺聲稱最大適用房間面積中等組方面表現略佳。再加上法國特福更換過濾器嘅開支都唔算太高，首10年都只係大概$1800，相對價錢都唔算太貴。
| 總評 | 3.5星 |
| 寧靜程度 | 3星 |
| 空氣淨化表現 | 3.5星 |
| 除甲醛 | 1.5星 |
| 除顆粒物 | 4星 |
【INFO】 《法國特福PT3030》 價錢：$2,058 立即購買：https://bit.ly/4c6DtdQ
空氣清新機推薦 | 6. 飛利浦AC0850/31——性價比之選
飛利浦為眾多樣本中最平嘅產品，其表現亦都係可以媲美其他貴價牌子，消委會亦計算過其首10年更換過濾器最高開支都只係$3,132，再加埋空氣清新機嘅極價，其總開支都唔算高。再加上其能源效益表現不俗，就算每日使用16個鐘，其餘8個鐘為關機以及備用狀態下，飛利浦每年電費都大概只係$176，為眾多樣本中最平嘅產品，CP值相當高！
| 總評 | 3.5星 |
| 寧靜程度 | 4星 |
| 空氣淨化表現 | 3.5星 |
| 除甲醛 | 1.5星 |
| 除顆粒物 | 3.5星 |
【INFO】 《飛利浦AC0850/31》 價錢：$1,798 立即購買：https://bit.ly/3z609ML
空氣清新機推薦 | 5. Dyson Purifier Big+Quiet Formaldehyde BP03 ——整體表現出色
Dyson無論喺寧靜程度、空氣淨化表現以及除顆粒物測試表現出色，再加上具有實體遙控器以及應用程式，等你可以自主掌控空氣質素，咁就可以觀察到屋企污染物嘅狀況，就連設計時間表都做到，其卓越性能絕對推薦～
| 總評 | 4星 |
| 寧靜程度 | 4星 |
| 空氣淨化表現 | 4星 |
| 除甲醛 | 3.5星 |
| 除顆粒物 | 4星 |
【INFO】 《Dyson Purifier Big+Quiet Formaldehyde BP03》 價錢：$7,880 立即購買：https://bit.ly/3z9g0Ki
空氣清新機推薦 | 4. SHARP KI-N50A-W——10年毋需換過濾器
使用空氣清新機嘅時候，大家唔應該淨係考慮機價，亦都要計算埋過濾器嘅成本。SHARP KI-N50A-W機價雖然較貴大概$4,480，但呢款空氣清新機聲稱用10年毋需換過濾器，所以成本可能仲平過其他需要頻繁換過濾器嘅空氣清新機。而SHARP同樣係各方面都表現不俗，再加上空氣清新機設有加濕空氣淨化，用助保持室內濕度以維持舒適嘅室內環境，令微細水分子可以滲透皮膚﹑鼻子﹑喉部濕潤，防止乾涸，所以都獲消委會4星！
| 總評 | 4星 |
| 寧靜程度 | 3.5星 |
| 空氣淨化表現 | 3.5星 |
| 除甲醛 | 2星 |
| 除顆粒物 | 4星 |
【INFO】 《SHARP KI-N50A-W》 價錢：$4,480 立即購買：https://bit.ly/3VPUeDh
空氣清新機推薦 | 3. Panasonic F-PXV35H——去除甲醛表現不錯
Panasonic F-PXV35H設有脫臭過濾網，有助去除甲醛、香煙味、寵物氣味等異味，測試發現Panasonic 去除甲醛嘅表現僅次於小米，表現都係相當唔錯！Panasonic呢款空氣清新機聲稱適用面積較細，如果以每日使用16個鐘嘅情況下去計算，每年大概電費都只係$230，能源效率亦都係唔錯～
| 總評 | 4星 |
| 寧靜程度 | 3.5星 |
| 空氣淨化表現 | 3.5星 |
| 除甲醛 | 4星 |
| 除顆粒物 | 3.5星 |
【INFO】 《Panasonic F-PXV35H》 價錢：$2,680 立即購買：https://bit.ly/4eskcVM
空氣清新機推薦 | 2. LG AS60GHWG0——能源效益佳
如果每日都會長開空氣清新機，消委會以中國國家以及美國國家標準，比較各樣本嘅能源效能，當中LG嘅能源效率表現最好。假設每日使用16小時為例，並以每度電$1.6去計算，每年大概都只係需要$341電費，絕對可以幫你慳唔少！LG喺各方面整體表現都比較好，喺淨化煙霧、塵埃及花粉嘅速度同小米一樣空氣潔淨速度都係最快。
| 總評 | 4.5星 |
| 寧靜程度 | 3.5星 |
| 空氣淨化表現 | 4.5星 |
| 除甲醛 | 3星 |
| 除顆粒物 | 5星 |
【INFO】 《LG AS60GHWG0》 價錢：港幣$2,980 立即購買：https://bit.ly/3VLx4Pt
空氣清新機推薦 | 1. 小米空氣淨化器 4 Pro——除甲醛速度較快
當空氣清新機潔淨空氣量嘅數值越高，就代表淨化污染物嘅速度越快，淨化能力亦越好。消委會將10款樣本聲稱適用房間面積，分為3個組別，當中包括房間面積最大（介乎646平方呎至1,000平方呎）、房間面積中等（介乎387平方呎至413平方呎）以及房間面積最細（介乎248平方呎至280平方呎）去比較。而小米喺最大房間組別入面，喺淨化煙霧、塵埃及花粉速度最快！當屋企新裝修或者有新傢具嘅時候，甲醛濃度可能會較高，容易引起呼吸道過敏嘅情況，而小米喺去除甲醛方面最為突出，相比速度最慢嘅樣本，其淨化速度相差成19.2倍！消委會亦都估計若使用小米空氣淨化器4 Pro，估計每年電費約$467。
| 總評 | 4.5星 |
| 寧靜程度 | 3.5星 |
| 空氣淨化表現 | 4.5星 |
| 除甲醛 | 4.5星 |
| 除顆粒物 | 5星 |
【INFO】 《小米空氣淨化器 4 Pro》 價錢：港幣$1,899 立即購買：https://bit.ly/3VYbNCp
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
