河口湖酒店 | 去日本想睇富士山，就可以住喺河口湖附近嘅酒店，每朝早一拉開窗簾就睇到成個富士山嘅美景，一定會令旅程留低一個難忘嘅回憶。小編為大家整合咗17間河口湖酒店，部分仲設有私人風呂，打卡一流～
圖片來源：Trip.com | 撰文：Hedy
河口湖酒店推薦 | 1. 秀峰閣湖月（Shuhoukaku Kogetsu）
想完整咁觀賞富士山絕對要嚟呢間酒店，除咗所有日式客房都可以睇到富士山之外，就連大浴場以及露天浴池都可以睇到，喺浸溫泉嘅同時望住眼前嘅美景，相當寫意！仲可以喺酒店滿足埋一泊二食嘅體驗，有自助早餐提供，而晚餐就會有日式懷石料理。
【INFO】 《秀峰閣湖月》 價錢：約港幣$2,783起 地址：〒401-0304山梨縣南都留郡 富士河口湖町河口2312 電話：0555-76-8888 官方網站：https://bit.ly/4c0Uw0J
河口湖酒店推薦 | 2. 湖樂御宿富士吟景（Koraku Onyado Fujiginkei）
湖樂御宿富士吟景開車5分鐘就可以抵達河口湖和富士急樂園，超方便！頂層更有大浴場畀大家可以一路望住富士山，一路浸喺溫泉入面享受。每當10月下旬嘅時候都可以將富士山以及超靚嘅楓葉一次過欣賞。
【INFO】 《湖樂御宿富士吟景》 價錢：約港幣$2,338 地址：〒401-0303 山梨県南都留郡富士河口湖町浅川132 電話：0555-72-0010 官方網站：https://bit.ly/3KIpT4k
河口湖酒店推薦 | 3. THE KUKUNA
THE KUKUNA每一間房都設有露台，等大家可以盡情享受風光山景同河口湖湖景，直接喺房入面同富士山打卡，體驗日出日落唔同嘅風景。有部分房間更設有私人浴池，樓頂更有無邊際風呂，體驗埋一泊二食，就簡直係超滿足～
【INFO】 《THE KUKUNA》 價錢：約港幣$6,200 地址：〒401-0303 山梨県富士河口湖町 浅川70 電話：0555-83-3333 官方網站：https://bit.ly/4elamF8
河口湖酒店推薦 | 4. 富士河口湖溫泉湖南莊
富士河口湖溫泉湖南莊有唔少房型都附帶露天浴池，更係面向富士山，房間夠大之餘又住得舒適。基本上住宿已經有包早餐以及晚餐，同時亦可以選擇唔包飲食～就算唔方便浸溫泉都可以體驗下足湯溫泉，只需要將雙腳放落去就搞掂～
【INFO】 《富士河口湖溫泉湖南莊》 價錢：約港幣$3,115 地址：〒401-0301 山梨県南都留郡富士河口湖町船津4020-2 電話：0555-72-2166 官方網站：https://bit.ly/4cigc8d
河口湖酒店推薦 | 5. 湖山亭產屋(Kozantei Ubuya)
Kozantei Ubuya係網上最難book嘅酒店，提供一泊二食，除咗可以享用高級日式精緻套餐之外，晚餐有日式懷石料理，仲有和牛火鍋選擇，聽到都已經流晒口水！配搭埋河口湖嘅櫻花季，自然就可以享受櫻花同浸溫泉。
【INFO】 《湖山亭產屋》 價錢：約港幣$2,703 地址：〒401-0303 山梨県南都留郡富士河口湖町浅川10 電話：0555-72-1145 官方網站：https://bit.ly/4cmEMoO
河口湖酒店推薦 | 6. 虹夕諾雅富士 (HOSHINOYA Fuji)
如果想體驗更加獨特嘅住宿，就可以選擇虹夕諾雅富士。由於住宿喺山坡上面，帶畀大家奢華露營風嘅體驗，可以一覽富士山與大自然嘅全景。當踏入房間嘅時候，眼前落地玻璃以及露台映襯著富士山，相當壯觀美麗。大家仲可以參與早晨獨木舟體驗，喺寧靜嘅早上乘獨木舟輕輕划過湖面，相當夢幻。
【INFO】 《虹夕諾雅富士》 價錢：約港幣$5,000 地址：〒401-0305 山梨縣南都留郡富士河口湖町大石1408 電話：+81-555-76-5050 官方網站：https://bit.ly/4b5lN0N
河口湖酒店推薦 | 7. La Vista富士河口湖度假村
拉維斯塔富士河口湖度假村開車3分鐘就可以到河口湖，亦鄰近富士急樂園以及天上山公園纜車等，可以一次過去晒咁多地方打卡～酒店嘅花園和客房基於法國南部普羅旺斯嘅概念，營造出優雅嘅氛圍，增添咗旅行奢華感。La vista房型更加有心型浴缸，超適合打卡～夜晚仲有免費拉麵可以食！
【INFO】 《La Vista富士河口湖度假村》 價錢：約港幣$2,238 地址：2395 Kawaguchi, Fujikawaguchiko-machi, Minamitsuru-gun, Yamanashi Prefecture, 401-0304 電話：0555-76-5220 官方網站：https://bit.ly/3Xohryt
河口湖酒店推薦 | 8. 馥府河口湖
所有客房都係面向富士山，能夠喺一年四季入面欣賞富士山唔同嘅景色，將湖水、森林以及富士山嘅景色結合。而去房間入面更有富士山溶岩石嘅露天溫泉，仲有埋舖滿溶岩石嘅岩盤浴，悠閒咁享受自己嘅私人空間。
【INFO】 《馥府河口湖》 價錢：約港幣$7292 地址：401-0304山梨県南都留郡富士河口湖町河口字水口2211-1 電話：0570-0117-22 官方網站：https://bit.ly/4egsjVn
河口湖酒店推薦 | 9. 富士河口湖温泉新世紀酒店（HOTEL NEW CENTURY）
想用最優惠嘅價錢同時欣賞到富士山，仲想體驗埋一泊二食以及溫泉，呢間酒店一晚最平都只係$1521，性價比相當高～坐係房間就可以觀賞到富士山，仲要係湖景第一排嘅位置。酒店有免費Shuttle Bus到河口湖車站接送大家，超方便。
【INFO】 《富士河口湖温泉新世紀酒店》 價錢：約港幣$1521 地址：南都留郡富士河口湖町浅川180-1 電話：0555-72-1422 官方網站：https://bit.ly/3VKJ57G
河口湖酒店推薦 | 10. 美富士園酒店
預算有限嘅大家，都可以喺度同時欣賞富士山美景以及浸溫泉，早晚餐亦有酒店為大家提供豐盛嘅懷石料理。再加上喺酒店出發去附近嘅景點都相當方便，包括富士急樂園以及河口湖美術館等。
【INFO】
《美富士園酒店》
價錢：約港幣$1261
地址：〒401-0303 山梨県南都留郡富士河口湖町浅川207
電話：0555-72-1044
官方網站：https://bit.ly/3VL8bTO
河口湖酒店推薦 | 11. 富之湖酒店（Tominoko Hotel）
富之湖酒店絕對係河口湖CP值超高嘅酒店之一，房間正對富士山，仲有機會可以睇到逆富士，部分房間更帶有露台，咁影相嘅時候就絕對會更享受～酒店除咗有溫泉之外亦有按摩室，早晚餐就有自助餐選擇。
【INFO】 《富之湖酒店》 價錢：約港幣$1324 地址：〒401-0303 山梨県南都留郡富士河口湖町浅川55 電話：0555-72-5080 官方網站：https://bit.ly/3XlObbR
河口湖酒店推薦 | 12. The Garden
The Garden以純白簡約風為設計，而且每個房間都有露台正對富士山，喺度打卡超有Feel，帶畀人一種好舒服嘅感覺。鍾意下廚嘅更可以享用埋入面齊全嘅廚房設備，仲有戶外燒烤爐可以望住富士山BBQ！
【INFO】 《The Garden》 價錢：約港幣$1985 地址：〒401-0301 山梨県南都留郡富士河口湖町船津3556-3 電話：0555-28-5677 官方網站：https://bit.ly/3VFXaDn
河口湖酒店推薦 | 13. 富士河口湖公主大度假村（The Gran Resort Princess Fujikawaguchiko）
富士河口湖公主大度假村提供嘅所有房間都可以眺望富士山，只要遇啱時間，酒店去富士五湖花火大會都相當方便，相當推薦大家夏天嘅時候入住！酒店仲有室內溫泉畀大家浸～
【INFO】 《The Gran Resort Princess Fujikawaguchiko》 價錢：約港幣$1100 地址：〒401-0302 山梨県南都留郡富士河口湖町小立3919 電話：0555-72-3711 官方網站：/
河口湖酒店推薦 | 14. 鐘山苑酒店
鐘山苑酒店提供多種房型畀大家選擇，當中更可設有私人露天溫泉，一邊眺望日式庭園以及遠眺富士山～而最高級嘅房型更有專用露天溫泉以及特設餐廳，可以同屋企人享受美食。鐘山苑酒店四季嘅景觀都超靚，適合大家食飽飯散步。
【INFO】 《鐘山苑酒店》 價錢：約港幣$3046 地址：〒403-0032山梨县富士吉田市上吉田東9-1-18 電話：+81-555-22-3168 官方網站：https://bit.ly/3xn7I0U
河口湖酒店推薦 | 15. 若草之宿丸榮旅館
被河口湖自然美景包圍嘅若草之宿丸榮旅館，一部分嘅房間可以觀賞到富士山，另一半就面向河口湖。部分房間更附有露天溫泉浴池，頂樓就有露天風呂「富士之湯」以及「湖之湯」等，當中「富士之湯」更可以飽覽成個富士山嘅美景～
【INFO】 《若草之宿丸榮旅館》 價錢：約港幣$2577 地址：〒401-0302 山梨県南都留郡富士河口湖町小立498 電話：0555-72-1371 官方網站：https://bit.ly/3yYTRyb
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
