市面上嘅膠布款式多到數唔盡，由最傳統嘅防水肉色款，到印滿卡通公仔嘅可愛風格應有盡有。不過日本有位創作者就嫌未夠玩味，發揮無限腦洞，設計出一款超獵奇嘅「馬賽克Pixel風格」膠布！

圖片來源：X@if_life_s2｜撰文：Sharon

日本有位創作者發揮無限腦洞，將日常用嘅膠布改頭換面，設計出一款打格仔膠布。只要一貼落皮膚，視覺上就好似傷口被自動打咗碼咁，直接將原本令人難過嘅受傷體驗，轉化成充滿幽默感嘅潮流配件。貼文喺網上發佈之後，隨即引嚟大批網民熱烈討論，紛紛大讚創意十足，仲笑言畫面好似打緊Minecraft咁，大呼好想入手！

雖然創作者透露現階段作品仲處於概念創作同揀選物料嘅階段，暫時未可以當真膠布咁用，但佢依然積極研究緊量產嘅可行性。咁有正面能量又搞笑嘅設計，如果未來真係推出，大家又想唔想買嚟用呢？

日本女生發明打格仔膠布。（圖片來源：X@if_life_s2）

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk