愉景灣聖誕 | 臨近聖誕節，相信大家都會去唔同地方睇聖誕燈飾～想喺香港過一個歐陸聖誕，小編就推薦大家可以去愉景灣冬日慶典，有聖誕老人現身之餘仲會大派禮物畀大家～又有美酒巡禮以及市集等，超有氣氛！即刻入內文睇吓有咩精彩活動啦！
圖片來源：官方圖片 | 撰文：Hedy
愉景灣將會喺今個聖誕節化身為意大利風情嘅冬日仙境，大家都可以欣賞靈感嚟自威尼斯同羅馬著名地標嘅聖誕裝飾、飄雪及光影效果，同時享受連串精彩活動，當中包括露天聖誕美酒巡禮、經典越野車露營展、聖誕周日露天市集等等，一齊體驗歐陸聖誕小鎮嘅氛圍！
愉景灣冬日慶典 | 鐘樓化身「安康聖母大教堂」
愉景北商場化身為威尼斯，鐘樓化身「安康聖母大教堂」，融合巴洛克風格同大運河裝飾。同另一半、朋友或者屋企人夜晚嚟更會睇到飄雪同燈影效果，再加埋商場上空和心鎖長廊嘅燈飾相當唯美，絕對係聖誕打卡熱點之一～
愉景灣冬日慶典 | 「羅馬競技場」
愉景廣場嘅聖誕裝飾以「羅馬競技場」為主題，結合古羅馬建築特色，仲有五米高嘅聖誕樹，啱晒大家聖誕嚟打卡！夜晚漫步於 D’Deck 臨海露天美食區，豎琴形狀嘅燈飾與大白灣沙灘互相輝映，仲可以欣賞埋海景，共享美好時光。喺聖誕節當日更可以同聖誕老人見面，大派禮物！
【INFO】 《愉景灣Winter Wonderland 意式冬日仙境裝飾》 日期： 即日起至2025年1月1日 地點： 愉景北商場、愉景廣場及D’Deck
愉景灣冬日慶典 | 愉景灣聖誕美酒巡禮
大家除咗可以喺度打卡之外，愉景北商場將首次舉行露天聖誕美酒巡禮，意式小木屋再加上夢幻燈飾，場內有逾30個精選攤位，等大家都可以品嚐嚟自世界各地嘅美酒佳餚同選購聖誕手作精品！持品酒通行證就可試飲頂級美酒及品嚐美食。
【INFO】 《愉景灣聖誕美酒巡禮》 日期：2024年12月13日至15日（星期五至日） 時間：下午2:00至晚上9:00 地點：香港愉景灣酒店正門外 費用：免費入場；品酒美食通行證費用：$180（包括免費酒杯及杯套、兌換券３張以換領指定美酒或美食，以及品酒尊屬禮遇）
愉景灣冬日慶典 | 聖誕周日露天市集
愉景廣場將於11月24日及12月8日舉辦聖誕主題嘅周日露天市集，市集匯聚多種特色手作精品、服飾配件、家居用品及美味節日美食。
【INFO】 《聖誕周日露天市集》 日期： 2024年11月24日及12月8日（星期日） 時間： 上午11:00至下午6:00 地點： 愉景廣場
愉景灣冬日慶典 | 經典越野車露營展
香港愉景灣酒店海濱禮堂外亦舉行經典越野車露營展，大家都可以喺到感受越野車露營體驗，被海天一色環抱，沉浸於戶外聖誕露營嘅氛圍中，欣賞經典越野車嘅精湛工藝。
【INFO】 《經典越野車露營展 — 戶外•車•藝展》 日期：2024年12月13日至15日（星期五至日） 時間：下午2:00至晚上9:00 地點：香港愉景灣酒店海濱禮堂外
愉景灣冬日慶典 | 免費渡輪
想去愉景灣感受不一樣嘅聖誕，香港興業國際推出獨家優惠，送出8,000張前往愉景灣嘅渡輪船票。由即日起至2025年1月1日，每逢周末及12月24至26日，大家都可以喺中環3號碼頭免費乘搭上午11:30開出嘅渡輪前往愉景灣，當中需以八達通卡作免費入閘之用，僅限單程及單一班次適用。
【INFO】 《愉景灣免費渡輪節日優惠》 日期：2024年11月23、24、30日，12月1、7、8、14、15、21、22、24、25、26、28、29日及2025年1月1日（周末、平安夜及公眾假期） 出發時間：上午11:30 （12月24日的免費班次於上午11:40開出） 出發地點：中環3號碼頭
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
