奧運金牌 | 登上奧林匹克運動會絕對係好多運動員一直以嚟嘅目標，除咗可以同眾多出色嘅運動員一較高下，更可以爭奪獎牌嘅殊榮！早前ESPN亦都公布咗奧運史上摘金最多嘅10位精英運動員，當中第一名更有多達呢個數量嘅金牌，相當犀利！
圖片來源：usopm、Instagram@katieledecky、worldpaddleawards、oleeinarbjorndalen、olympics、carl_lewis_official、m_phelps00、Facebook@Mark Spitz | 撰文：Hedy
奧運金牌運動員 | 10. Jenny Thompson （8面金牌）
美國游泳運動員Jenny Thompson擁有出色嘅自由式以及蝶泳，喺連續4屆奧運入面奪得共12面獎牌，當中包括8面金牌、3面銀牌以及1面銅牌。所有嘅金牌都喺嚟自接力賽，即使Jenny Thompson退役後仍選擇穿上白袍，成為麻醉科醫生，喺疫情嘅時候更係堅守崗位，幫助有需要嘅人！
奧運金牌運動員 | 9. Birgit Fischer-Schmidt （8面金牌）
Birgit Fischer-Schmidt被譽為係史上最偉大嘅女子皮划艇選手，曾代表東德及德國參加1980年、1988年、1992年、1996年、2000年以及2004年嘅奧運，喺24年間共贏得六屆奧運會8面金牌，創下了紀錄！Birgit Fischer-Schmidt最初喺2000年退役，隨後選擇喺2004年雅典奧運會上復出，並奪下金牌，總共取得12面獎牌。
奧運金牌運動員 | 8. Ole Einar Bjørndalen（8面金牌）
Ole Einar Bjørndalen為挪威滑雪運動員，曾被譽為「雪上天王」，擅長冬季兩項以及越野滑雪。最初喺1994年冬季奧林匹克運動會亮相，最令人印象深刻嘅絕對係2002年鹽湖城冬奧入面，包辦4金！參加6次奧運總共攞咗13面獎牌，當中金牌就已經佔咗8面！
奧運金牌運動員 | 7. Katie Ledeck（8面金牌）
美國女飛魚Katie Ledecky暫時喺今屆巴黎奧運奪得1金、1銀以及1銅，令佢總共擁有13面獎牌，當中有8面金牌、4面銀牌以及1面銅牌，比起同樣係美國游泳運動員Jenny Thompson擁有更多奧運獎牌！如果佢喺8月3日出戰800米自由式，就有望同前蘇聯體操選手並列，成為擁有最多奧運金牌嘅女子運動員！
奧運金牌運動員 | 6. Marit Bjørgen（8面金牌）
同樣都係嚟自挪威嘅越野滑雪運動員Marit Bjørgen，五度參加奧運共奪下15塊獎牌，當中更有8面金牌！Marit Bjørgen係冬奧會史上獲得獎牌最多嘅運動員，亦為女運動員創下了奪牌紀錄。
奧運金牌運動員 | 5. Carl Lewis（9面金牌）
美國田徑運動員Carl Lewis喺4屆奧運會入面奪得9面金牌以及1面銀牌，佢更喺1984年洛杉磯奧運會入面贏得其中4面金牌，相當有實力嘅一位田徑選手！
奧運金牌運動員 | 4. Mark Spitz（9面金牌）
講到美國游泳運動員，大家都可能聽過「水怪」Mark Spitz，喺1972年慕尼黑奧運會上打破咗世界紀錄，當年更係橫掃七面金牌，而呢個紀錄更到2018年先被Michael Phelps打破，成績喺當年嚟講可以話係相當輝煌！
奧運金牌運動員 | 3. Paavo Nurmi（9面金牌）
Paavo Nurmi被譽為係芬蘭飛人，無論係3000米、5000米定係10000米嘅賽事都難佢唔到，喺3屆奧運入面取得9面金牌同埋3面銀牌，當時更創下咗22項正式嘅世界紀錄，絕對係芬蘭嘅傳奇人物～
奧運金牌運動員 | 2. Larisa Latynina（9面金牌）
史上獲得最多金牌嘅女選手絕對係蘇聯代表Larisa Latynina，喺1956至1964期間贏得18面奧運體操獎牌，當中包括9金5銀4銅，項目包括個人全能、跳馬、平衡木、自由體操、高低槓以及團體賽事等，絕對係一位全能嘅體操選手！
奧運金牌運動員 | 1. Michael Phelps（23面金牌）
相信未揭曉答案之前，已經有好多人估到攞最多金牌嘅係菲比斯（Michael Phelps），佢至今仍然係金牌數及總獎牌最多嘅運動員，總共取得28面獎牌，當中有23面都係金牌！佢喺2008年北京奧運參加8項比賽，更奪下8面金牌，直接打破世界紀錄或奧運紀錄，簡直係史上最強嘅游泳選手！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
