冚蓋沖廁 | 喺疫情期間好多人去完廁所都會冚蓋沖廁，有研究表示咁做就可以避免病菌散播。最近有一項美國研究發現，無論揭蓋定係冚蓋沖廁，原來係冇分別？反而做一樣嘢先係最有效？即刻睇睇究竟係啲咩！
圖片來源：American Journal Of Infection Control、Freepik | 撰文：Hedy
美國一項2022嘅研究曾表明，如果冇冚蓋沖廁，當你撳沖水掣嘅一瞬間，短短8秒內細菌就會被噴射到馬桶上方約1.5米嘅高度，容易令牙刷及毛巾等物品被污染。不過最新一份發表喺American Journal Of Infection Control嘅研究就發現，無論你係冚蓋定係揭蓋沖廁，其病毒數量竟然係冇大分別？
冚蓋vs揭蓋沖廁
冚蓋沖廁又係咪真係可以避免病菌散播？美國科羅拉多大學博爾德分校（University of Colorado Boulder）近日發表一項研究，解答大家長期以嚟嘅疑問！ 為咗驗證冚蓋同揭蓋沖廁嘅分別，研究人員使用「噬菌體MS2」作為人類腸病毒嘅污染物，檢查兩種情況下廁所表面或附近地板所收集到嘅病毒量，發現病毒量並冇差異。選擇冚蓋沖廁，只能阻止細菌唔會被噴高，但仍然會透過廁所側面嘅縫隙被噴出。
1方法更能減少病菌散播
如果想有效減少病毒細菌傳播，專家表明應該定期清潔廁所，建議每周最少用2次鹽酸清潔劑配搭刷子去清潔，咁就可以顯著減少細菌感染。喺沖廁嘅時候，廁所嘅座墊以及手柄，最容易受到感染，所以都需要準備定消毒濕紙巾定期抹！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
