超人氣韓國女團NewJeans聯乘香港麥當勞推出一系列韓式美食，連包裝都會轉埋粉紅色，一眾Bunnies點可以放過！仲有港人超愛嘅阿華田批同埋蜂蜜牛油Shake Shake粉都會同步推出，仲唔快啲去試？！
圖片來源：麥當勞｜撰文：Angela
新品脆爆雞腿飽
麥當勞聯乘NewJeans嘅脆爆雞腿包先後喺韓國、美國、新加坡及泰國等地推出，今次終於嚟到香港啦！脆爆雞腿飽將會喺10月24號推出，採用原塊雞腿肉，肉質鮮嫩Juicy，並搭配韓國直送特色醬汁，以披薩草、大蒜、洋蔥同百里香等香料醃製嘅脆炸雞腿，香氣獨特濃郁，加上採用由韓國入口、以酸忌廉、茄汁及芥末醬等材料混合而成嘅秘製煙燻醬汁，夠晒惹味！推出首星期只係需要$39就食到啦。
NewJeans風新包裝
為慶祝全新期間限定美食登場，麥當勞仲推出一系列特色包裝，包括漢堡飽盒、Shake Shake薯條袋同埋大大啖飲品杯，會以粉紅色同紫色作為包裝主調，仲有像素化薯條同麥炸雞等圖案，除咗呼應NewJeans音樂風格，仲突顯NewJeans嘅可愛活力！
全新薯條蜂蜜牛油Shake Shake粉及阿華田批登場 多款人氣美食強勢回歸
另外，麥當勞亦都同步推出多款韓式美食，包括超人氣薯條蜂蜜牛油Shake Shake粉，保證讓您吃不停口，而人氣飲品韓式柚子特飲都會回歸！仲有唔可以缺少嘅甜品，包括全新阿華田批，香脆朱古力皮外層加上麥芽朱古力醬，實在太邪惡啦！阿華田麥旋風都強勢回歸，咁多美食，邊款先係你嘅至愛呢？
【INFO】 《麥當勞聯乘NewJeans推出脆爆雞腿飽 》 開賣日期：10月24日 麥當勞官方網站：https://bit.ly/45wF88B
