香港光影展館 | 唔知大家又有冇見過昔日香港時光嘅珍貴舊物呢？由窮遊廢墟及民間博物館合辦嘅香港光影展館，除咗畀大家近距離睇到舊時嘅展品之外，亦可以攞上手睇實物，等大家體驗昔日生活，即刻睇吓點先可以參觀啦！
圖片來源：Facebook@窮遊廢墟 | 撰文：Hedy
隨著大坑西邨重建在即，民間組織「民間博物館」自發為居民免費幫忙清空單位，同時保存具文化價值嘅70至90年代舊物，並於沙田龍華酒店舉辦香港光影展館，呈現出重建舊屋邨單位、醫館、士多以及涼茶舖等場景，令大家都可以體驗舊日香港嘅時光，機會相當難得！
香港光影展館 | 展館物品可親身觸摸！
展館入面嘅每一件嘅舊物都喺以前居民所使用，每一件嘅舊物同擺設背後都承載咗不少人嘅回憶！同其他展覽唔同，呢度所有嘅物品都可以隨時觸摸同打開，入面嘅櫃桶以及雪櫃等都可以打開，隨時都可以發掘到唔同嘅舊時寶物！現場有舊時嘅雪櫃以及電視機等都仲可以插電使用，就連葫蘆形涼茶壺亦都倒到涼茶，等大家可以親身體驗香港嘅舊時光。如果有興趣想了解舊時香港居民嘅生活，大家記得要預先喺WhatsApp預約參觀，預計展館將會為期3年！
【INFO】 《香港光影展館》 開放時間：12:00至20:00（時間可於官方網站查詢） 入場費：成人$50/小時、長者及小童$30/小時 地址：沙田下禾輋22號龍華酒店 交通：沙田火車站B出口，沿着路軌向火炭方向直行入上下禾輋村，約行10分鐘 預約：Facebook 預約
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
