貓咪膠布 | 大家仲記唔記得之前日本爆紅嘅貓咪膠布「喵の繃」呢？當時有唔少網民表示相當需要，希望可以商品化，依家終於有得買啦！即刻睇睇邊度可以買到呢款咁可愛嘅膠布啦！
圖片來源：X@dakerosa1、MYFEEL | 撰文：Hedy
喺日常生活入面，我哋可能都會因為唔同嘅事而產生負面嘅情緒，當難過嘅時候希望有人可以安慰。dakerosa基於呢個念頭下，就設計出「喵の繃」，透過每個毛茸茸嘅貓咪貼紙，撫慰你悲傷嘅情緒。當時發布後收到唔少網民嘅好評，更希望可以將設計圖實體化，喺廣大迴響同設計師嘅努力下，依家終於都有得賣啦！
貓咪膠布 | 撫平你內心傷口
當自己唔開心嘅時候，又唔想同朋友傾訴怕佢哋擔心？超得意嘅毛茸茸貓咪膠布可以隨時隨地陪伴你，撫平你內心嘅傷口。每次見到自然都會開心返，當你難過嘅時間絕對唔會得自己一個，「喵の繃」隨時隨地都為你應援，成為你嘅最佳「萌」友！「喵の繃」全系列有5隻貓，包括米菓、羊棲菜、麻糬、蒟蒻以及可可，柔軟蓬鬆嘅貓毛，等大家都可以療癒心靈。
貓咪膠布 | 「喵の繃」作裝飾用途
「喵の繃」雖然設計到好似膠布咁，但由於佢背面只係一個膠帶，冇膠布功效。所以唔建議大家直接黏貼喺皮膚上面，反而可以攞嚟做貼紙，或者黏貼喺膠布上面，作裝飾用途。無論喺癡喺屋企角落或者手機上面都相當可愛，毛茸茸嘅質感簡直係令人愛不釋手，見到都想摸下！
貓咪膠布 | 邊度有得買？
相信睇完之後大家都好想買到呢5款超可愛嘅貓咪膠布，由於目前為募資階段，暫時已經募資成功，嚟緊都會再喺台灣網站上面再賣！大家可能要再等等。除咗可以買到一套5款「喵の繃」，仲會贈送喵の貼紙一套，款式隨機，價錢大概為港幣$215！小編都想入手一套啊。
【INFO】 《「喵の繃」》 內容：一套5款「喵の繃」+ 一套喵の貼紙（款式隨機） 價錢：約港幣$215 購買網站：https://bit.ly/4aFMjO5
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
