終於等到ViuTV新劇《 I SWIM 》 開播，大家喺咪同小編一樣咁興奮呢！喺正式播出前ViuTV已經推出咗多張劇集宣傳照同花絮片段，除咗見到兩位男神主角Edan（呂爵安）同Jeffery（魏浚笙）互相騷肌外，劇中仲有8個男神都會陸續出場，今日就同大家男神逐個睇啦！
圖片來源：網絡圖片、IG@edanlui、IG@jeffreyngai、IG@stanleysc_、IG@altonwongz、IG@mar.tin.wong、IG@ansonbean、IG@phoebus_ng、IG@georgeau.8、IG@iankong1999｜撰文：Claudia
I SWIM 10大男神 1 – Edan呂爵安 飾 李馬榮
Edan喺劇中飾演泳隊隊長李馬榮（榮仔），由三歲開始學游水，精通蝶泳、仰泳、蛙泳同埋捷泳，係啟賢中學C班嘅全能泳手，但係就成日畀A班勁敵黃亞樂（Stanley飾）帶領嘅接力隊壓制，直到余浪沖（Jeffery飾）嘅出現令佢重拾希望！劇中佢同余浪沖、何大秋（George飾）、程子帆（Martin飾）喺好朋友。
I SWIM 10大男神 2 – Jeffery 魏浚笙 飾 余浪沖
Jeffery喺劇中飾演天才泳手余浪沖（余仔），轉校入去啟賢中學C班，因為泳隊隊長李馬榮（Edan飾）而成為C班游泳隊成員，有超強學習能力，其後加入接力隊，與隊友並肩作戰，成為一分子。
I SWIM 10大男神 3 – Stanley 邱士縉 飾 黃亞樂
Stanley喺劇中飾演校內明星兼運動健將黃亞樂，無論喺田徑、足球、排球，獎牌都有佢份，佢喺中四加入學校嘅泳隊，係啟賢中學A班學生兼游泳隊隊長，一直帶領A班游泳接力隊打嬴C班，係李馬榮（Edan飾）嘅強勁對手！
I SWIM 10大男神 4 – Alton 王智德 飾 羅力森
Alton喺劇中飾演A班泳隊主將羅力森，Alton嘅標籤係「肌肉就是力量」，不過為咗扮演中學生要減磅減肌，練成鋼條身形！
I SWIM 10大男神 5 – Martin 王智騫 飾 程子帆
Martin喺劇中飾演C班學生兼泳隊成員程子帆（阿帆），係李馬榮（Edan飾）好友，同時都係C班接力隊嘅一員，游泳風格穩妥，係值得信任嘅隊友！為咗呢個角色，Martin嚴格控制飲食，少糖少油加上積極操肌，成功練出六件腹肌！
I SWIM 10大男神 6 – ANSONBEAN 陳毅燊 飾 章浩
ANSONBEAN喺劇中飾演神秘泳手章浩，性格自信，講嘢鍾意直話直說，聽講同劇中嘅Stanley有火花四濺嘅對手戲！
I SWIM 10大男神 7 – Phoebus 吳啟洋 飾 班長
Phoebus 喺劇中飾演C班學生兼游泳隊成員「班長」，同余浪沖（Jeffery飾）喺幼稚園就係朋友，由細識到大！
I SWIM 10大男神 8 – George 歐鎮灝 飾 何大秋
George喺劇中飾演何大秋（九全/大秋），係李馬榮（Edan飾）嘅好朋友，同時都係C班學生兼游泳隊成員。
I SWIM 10大男神 9 – Marco 葉振弘 飾 楊仕福
Marco喺劇中飾演楊仕福，喺A班嘅學生，平時最鍾意跟住黃亞樂（Stanley飾），係佢嘅小跟班。
I SWIM 10大男神 10 – Ian 江卓科 飾 趙威
Ian喺劇中飾演趙威，係A班游泳隊隊員，Ian本身都係游泳健將，所以有一身健碩嘅肌肉，相信今次拍劇對佢易如反掌！
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
