深圳滑雪 | 終於都有得滑雪啦！全球最大室內滑雪場將會喺9月29日登陸深圳，有成4000㎡冰雪主題樂園再加埋賽事級雪道，無論係新手定係有經驗嘅朋友都可以去玩啦！即刻入內文睇價錢同詳情啦！
圖片來源：klook | 撰文：Hedy
嚟緊放假諗唔到去邊玩，就可以嚟位於深圳市寶安區嘅深圳前海冰雪世界玩，全球最大室內滑雪場將會喺9月29日開幕！場內為10萬㎡雪域，相等於14個足球場。當中更涵蓋滑雪場、酒店、商業等七大業態，甚至仲大過廣州融創滑雪場！入面仲設有5條FIS認證賽道，其中一條單道滑道長達463米、垂直落差達83米，刺激度十足。就算新手都可以玩到，設初級/中級以及高級賽道畀大家選擇，體驗恒溫-6℃嘅冰雪世界。
深圳前海冰雪世界 | 4000㎡娛雪樂園
無論係小朋友定係大朋友，4000㎡娛雪樂園都相當值得大家去玩，當中有成14項冰雪娛樂項目等你嚟體驗，包括極地探險之旅、雪上卡丁車以及打卡飄雪等等，滿足晒大家想玩同打卡嘅願望～365日全天候營運，大家都可以盡情玩！
深圳前海冰雪世界 | 特色設施
除咗滑雪場之外，呢度更會係集運動、娛樂、休閒同購物於一身嘅滑雪新地標！呢度更會有主題商業街、JW萬豪酒店、33米室內潛水基地以及戶外極限運動社區「CITYWILD超感公園」，為大家提供沖浪以及攀岩等運動！
深圳前海冰雪世界 | 門票價錢
大家最關心嘅門票價錢將分為淡季（除平季、旺季以外的日期）、平季（除法定節假日放假調休期間以外的星期六同星期日）以及旺季（國家法定節假日放假調休期間）！
票價
娛雪區(2小時娛雪票) ￥208起
初級道（3小時滑雪票）￥348起
初/中級道（4小時滑雪票）￥418起
中/高級道（4小時滑雪票）￥498起
中/高級道（不限時滑雪票）￥568起
會籍價錢
黃金會籍￥9999起（90天無限暢滑）
鉑金會籍￥13699（180天無限暢滑）
黑金會籍￥23799（365天 無限暢滑）
【INFO】 《深圳前海華發冰雪世界》 地址：深圳市寶安區沙井南環路 交通：由香港西九龍高鐵站乘搭高鐵最快18分鐘到深圳北站 / 直通巴士或地鐵到福田口岸，再轉深圳地鐵會展城站C出口，步行約13分鐘
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
