日本電話卡 ｜臨近年尾，好多朋友都會計劃點樣清年假去旅行 ，咁當然要做足準備，除咗基本嘅現金同旅行 證件外，一張功能完善嘅電話卡亦都好重要。今次小編就為大家介紹8大抵用日本電話卡，誠實分享小編嘅用後感。想知有咩推薦嘅日本Sim卡，快啲睇下文介紹啦！
圖片來源：KKday @Yuen Shan、Banana Travel Sim、KKday、自由鳥、中國聯通、UROCOMM、JOYTEL、Nippon Sim | 撰文：Icy
8大日本電話卡推薦 | 1. 日本DOCOMO上網卡
對於高用量嘅朋友嚟講，想旅行途中上網上得暢快，就不妨選擇日本網絡供應商Docomo嘅上網Sim卡，適用於日本任何地方，網絡覆蓋率高達99%，小編用過覺得接收幾流暢，而且4G高速網絡都幾快。以8日行程普通用量計算，價錢平均每日$19.125，提供無限數據，唔使擔心用多咗，仲可以share俾朋友一齊用！
【INFO】 日本DOCOMO上網卡 價錢（以8日計算）：$153（平均每日$19.125） 網絡：4G 數據用量：無限數據 購買連結：DOCOMO
8大日本電話卡推薦 | 2. Banana Travel Sim日本4G高速放題不減速數據卡
有時候去旅行需要上YouTube睇片，參考YouTuber嘅旅行介紹。如果想隨心所欲咁睇片，Banana Travel Sim日本4G高速放題不減速數據卡就係一個唔錯嘅選擇，8日平均每日只需$16，提供4G高速不減速上網服務，可以任用流動數據！
【INFO】 Banana Travel Sim日本4G高速放題不減速數據卡 價錢（以8日計算）：$128（平均每日$16） 網絡：4G（平均約21Mbps） 數據用量：無限數據 購買連結：Banana Travel Sim
8大日本電話卡推薦 | 3. Sakura Sim日本4G高速上網吃到飽
Sakura Sim同樣提供無限數據服務，8日平均每日費用為$26.125，除咗使用日本覆蓋範圍最廣嘅Docomo電信，仲提供4G高速無限上網。另外Sakura Sim支援熱點功能，可以將網路分享俾同行朋友，上網時就唔使就住就住啦！
【INFO】 Sakura Sim日本4G高速上網吃到飽 價錢（以8日計算）：$209（平均每日$26.125） 網絡：4G 數據用量：無限數據 購買連結：Sakura Sim
【延伸閱讀】日本旅行 | 10個赴日必備APP推薦！覓食必備日版「Openrice」、即時語音翻譯
8大日本電話卡推薦 | 4. 自由鳥遨遊Sim
自由鳥遨遊Sim最大賣點係用完可以再用，唔使每次去旅行都要買Sim卡，再次使用時只要買返相應地區嘅日費就得，而且支援eSIM！以日本8日用量為例，平均每日$15，提供無限數據用量，使用當地快穩順網絡，網速都幾穩定，就算旅行途中要經常搵路睇地圖或者上網搵資料，都唔怕無data啦！
【INFO】 自由鳥遨遊Sim 價錢（以8日計算）：$120（平均每日$15） 網絡：4G 數據用量：無限數據 (每日首500MB極速上網) 購買連結：自由鳥
8大日本電話卡推薦 | 5. 中國聯通日本Sim
如果係旅行途中有通話需要嘅朋友，就可以選擇中國聯通日本Sim，雖然上網速度同穩定性未必係最好，但勝在提供20分鐘通話及10條短訊用量，可致電日本、香港及中國，有時要打電話去預約餐廳或者景點，甚至出差要聯絡公司都好方便。以日本8日無限上網卡為例，價錢平均每日$17.25，首6GB為4G網絡，其後就可以享有無限3G數據，等你用得放心，CP值超高。
【INFO】 中國聯通日本Sim 價錢（以8日計算）：$138（平均每日$17.25） 網絡：4G 數據用量：無限數據 (首6GB極速上網) 購買連結：中國聯通
8大日本電話卡推薦 | 6. UROCOMM 4G網速Sim
如果你對於數據無太大需求，咁就可以選擇UROCOMM嘅4G網速Sim，價錢非常抵，以7日方案嚟計，平均每日只需$8.3咋！呢張sim卡每日支援首500MB高速4G流量，其後為無限低速流量，雖然乘搭日本地下鐵時可能信號比較弱，但其餘時間收發WhatsApp或者上Instagram都唔太大問題，性價比最高！
【INFO】 UROCOMM 4G網速SIM 價錢（以7日計算）：$58（平均每日$8.3） 網絡：4G 數據用量：無限數據（每日首500MB極速上網） 購買連結：UROCOMM
8大日本電話卡推薦 | 7. JOYTEL日本全網通勁量王極速5G/4G旅遊卡
而家好多手機都會支援5G上網，JOYTEL日本Sim卡就提供5G網絡服務，8日方案價錢每日平均$17.25，首8GB為極速上網，其後會降速至不超過256 Kbps無限上網，就算係日本郊外接收都無大問題，享受順暢嘅上網體驗。
【INFO】 JOYTEL日本全網通勁量王極速5G/4G旅遊卡 價錢（以8日計算）：$138（平均每日$17.25） 網絡：4G/5G 數據用量：無限數據（首8GB極速上網） 購買連結：JOYTEL
8大日本電話卡推薦 | 8. Nippon Sim無限上網卡
Nippon Sim無限上網卡支援eSIM服務，8日方案價錢每日平均$22.25，提供毎天2GB嘅4G-LTE容量，之後就係128kbps無限數據，適合需用使用較多數據嘅朋友。由於呢張卡使用日本IP，所以有別與一般上網卡，減少例如因海底電纜發生問題而引至斷線嘅情況。值要留意的是，Nippon Sim上網卡不能使用於某些機型，可使用的香港機種有限，購買前記得要問清楚賣家。
【INFO】 Nippon Sim無限上網卡 價錢（以8日計算）：$178（平均每日$22.25） 網絡：4G 數據用量：無限數據（每日首2GB極速上網） 購買連結：Nippon Sim
