宋枝恩結婚 | 只要兩個人相愛，眼前嘅障礙都可以一一克服！女團SECRET出身嘅宋枝恩，將會同YouTuber男友朴偉舉行婚禮，兩個都要一直幸福呀～
圖片來源：Instagram@bimil_jieun、@we_park | 撰文：Hedy
宋枝恩早喺上年12月發文認愛，公開表示與知名YouTuber朴維拍拖：「要介紹在聖誕節前夕，像禮物一樣來到我生命的珍貴之人，是深愛的戀人，想和長時間支持且關注宋枝恩的各位，分享我戀愛的消息。」而男友同樣喺Instagram上透露自己遇到「像大禮物般的人，內心柔軟卻堅定。」，公開讚揚女友宋枝恩。近日兩人結婚嘅消息亦被媒體公開，被傳將會喺今年10月9日於首爾清潭洞某地方舉行婚禮，只邀請親朋好友出席。不過兩人就喺YouTube上澄清，雖然兩人已決定結婚，但時間就未確定，當確定嘅時候就會再透露畀大家聽，真係超級祝福佢哋！
宋枝恩結婚 | 兩人一見鍾情
朴維喺2014因意外墜樓，被判定為全身麻痺癱瘓，但一直靠著自己堅強嘅意志力，努力復健，上半身先慢慢恢復知覺。雖然現時仍需要靠輪椅去行動，但已經可以自理生活，同時亦透過自己嘅YouTube頻道「위라클 WERACLE」推動大眾對身障人士嘅認識。而宋枝恩同朴維喺教會認識後便一見鐘情，而宋枝恩更係一早已經閱讀過由朴偉所寫嘅自傳，相當有緣份！即使男友要靠著輪椅行動，日常生活可能都有唔方便嘅時候，但宋枝恩從來都冇介意過，更體貼地喺節目表示：「哥哥可能不知道，女生穿著高跟鞋走路不管去哪裡都很不方便，但走在哥哥的輪椅後面，連路都會變得很平坦。」就連節目主持人聽到後都覺得相當Sweet！
宋枝恩結婚 | 擔任男友經理人
宋枝恩現時更擔任朴維嘅經理人，一直陪伴佢出席唔同嘅活動。兩人亦都會喺YouTube頻道上分享超甜嘅戀愛故事，朴維更曾喺YouTube上表示：「如果我要找女朋友，我絕對不會暴露女朋友的身分。」所以當時兩人決定公開戀情嘅時候，就早已有結婚嘅打算，亦有唔少忠實嘅粉絲一早就已經估中！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
