婚展會2024 | 超筍優惠！5月大型婚展會、限定癲噹x小襪兔結婚公仔+免費送門票！

婚展會2024 | 渴望打造出最完美嘅婚禮，事前準備就一定要做到最好！想一站式睇晒所有婚禮所需嘅資料，各位準新人就一定要嚟5月4日至5日喺九龍灣國際展貿中心舉行嘅「第44屆婚展會2024」。同場更有婚展限定優惠及折扣，依家登記更即送你免費入場門票！

圖片來源：官方圖片、Freepik、Facebook@MiQi「7型動物性格」 | 撰文：Hedy

相信籌備婚禮嘅過程中，各位準新人都會對此感到煩惱，而第44屆婚展會齊集各式各樣嘅婚嫁產品同服務，絕對可以幫輕大家！今屆展覽共分為2個展館，包括展貿廳2及匯星，當中嘅參展商包括多間著名酒店及酒樓婚宴場地、本地及海外婚紗攝影、婚禮攝錄、禮餅、洋酒、婚紗禮服、裙褂、場地佈置、珠寶首飾、健康服務、婚禮統籌及顧問、證婚服務及回禮禮物等，務求能令大家用最短時間，得到一站式全方位結婚資訊。

婚展會限定「癲噹x小襪兔」結婚公仔

超受大家歡迎嘅「癲噹x小襪兔 」公仔，又再一次以情侶檔同大家喺婚展會見面，相信佢哋浪漫呆萌嘅造型，再加上帶畀人活潑可愛嘅感覺，絕對可以療癒大家嘅心靈，為忙於籌備婚禮嘅情侶打打氣！鍾意「癲噹x小襪兔 」嘅大家，只要情侶入場就可用優惠價港幣$120購買一對「癲噹x小襪兔 」結婚公仔，公仔更喺婚展限定，數量有限，錯過咗就買唔到㗎啦～

「癲噹 x 小襪兔」主題人生四格

除咗有「癲噹x小襪兔」 結婚公仔之外，婚展會更聯同首個韓式自拍服務品牌Snapio 合作 ，推出以「癲噹x小襪兔」 為相框主題嘅「人生四格」 ，為大家紀錄籌備婚禮時嘅甜蜜回憶！只要喺場內以電子貨幣單一消費超過港幣$500並完成「我賞你Like 」同埋指定動作，就可以參加！

免費手部護理療程

籌備婚禮嘅同時，相信準新人都會努力注重身形管理以及皮膚護理，不過大家唔好唔記得手部護理都相當重要，尤其喺交換戒指嘅一刻，一對手就瞬間成為焦點，所以絕對要好好保養！情侶購票入場後，只要以電子消費超過港幣$1,000以及完成「我賞你Like 」，就即場送你免費手部清潔保濕療程，為你打造出嫩滑嘅雙手，咁就可以用完美狀態見人！

有機會獲Dyson人氣產品！

除咗現場購物有優惠之外，只要當日喺會場消費超過港幣$1,000（單一發票計）就可以去主辦機構攤位參加抽獎，獎品更係人人有份！大家記得要去抽獎喇，獎品更包括嫁喜餅卡、美容護膚品、名貴海味、婚禮洋酒等，即刻嚟試試運氣喇～優惠又點只咁少，今次主辦方仲會送出總值超過港幣$20,000禮品，情侶2人購票入場後，即日於場內以電子貨幣消費，累積當日消費最高金額嘅情侶，完成「我賞你Like」及登記後，即有機會獲得Dyson人氣產品，名額有限！

免費情侶指紋分析

結婚係終身嘅承諾，想喺婚後維持甜蜜嘅關係，就一定要學習最適合彼此嘅相處之道！今次婚展會更邀請到MiQi指紋達人，即場免費為情侶分析指紋，透過7款動物代表7種人唔同嘅特徵同溝通模式，咁大家就可以透過指紋，更了解伴侶嘅性格同相處之道，咁夫妻關係就自然會和睦啦～

登記免費攞入場門票