報税懶人包2025 | 又到一年一度收綠色炸彈嘅時候啦～收到税單後嘅各位打工仔記得要喺一個月之內提交，而經網上遞交嘅就有額外多一個月時間，可以喺7月3日或之前遞交。小編已經幫大家整合咗有啲咩税務寬減項目，記得填之前參考以下方法，隨時幫你慳，即睇懶人包啦！

圖片來源：Freepik | 撰文：Hedy

報稅懶人包2025 | 1. 報稅時間

稅務局已經於5月2日發出約266萬份報稅表，一般嚟講大家都需要喺5月2日或之前遞交報稅表。而經網上報稅嘅話，就可以再自動延長一個月，只要喺7月2日或之前完成報稅就可以㗎啦！至於獨資業務嘅東主，交回報税表期限可延至 2025年8月2日！

報稅懶人包2025 | 2. 尚未收到課稅年度報稅表？

如果大家過去每年均須報税，但仲未收到稅表，就可以致電187 8022向稅務局查詢，又或者可以親臨香港九龍啟德協調道 5號税務中心地下嘅中央詢問組索取報税表複本。而本身已經登記咗網上報税嘅話，就記得要去「税務易」帳戶入面睇睇啦～

報稅懶人包2025 | 3. 年薪幾多要交稅？

2024/25年度課稅年度個人基本免稅額$132,000，所以只要你嘅個人入息係高過港幣$132,000就要交稅。而已婚人士免稅額則為$264,000，不過就算年薪超過呢個數，大家喺扣除免稅額後都有機會唔需要交稅！

報稅懶人包2025 | 4. 免稅額項目

基本免税額 $132,000
已婚人士免税額 $264,000
第1名至第9名子女（每名） $130,000
每名子女出生嘅課税年度，子女免税額可獲額外增加

$130,000
供養兄弟姊妹免税額 $37,500
供養每名父母/祖父母/外祖父母年齡為55歲以上但未滿60歲 $25,000
供養每名父母/祖父母/外祖父母年齡為60歲以上 $50,000
供養每名父母/祖父母/外祖父母年齡未滿60歲但有資格根據政府傷殘津貼計劃申索津貼 $50,000
單親免税額 $132,000
傷殘受養人免税額 $75,000
傷殘人士免税額 $75,000

報稅懶人包2025 | 5. 税項扣除

值得一提嘅係，2024/25課稅年度起分別提高貸款利息扣除、住宅租金稅項扣除以及輔助生育服務開支。輔助生育服務開支嘅合資格人士每個課稅年度可扣除開支上限為10萬元。可受惠於稅項扣除嘅納稅人必須為不育夫婦或有特定醫療需要接受生殖科技程序嘅夫婦，以及因接受化學治療、放射治療、外科手術或其他醫學治療而可能導致喪失生育能力的癌症或任何其他病人。

個人進修開支 上限$100,000
長者住宿照顧開支 上限100,000
居所貸款利息：基本 上限$100,000
新增！居所貸款利息：額外 上限$20,000
強制性公積金計劃 上限$18,000
根據自願醫保計劃保單繳付的合資格保費 (每名受保人計算) 上限$8,000
合資格年金保費及可扣税強積金自願性供款 上限$60,000
住宅租金扣除：基本 上限$100,000
新增！住宅租金扣除：額外 上限$20,000
認可慈善捐款 上限35%
新增！輔助生育服務支出 上限$100,000

報稅懶人包2025 | 6. 薪俸稅如何計算?

睇咗以上咁多資料，咁究竟點先可以計到自己要交幾多薪俸稅？香港嘅薪俸稅有2種計算方法，包括應課稅入息實額以及入息淨額，以最低款項為準。如果覺得麻煩唔想自己人手計嘅話，善用稅務局嘅稅務計算機輸入返唔同嘅金額，就可以估算到要交嘅稅額。

報稅懶人包2025 | 7. 薪俸税及個人入息課税標準税率兩級制

由2024/25 課稅年度起，實施薪俸稅及個人入息課稅標準稅率兩級制，年薪500萬或以下，稅率維持百分之15，而年薪超過500萬元嘅，超出500萬嘅部份則以百分之16嘅稅率計算。

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk