單身即地獄3 | Netflix大熱戀愛真人騷《單身即地獄3》，搵嚟12位單身男女，佢哋需要喺9日8夜入面，順利成為一對先可以離開地獄島。節目播出嘅結局中，究竟有幾多人配對成功？最後呢啲情侶嘅後續發展又會係點呢？仲有成員親自回應關係？
圖片來源：YouTube@농구선수갓관희、Instagram@hazelchoiii、leegwanhee、0429yoo__si、my_floria_、seok_lj、citruszl | 撰文：Hedy
《單身即地獄3》被形容為最具戲劇化嘅一季，當中最後更有4對嘉賓最後配對成功，最令大家好奇嘅係，最後呢4對情侶喺現實中又有冇一齊呢？
1. 崔慧善、李官熙
李官熙曾經喺節目入面表明對3個女生有興趣，更喺佢哋之間徘徊不定，最後喺曹旻志同崔慧善之間，堅定選擇崔慧善！李官熙表示：「如果選選旻志的話，我應該會想起慧善。但是要是選擇慧善，我覺得自己不會像想起慧善一樣那麼想旻志，所以毫不猶豫地選擇了慧善。」最後一集播出後唔少網民都關心呢對情侶喺現實中又有冇一齊呢？
李官熙20日喺個人YouTube頻道，選擇公開回應佢哋嘅關係，表示兩人冇交往。由於李官熙正職為籃球選手，現正處於賽季期間，本來唔會更新頻道，但考慮到自己嘅行為同一舉一動都可能會影響成個球隊，所以決定公開澄清。兩人喺節目完結後仍有聯繫，但最後冇一齊拍拖。李官熙希望戀愛嘅時候，可以成日同對方見面，由於慧善之後會去英國，而李官熙就要繼續留喺昌原訓練，對異地戀並冇信心。現時兩人只係普通朋友關係，不時會聯絡閒聊。慧善亦喺Instagram發帖文表示：「儘管我們在節目中就如何克服異地戀進行了足夠嘅交流，但現實中時差和距離似乎成為了無法跨越的障礙，與我們本來充滿信心的感情背道而馳。」即使冇辦法成為情侶，但兩人仍然保持友好嘅關係。
2. 安玟映、李鎮錫
在節目中擁有好身材又同時經營咖啡店嘅李鎮錫，喺節目一開始就已經同安玟映互有好感，直到曹旻志在中途加入後，令兩人嘅關係一度產生變化。最近李鎮錫接受訪問時，被問及最後有冇同安玟映拍拖，佢對此表示：「曾經喜歡過。」，礙於雙方都因工作忙碌嘅情況下，玟映忙著準備韓國小姐嘅比賽，李鎮錫則繼續忙於經營咖啡店，所以逐漸地變得疏遠。
不過李鎮錫卻意外地每日都會同尹廈情見面，由於咖啡店同尹廈情屋企相當近，只係15分鐘嘅距離，所以尹廈情每日都會行去食蛋糕！兩人更表示喺節目嘅時候已經好合拍，李鎮錫覺得廈情很有趣，性格隨和真實。廈情則表示自己也喜歡真實嘅人，討厭虛偽嘅人。兩個每日都見，唔通有望可以發展成為新情侶？
3. 劉恃蘟、崔民又
節目中年紀最細嘅崔民又，即使喺節目中一直同劉恃蘟錯過彼此，但最後兩個人都全心全意咁選擇對方，唔少網民都睇好呢一對姐弟戀！崔民又同劉恃蘟都會出席節目後嘅聚會，更會同其他成員一齊去睇李官熙嘅籃球比賽，崔民又更會不時喺劉恃蘟嘅Instagram帖文中留言，關係曖昧，令人搞唔清楚佢地嘅關係！
4. 金奎利、朴民奎
朴民奎除咗喺節目入面借襯衫畀曹旻志之外，現實中亦都係相當貼心。一班成員睇李官熙打波嘅時候，被唔少粉絲用手機影低，朴民奎伸手為廈情擋素顏，真係好暖男！金奎利喺節目入面曾經不滿崔民又對劉恃蘟更感興趣，令氣氛突變，金奎利其後更對此發長文道歉，表示已向崔民又和劉恃蘟道歉，認為自己在言行上很輕率，喺睇完節目後都表示深深後悔和反省。即使最後金奎利選擇了朴民奎，但兩人似乎喺節目結束後冇太多嘅交流，只會喺成員嘅聚會中見面。
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
