劉德華演唱會 | 相信一眾劉德華嘅歌迷都已經等咗好耐，今年終於都有機會睇到佢喺紅館開Show啦，劉德華舉辦《今天⋯is the Day劉德華巡迴演唱會2024 》，即刻睇睇香港站詳情同日期啦！
圖片來源：Facebook@Focus Entertainment 映藝娛樂 | 撰文：Hedy
劉德華喺2018年底嘅時候舉行20場《My Love Andy Lau劉德華World Tour》跨年演唱會，不過期間因為喉嚨發炎而失聲，只能宣布取消7場演出，無法補場。雖然2020年嘅時候曾經申請紅館檔期，但最後又因為疫情而取消。粉絲們等咗6年，劉德華終於宣布舉辦《今天⋯is the Day劉德華巡迴演唱會2024 》！
劉德華演唱會 | 香港站為壓軸
《今天⋯is the Day劉德華巡迴演唱會2024 》將會喺7月於上海正式揭開序幕，之後會陸續到廣州、北京、南京、杭州、深圳、成都同重慶8大城市。其後就會到澳門、新加坡、吉隆坡以及台灣進行巡迴演唱會，最後12月先會壓軸返香港紅館演出。
劉德華演唱會 | 第10次個人演唱會
今次嘅演唱會除咗係劉德華兌現6年前嘅承諾：「積極面對未來，期待下一次台上相見。」同時亦係劉德華喺紅館舉辦嘅第10次個人演唱會，無論係對自己定係粉絲嚟講都相當有意義！大家都有機會喺紅館見證住劉德華獻唱唔同嘅經典金曲。
劉德華演唱會 | 演唱會香港站詳情
《今天⋯is the Day劉德華巡迴演唱會2024 》香港站將於12月喺紅磡體育館舉行，有望喺跨年檔期舉行！不過暫時都仲未公佈會開幾多場同售票詳情等，不過各位Fans們絕對要儲定錢，咁到時就可以睇多幾場！
【INFO】
《今天⋯is the Day劉德華巡迴演唱會2024 》香港站
日期：12月
地點：紅磡體育館
票價：待公布
購票連結：待公布
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
