中學排名2024 | 每位家長都絕對希望自己嘅小朋友都可以入間好啲嘅中學，當學校資源豐富，仔女讀得開心嘅時候，自然就會有更大機會可以升上大學。香港專業教育出版社公布全港50間最具教育競爭力嘅中學，即刻睇睇排名啦！
資料來源：香港專業教育出版社(HKPEP) | 圖片來源：SAUCE編輯部、聖保羅男女中學 | 撰文：Hedy
香港專業教育出版社(HKPEP)每年都會推出，香港最具教育競爭力中學50強龍虎榜，當中會按照三大部分作出評分，當中包括教育投入佔30%（學校資源設施、教師質素、師生比率）、教育過程佔20%（教學質素、學生支援措施）以及教育成效佔50%（學業成績、課外活動表現、校風）為指標，最後得出2024年50強嘅排名！不過以上排名只係畀家長參考，揀選學校嘅時候絕對要考慮埋子女嘅心願同能力，同時亦可以參考更多資料作詳細比較。
香港最具教育競爭力中學頭10位包括聖保羅男女中學、拔萃女書院、喇沙書院、嘉諾撒聖瑪利書院、皇仁書院、瑪利諾修院學校(中學部)、聖保祿學校、香港道教聯合會鄧顯紀念中學、聖公會林護紀念中學以及協恩中學。以上嘅排名主要資料都係嚟自各學校發展計劃、週年報告、教育局視學報告及校外評核報告，並根據3大方面比較，排名僅供參考，等各位家長都可以有更多資訊作比較，為子女選擇最適合嘅學校。
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
