旺角中式糖水店推$38放題 1小時任食芝麻糊/杏仁露/合桃露！

天氣開始轉涼，梗係要食返碗暖笠笠嘅糖水暖暖胃啦！中式糖水店「仁芝初」最近推出優惠，$38即可一小時任食3款中式糖水包括「生磨香滑芝麻糊」、「生磨滋潤杏仁露」、「生磨香濃合桃露」，非常抵食！

圖片來源：官方圖片｜撰文：Sharon

中式糖水店「仁芝初」推出糖水放題，只要$38就可以一小時任食任食3款中式糖水，包括「生磨香滑芝麻糊」、「生磨滋潤杏仁露」、「生磨香濃合桃露」。放題時段為每日下午2點半至7點半。

三款糖水全部新鮮製作，當中必食招牌生磨香滑芝麻糊，入口細滑，啖啖都食到濃郁嘅芝麻香味；合桃露以新鮮合桃研磨製成，散發陣陣堅果香，有補腦益智作用；至於杏仁露以細火熬煮，超香濃嘅杏仁香氣，具有潤肺止咳功效。糖水放題由即日起至另行通知，有興趣嘅朋友記得把握機會去食啦～

【INFO】
《仁芝初》
地址：九龍旺角通菜街2Q-2Z號鴻輝大廈地下6號鋪
放題供應時段：14:30 - 19:00