近幾年，Omakase已經成為香港人尋找高質餐飲體驗嘅首選，無論係慶祝特別日子，定係純粹想好好慰勞自己，都一樣咁受歡迎！Omakase最迷人嘅地方，就係將主導權交俾經驗老到嘅大廚，由佢哋為你精心挑選當日最新鮮、最當造嘅食材，為你量身打造一場獨一無二嘅味覺盛宴。今次為大家搜羅咗全港多間各有特色嘅Omakase好去處，有頂級日式天婦羅鐵板燒、性價比超高嘅鮨店，仲有超高質嘅和牛Omakase，總有一間會啱你心水！

圖片來源：鉄板焼.天ぷ ら 旬官方圖片、Openrice @櫻桃小吃貨、@mostly.sushi、@Peanuts Foodie、@Nei bb、 @ki918  | 撰文：Ginger

Omakase推介2025 | 1. 鉄板焼.天ぷ ら 旬(Teppanyaki ‧ Tempura Shun)

如果你想喺一個地方同時享受到高質嘅鐵板燒同天婦羅，咁位於四季酒店45樓嘅鉄板焼.天ぷ ら 旬(Teppanyaki ‧ Tempura Shun) 絕對係你嘅首選！呢間主打高級天婦羅及鐵板燒嘅廚師發辦餐廳，座位只有10席，私隱度極高。午餐時段，佢哋提供天婦羅或鐵板燒料理菜單，分別為$1080及$1380。最特別嘅係，呢兩款午餐都可以應客人要求，喺75分鐘內完成，絕對方便一眾商務人士喺中午時間都可以嘆到高質嘅Omakase。而晚市就更精彩，將兩種料理二合為一，提供鐵板燒天婦羅廚師發辦（$2680/位）。成個菜單由前菜、湯品、天婦羅、刺身、肉料理、海鮮、蔬菜到甜品，極為豐盛！

由逾30年經驗的鐵板燒主廚神子仲康（Nobuyasu Kamiko）主理。（圖片來源：官方圖片）
【INFO】
《鉄板焼.天ぷ ら 旬(Teppanyaki ‧ Tempura Shun)》
地址: 香港四季酒店45樓
營業時間:星期一至六 12:00 - 15:00，18:00 - 22:00，星期日全日休息

Omakase推介2025 | 2. 寿し雲隱Sushi Kumogaku

中環寿し雲隱Sushi Kumogaku 係一間非常熱門嘅鮨店，呢度嘅壽司同埋各道菜都喺水準之上，例如有間八、白蝦、池魚、北寄貝、鰹魚、赤身、Toro、海膽等。最令人印象深刻嘅，係佢哋嘅服務非常貼心，令人覺得好舒服。環境優雅舒適，如果你想搵個地方同朋友食餐好嘅，又唔想太有壓力，寿し雲隱絕對係一個唔錯嘅選擇。午餐套餐約12貫壽司，加上追加嘅單品，埋單每人約$1600，係一個喺中環水準穩定又值得回訪嘅鮨店。

中環預約困難壽司Omakase店。（圖片來源：Openrice@櫻桃小吃貨）
【INFO】
《寿し雲隱Sushi Kumogaku》
地址: 中環砵典乍街45號The Steps ‧ H Code 8樓
營業時間:星期一至二 12:00 - 14:00，19:00 - 22:00，星期三 全日休息，星期四至日 12:00 - 14:00，19:00 - 22:00

Omakase推介2025 | 3. 月山（GASSAN）

如果你想喺中環搵間性價比高、又食到高水準嘅Omakase，月山（GASSAN） 絕對係個好選擇！呢間係東京米芝蓮一星店「日山」嘅姊妹店，由「日山」行政總廚黃冠華率領，夥拍嚟自日本京都嘅日籍總廚細秀勝，陣容非常強大。月山嘅食材由佢哋駐東京嘅專業買手每日從豐洲市場親自選購再空運到港，保證新鮮！餐廳裝潢以日本舟屋設計，環境舒適，私隱度高。午市廚師發辦價錢為$888，晚市則有$1388及$1888兩個選擇，喺中環嚟講，絕對算係性價比高！

中環鬧市中開揚靚景Omakase。（圖片來源：Openrice@AlbeeEy123）
【INFO】
《月山（GASSAN）》
地址: 中環皇后大道中80號H Queen’s 19樓
營業時間:星期一至日 12:00 - 15:00，18:00 - 22:30

Omakase推介2025 | 4. Sushi Kami鮨慎

中環呢間Sushi Kami鮨慎，絕對係商務午餐或者約朋友食Omakase嘅好選擇！價錢唔貴，食物水準高，令大家可以輕鬆食到高質Omakase。Sushi Kami 嘅午餐有兩個套餐，一個係$680，另一個係$1180。晚餐則有$1780及$2280套餐選擇，同樣非常高質。Sushi Kami 憑住佢哋穩定嘅食物水準同埋親民嘅價錢，成為咗中環區一個備受歡迎嘅Omakase熱點。

多款高質美食。（圖片來源：Openrice@LamL）
【INFO】
《Sushi Kami》
地址: 中環安蘭街18號12樓
營業時間:星期一至六 12:00 - 15:00，19:00 - 22:30，星期日 全日休息

Omakase推介2025 | 5. 天鮨Tenzushi

天鮨Tenzushi由銅鑼灣搬到灣仔新店後，座位更多，但依然係一位難求。天鮨嘅午餐$1080，晚餐$2480，食過嘅朋友都大讚性價比高。大將Kenji對酒餚非常有心思，刺身同壽司類喺技巧同口味上都掌握得非常好，特別係佢哋長期熟成嘅魚生，深得食客歡心。大將仲會對每道菜都解釋得非常清楚細心，呢個都係好多人鍾意嚟嘅原因之一。喺天鮨，你唔單止食到高質嘅食物，仲可以感受到大將嘅熱情同專業，係一個難得嘅Omakase體驗。

熟成魚料Omakase，做用高質食材。（圖片來源：Openrice@食得太多飽飯小姐）
【INFO】
《天鮨Tenzushi》
地址: 灣仔船街18號J Senses 2樓13號舖
營業時間: 星期一至六 12:00 - 15:00，18:30 - 22:30，星期日全日休息

Omakase推介2025 | 6. Sushi Hana

大坑性價比高嘅Omakase，Sushi Hana絕對係首選！佢哋嘅午餐壽司有8件($480)同12件($600)嘅選擇，仲有Hana Gozen套餐($900)，有齊刺身、烤物、壽司、手卷，所有套餐都附送茶碗蒸、味增湯及甜點，非常豐富。Sushi Hana嘅食材新鮮，服務態度好，價錢又合理，套餐有齊多款時令刺身，好似伊佐木魚、京都鳥貝、北海道海螺等等，壽司亦有大阪灣春子鯛、北海道利尻島海膽等，無論係食材、服務到價錢，都做得非常出色。

馬糞海膽白海膽。（圖片來源：Openrice@mostly.sushi）
【INFO】
《Sushi Hana》
地址: 大坑銅鑼灣道142號地下
營業時間:星期一全日休息，星期二至日12:00 - 14:30，18:00 - 22:00

Omakase推介2025 | 7. 和緣割烹 Wa-En Kappo

想喺一個可以飽覽270度維港海景嘅地方食Omakase？咁就一定要去上環嘅和緣割烹 Wa-En Kappo！和緣割烹嘅每一道菜都非常出色，但最驚喜嘅，係佢哋連甜點都做得咁細緻，好似甜蕃薯最中餅，加上煙燻牛油同淡雪鹽，非常特別！如果你想試，不妨趁佢哋做優惠時去，因為午餐同晚餐都有「四人同行，一人免費」嘅超抵優惠，仲可以1升級加購和牛手卷，兩項優惠可以同時使用！午餐每人$400起就食到，喺呢個價位，可以喺咁靚嘅環境食咁多高質菜式，絕對物超所值！

極尚時令刺身 (赤貝，蝦，深海池魚，間白魚，吞拿魚赤身)。（圖片來源：Openrice@Peanuts Foodie）
【INFO】
《和緣割烹 Wa-En Kappo》
地址 : 上環干諾道西48號干諾中心29樓
營業時間: 星期一至日 12:00 - 15:00，18:00 - 22:00

Omakase推介2025 | 8. RYOTA KAPPOU MODERN

RYOTA KAPPOU MODERN係米芝蓮一星餐廳 (2020-25)，呢度嘅菜單嚴選時令食材，將傳統同現代融合，為你帶嚟一場特別嘅味覺體驗。RYOTA KAPPOU MODERN 提供兩種套餐，6道菜菜單（$1,580）同8道菜菜單（$2,028）。6道菜套餐有齊鵝肝、鮮味嘅毛蟹茶碗蒸、刺身、和牛松茸sukiyaki、季節土鍋御飯同甜品，非常豐富。而8道菜套餐則有更多海鮮同和牛嘅選擇，好似海老Terrine、雪蟹湯、燒金目鯛同燒和牛等。每一道菜都經過大廚精心設計，將時令食材嘅鮮味完美呈現。

米芝蓮一星割烹料理體驗。（圖片來源：Openrice@Nei bb)
【INFO】
《RYOTA KAPPOU MODERN》
地址: 中環安蘭街18號21樓
營業時間: 星期一至六 12:00 - 15:00，18:00 - 23:00，星期日全日休息

Omakase推介2025 | 9. Sushi Hare鮨晴

Sushi Hare鮨晴嘅套餐有約13貫壽司，由墨魚、針魚、車海老、赤貝到熟成5日嘅金目鯛、青森沙甸魚等等，每一件都做得非常出色。最令人驚艷嘅係嗰件沙甸魚，魚香同酸味平衡得非常好，可以話係食過最好味！墨魚、金目鯛同海鰻都係高水準之作，中拖羅同赤身亦喺水準之上。酒餚方面都做得好好，有九繪燒、白子拼蠔、烏魚子蘿蔔糕等，非常足料。

青森産 中拖羅。（圖片來源：Openrice@Arthur 唔熟唔食）
【INFO】
《Sushi Hare鮨晴》
地址:上環必列者士街29號地舖
營業時間:星期一至六 12:00 - 14:00，19:00 - 22:00，星期日全日休息

Omakase推介2025 | 10. 紫美Murasaki

近期大獲好評嘅廚師鮨店紫美Murasaki，午餐套餐有大概10道壽司及酒餚，好似北寄貝蜆湯、真鯛、金目鯛、醬油漬赤身，仲有蛇腹位置嘅大Toro，非常豐富。最特別嘅係，佢哋嘅魚料非常新鮮，同好多地方嘅午餐魚料有明顯差別。而酒餚方面，烤海鰻絕對係必試！呢度用咗台灣原住民香料馬吿調味，帶點麻同lemongrass嘅味道，味道細緻，質感又係食過最好嘅，連平時唔鍾意食鰻魚嘅人都會大讚！如果你係一個人食，呢度都有by glass嘅葡萄酒、香檳同清酒，可以單點嚟配，非常貼心。

（圖片來源：Openrice@ki918）
（圖片來源：Openrice@ki918）
【INFO】
《紫美Murasaki》
地址: 上環荷李活道181號地舖

Omakase推介2025 | 11. Sushi Wadatsumi

K11 MUSEA 嘅Sushi Wadatsumi係一間非常優質嘅米芝蓮一星Omakase餐廳。相對於其他熱門鮨店，呢度唔算係預約困難店，但出品絕對高水準，係一間你想食都仲有辦法自己book到嘅鮨店！Sushi Wadatsumi 嘅晚餐有兩個選擇：Tsuki ($1,880)同Dinner Omakase ($2,280)。Tsuki有5道前菜、燒物、10貫壽司、卷物、湯同甜品，非常足料；而Dinner Omakase則有6道前菜、燒物、12貫壽司，仲有其他配菜，更加豐富。佢哋嘅食物水準非常高，好似毛蟹咁，都係令好多朋友眼睛發光嘅原因。如果你食量唔大，Tsuki套餐都已經非常出色，可以食得更舒服。

無論係食材﹑環境﹑服務都高水準。（圖片來源：Openrice@qiaoanlau）
【INFO】
《Sushi Wadatsumi》
地址: 尖沙嘴K11 MUSEA六樓607號舖
營業時間:星期一至日 12:30 - 15:00，19:00 - 22:00

Omakase推介2025 | 12. YAKINIKU GREAT

想食名人殿堂級嘅日本A5和牛，又想試吓Omakase嘅形式？扎根香港超過11年嘅YAKINIKU GREAT，絕對可以滿足你！佢哋喺中環SOHO同上環都有分店，分別推出全新Omakase餐單，俾大家品嚐多款稀少部位嘅和牛。

YAKINIKU GREAT SOHO嘅Omakase “GREAT”套餐（$1180），係一個包含8款和牛稀少部位嘅15道菜盛宴。大廚會每日親自挑選最新鮮美味嘅和牛，由清淡到濃郁，油潤到有口感，用和牛獨有嘅滋味溫柔地喚醒你嘅味蕾。當中嘅Yakisashi同Fillet，分別用獨特嘅醬汁同烹調方式，帶嚟非一般嘅味覺體驗。而Chateaubriand配北海道馬糞海膽飯，將最珍貴嘅和牛部位同海膽結合，一口食盡和牛嘅香嫩同海膽嘅鮮甜，真係極致嘅享受！YAKINIKUGREAT上環本店嘅Omakase“KIWAMI”「極」（$880），則主打家庭客，除咗多個稀少部位，配菜都係一大亮點，同樣高質又足料！

Omakase“KIWAMI”「極」。（圖片來源：官方圖片）
Omakase “GREAT”套餐（圖片來源：官方圖片）
【INFO】
《YAKINIKU GREAT SOHO》
地址: 中環砵甸乍街45號The Steps H Code 1樓
電話: 2758 8688
營業時間: 星期一至六 18:00 - 23:00 (星期日休息)

《YAKINIKU GREAT 上環本店》
地址: 上環皇后大道中255號 Manhattan Avenue 地下1號舖
電話: 3565 6129
營業時間: 星期一至六 18:00 - 23:00 (星期日休息)

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk